بكره موعدنا الحقوني قبل نرووووح الله يوفقكم ....

السلام عليكم ورحمة الله وبركاته

:( فزعتكم يابنات ابي اخذ رايكم بموضوع

اليوم انا وزوجي واطفالي بالهايبر بنده

الا وقفنا هالمصري يقول عندهم جوائز وهالشركه للقرشي لانه مسوي وكالة سفر وسياحه

وقال لنا سؤالين وجاوبنا عليها فقال عندك 3 جوائز تختار منها جائزتين فوريه

الجائزه الاولى : دخول على سحب في السفر مجانا لدبي او بيروت او مصر او ماليزيا وهذا السحب لمدة سنه كل اخر شهر يتم السحب منه

الجائزه الثانيه تعليقه ذهب بحرف الشركه

الجائزه الثالثه : اسبوع بشرم الشيخ نص القيمه على السكن والاكل من دون تذاكروالاطفال من دون 12 سنه مجانا

المهم اخترنا الجائزتين الثانيه والثالثه وهي مؤكده على مايقول

والاولى وضعنا بالسحب علشان خاطر بنتي الصغيره خخخخخخخ على قولته

وطبعا علشان نروح لمقر الشركه ويعرفون انا كسبنا هالجوائز لازم يكون معنا بطاقتهم وهالبطاقه دفعنا عليها 50 ريال ونسترجع هالخمسين عند بوابة دخول الشركه

المهم بكره موعدنا انا وزوجي بمقر الشركه ويقول اهم يفهمونكم كل شي

انا ماادري وش سالفتهم وياترى هالجوائز صدق ولا كله لعب بلعب

لاني مره قريت بمنتدى انهم كذابييييين

اخاف يضحكون علينا اذا رحنا ويلحسون عقولنا بكلامهم

الله يوفقكم بنات نوروني انا وزوجي قبل نروح لهم موعدنا عندهم بكره الساعه 11 بالليل