بكرى بيرجعني لبيتنا ...

مراحب يا اخواتي
عشان مشكله بسيطه جاني وقال هذي مو عيشه خلاص انا ما ابيها مليت انا ما ابي ادفن نفسي عشان هالبنت خلاص انا ابي اعيش
انا تعبت خلاص وعفتك ما ابيك ابي فراااقك خلاص ابيك تروحين لاهلك..ويدعي على ولده اللي ببطن مايجي ل جعله مايثبت...بنات زوجي من النوع الي مايحب كلمته كلمتين اذا قالي سوي هالشي لازم يصير حتى لو هالشي ما ابيه صبرت كثير ومازلت اصبر ساعات لمن اكون ما ابي اشوف امه ...اسلوبها مابديت اتحمله يقول تروحين معها وتجين معها مسويني مثل العبده عنده وين ماراحت امه زواجات طلعات لازم معها خلاص مليت وهي اسلوبها الله يهديها صعب كل شوي لازم تقط بهالكلام.....وشو العمر عشان اقضيه بهالطريقه...حاولت فيه نطلع بشقه قال وش رايك نتطلق احسن انتي مافي شي يعجبك....طلبت منه خادمه لبنته قال وش رايك ترجعين لديرتك لان انتي مايعجبك شي....البيت فيه ثلاث خدامات استخدمي خدامات امي ...وامه تنتظر الحركه عشان تكملها علي
اليوم يقول بكرى برجعك لاهلك ونا اهلي بديره ثانيه...ما تضايقت ومتوكله على الله ان الله راح يعوضني خير
قريت سورة البقره كلها وحسيت براحه..
بنات ماني عارفه انا مو متضايقه ولا فرحانه...ما راح اعرف وش راح اسوي انا وهالبنت بروحنا وابوي شخص على قد حاله....لكن عندي ايمان ان الله اذا اراد يثبتنا راح يثبتنا لاامه ولا احد يقدر ياثر عليه
ماني كارهه الروحه بس خلاص ذقت الضيم والظلم من امه ..لدرجه تدخل علي الغرفه وتهينني وتهين اهلي عشان شفت شنطة خدامتي الجديده فتشتها بالاحرى >>>هذي عوايدنا متعودين عليها
هانتني وسبت اهلي عشاني طلبت طرحه من الخادمه تدورها...راحت الخادمه تشتكي لها تقول ماما تقول دوريها ايش تقصد يا ماما يعني انا سرقتها يا ماما ....والله يا اخوات هانتني ولعبت فيني لعب....لمت البيت علي بصراخها سمعت عيالها وحريمهم ....قلة ادب وقلة حياء
وحتى الخدامه اللي عمي __(زوجها)) هو الي استقدمها لي من بلادها مو عن طريق المكتب
تخيلو اخذت الخدامه لها
ذل وقهر وتعب نفسي ....تعالو شوفو شلون شكلي وهي تتامر على خدامتي وتطلب منها ونا ياحسرتي كلرهتها وكرهت حتى شوفتها كل حريم عيالها ساكنين بنفس البيت كلهم احترام وتقدير ولا تتدخل فيهم وانا مكرهتني حياتي
يعني يوم قال زوجي طلاق ما حبيت ولا كرهت....صدق هو غالي علي وتضايقت حيل يوم سمعت هالكلام لكن الخيره فيما اختاره الله
طلبت منه انه مايتضايق لان مايهون على قلبي اشوفه متضايق وقلت له ماراح يصير الى اللي تبيه...انت ماقصرت مععي بشي ما ارجع الى وانت راضي عني
وبكرى بيشوف اذا فيه حجز او لا
دمعتي والله على خدي الله يفرجها من عنده بحل يرضي الطرفين ويفكني من ذل امه وتسلطها...لاني احس ماعاد فيني اتحمل
اليوم مريت من الصاله جالسه تشتكي لحرمة ولدها عني وحرمة ولدها تقول نصيب سبحان الله
ياربي ارحم ضعفي وهواني وقلة حيلتي ليش ياربي هاذا نصيبي
خلاص مو قادره على امه...عرافه انها شايله بقلبها لاني ماعدت مثل اول اسولف وضحك معها لا سلام و ارد عليها اذا سالت عن بنتها وبس ابتسامات يعني ساحبه نفسي بقوه على ورى وهالشي مضايقها هي مالها صاحب تقربت لها كثير تبتسم بوجهي وما يمر اسبوع الى وتهينني ...والله العظيم خداماتها تحترمهم اكثر مني ...ما خبرت ابوي عن عن هالشي ماحبيته يكره اخته ماحبيت اكون سبب في قطع الارحام ماحبيت اكون سبب ان اخلي ابوي يكرهها وهالشي اجري بلقاه عند رب العالمين مو خوف منها لكن مايضيع شي عند رب العباد
والله يا اخوات ماني قادره حتى اسولف مع امه...كرهتها الله حسيبها والله موقادره اتقبل موقف واحد منها
بس خلاص اللي يصير يصير لو على حساب عياله اللي عاشو ما ماتو لكن هالعيشه ماابيها
احب زوجي وابيه لكن عشان راحتى النفسيه عشان مايجيني شي مع الوقت وامرض مستعده ارجع لبيت اهلي...ونا عارفه امه راح تاثر
عليه مايرجعني لكن الرزق عند الله هو المعطي هو الرازق ...اذا الله رايد لى الخير راح يرجعني معززه مكرمه لكن رجعت الذل ما ابيها
مقهوره على نصيبي ليش ياربي...والله اكتب ودموعي على عيوني ...امي السبب بهذا كله هي اللي رضت اسكن مع امه هي اللي ما علمتني ونبهتني ان هالشي اللي بسويه راح ياخذ من عمري وصحتي
لا استقلاليه ولا راي ولا كلمه اهانات ومذله والله مو كاسر خاطري الى هالبنت لا تقولون اصبري والله صبرت كثير حتى قذف قذفتني وسكت عليها ....اللهم ارحم ضعفي وقلة حيلتي وهواني
لاحول ولاقوه الى بالله