السلام عليكم ورحمة الله وبركاته
كيفكم ياحوامل التاسع ويابكريات ياترى خايفين زى مكنت أنا خايفه ….. طبعآ
أنا جايه أنهارده مخصوص عشانكم يابكريات
كنت كل يوم أدخل منتدى عالم حواء وأقرأ قصص الولاده وآآآآآه من الرعب والخوف اللى كنت بحس بيهم لما أتخيل نفسى مكان صاحبة القصه :icon33:
ياالله لك الحمد كما ينبغى لجلال وجهك وعظيم سلطانك
اللهم لك الحمد حتى ترضى ولك الحمد أذا رضيت
أنا ولدت بمستشفى عرفان بجدة ومتابعتى مع الدكتورة القديره الآكثر من رائعه أنيسه أسلم
يارب يحققلها كل اللى بتتمناه وأكثر بحق وقوفها بجانبى طول حملى وحنيتها ورعايتها وقت الولاده هى وكل الممرضات والدكاتره اللى كانوا بغرفه ولادتى
تبدأ قصتى …..
ميعاد ولادتى المتوقع كان 20\1\2010 وكان عندى متابعه بأول الأسبوع الـ37 عشان الدكتورة تكشف كشف نسا وتشوف عنق الرحم مفتوح ولا لأ
وده كان يوم الأحد 3\1\2010 لا تتخيلوا مدى الخوف اللى كنت فيه من قبلها بأسابيع وأسأل البنات والحوامل وأقرأ حكايات البنات هنا بالمنتدى عن آلم كشف النسا الغير محتمل ‼ :09:
ويوم الكشف من الصباح وبطنى توجعنى من الخوف وزوجى يهدينى ويقولى بأذن الله مفيش آلم …. وروحت فعلآ وأنتظرت دورى أمام غرفة دكتورتى الجميلة أنيسه وكل ميقرب دورى أتمالك نفسى بصعوبه ماأبغى أبكى وزوجى يهزر معايه عشان أهدى
وجه دورى ودخلت للدكتورة قالتلى لازم كشف نسا قولتلها مفيش طريقه تانيه لقياس الحوض غير كشف النسا
قالتلى لأ قولتلها فى آلم قالتلى بأذن الله مافى وهى مبتسمه … ربنا يباركلها
نمت عالسرير وزوجى والممرضه ساعدونى أنتوا عارفين طبعآ وجع الضهر بالشهر التاسع وهى جت وفضلت واقفه تهدينى الى أن أستقريت على السرير قالتلى هى وزوجى خدى نفس عميق وآرخى أعصابك وفعلآ وبدأت الكشف دخلت صابعين محستش بأى آلم نهااااائى وقالتلى الرحم مفتوح 1سم بعدها حركت أيديها بالداخل حسيت بآلم لمدة لحظه زى شكة الدبوس يعنى آلم لا يذكر :icon28:
وخلص الكشف وأنا بضحك على نفسى كل الرعب ده عشان ولا حاجه ‼ :hahaha:
وبعدها قالتلى الولاده ممكن بعد أسبوع أو أتنين , قالتلى أمشى كل يوم ساعه أو ساعه ونصف :09: وأشربى قرفه وحذرتنى جدآآآ من زيت الخروع
وأدتنى ميعاد بعد أسبوع ومشيت من عندها وكان بدأ معايه آلم برجلى اليمين مكنتش قادره أمشى عليها تانى يوم نزلت منى أفرازات مخاطيه لونها بنى مع مغص بسيط آكلت تمر وشربت قرفه باللبن محلاه بالعسل الأبيض وأكلت أناناس فريش :f226:
وأستمرت الأفرازات بس لونها أبيض ويوم الاربعاء بالصباح نزلت كتله مخاطيه كبيره لونها أبيض أعتقد والله أعلم أنها كانت السداده زى مسمعت من بنات قبل كده بس بدون دم ومن بعدها أستمرت نفس الافرزات البيضه الغليظه الى يوم السبت صباحآ 9\1\2010 أستيقظت الساعه 9 على مغص أسفل البطن مثل مغص البريود بيستمر لحظات ولما لقيته بيتكرر طلبت من ماما تجبلى ورقة وقلم عشان أحسب الوقت :3_3_103: … طبيعه شغلى فالهندسة غلبت عليه حتى ونا بولد ….. ههههههههه
وجدته بيتكرر كل 8 دقايق , آخدت دوش ساخن أتغير الوقت بقى يجينى المغص كل 15 دقيقه وأوقات 20 دقيقه يعنى غير منتظم وماما قالتلى مش ولاده طالما مفيش دم ولا مويه وكمان بطنك عاليه لسه منزلتش
وبدأ يزيد على مدار اليوم والألم كمان بأسفل ضهرى ولما يجينى مقدرش أتحرك من مكانى أنظم نفسى أخد نفس عميق من أنفى وأطلعه من فمى كان بيهدى الطلق ويقلل الآلم ….. وكان الآلم محتمل مش موووت زى مكنت بقرأ من كلام البنات
دخلت المطبخ وجهزت الغده :cook: وعملت حمام محشى وصينية جلاش باللحمه المفرومه مكنتش أعرف أنها ولاده ……. ههههههههه
ولما رجع زوجى وشافنى تعبانه زعل أنى وقفت وعملت الأكل بس بصراحه كان نفسى جدآآآ فيهم :21:
وبدأ الطلق يتقارب فالوقت ويزيد بس بردوا محتمل مش فظيع نظمت نفسى وهديت أعصابى وزوجى وماما جنبى
ولما الألم موقفش قال لماما نروح المستشفى وأتصل بدكتورتى الجميله أنيسه وصفلها الوضع قالتله نروح للطوارئ ولو ولاده هيستدعوها :11retcher
روحنا فعلآ المستشفى مكنتش موجوده كان دوامها خلص والكلام ده كان الساعه 10 مساءآ سكرتيره القسم قالتلنا نطلع الدور الرابع لكشك الولاده يكشفوا عليه
طلعنا فعلآ ودخلونا غرفه والممرضه قالتلنا الدكتورة أيمان هى اللى هتكشف عليه
وقتها أعتقدت أنها دكتورة أيمان بغدادى قولتلها لأ مش عايزاها عايزه أى دكتورة تانيه وزوجى كمان أضايق لأنى جربتها بأول زواجى كان عندى التهابات وروحتلها عشان تاخد عينه من المهبل اتعاملت معايه بمنتهى العنف وحسيت بألم رهيب عشان طريقتها الغبيه واستعجلها ومكنتش عايزه تسمعنى أصلآ عشان كده لو بموت محبش ايمان بغدادى تلمسنى الله يهديها
دخلت الدكتورة والحمد لله رب العالمين كانت دكتورة آخرى أسمها أيمان مصرية شخصيه حبوبه فعلآ وكانت هاديه جدآ معايه الوقت اللى دخلت فيه كان عندى طلق قولتلها لأ متكشفيش انا عندى طلق اصبرى قالتلى بمنتهى الهدوء خلينى اكشف وقت الطلق مش هتحسى بحاجه وزوجى قالى كده احسنلك الألم كله مع بعضه افضل
وفعلآ كشفت ماشاء الله عليها أيدها أصلآ محستش بيها وقالتلى الرحم مفتوح 2سم فقط … اضايقت الطلق من 9 صباحآ الى 11 مساءآ وفتح 1 سم بس ‼!
ودعيت ربنا أن ده يكون الطلق ميزيدش عن كده كان آلم محتمل مغص أشد من مغص البريود
نصيحه يابنات خلوا الدكتورة تقيس الرحم وقت الطلق لأن آلم الطلق قوى مش هتحسى بالكشف معاه
يتبع .........
سكرررر2008 @skrrrr2008
كبيرة محررات
هذا الموضوع مغلق.
الصفحة الأخيرة
ادتنى كمامه قالتلى لما يجى طلق شميها هتقلل الآلم وكانوا ركبولى جهاز التخطيط لأنى مكنتش قادره أمشى , وبدأ الطلق يزيد مره واحده وبقى الوقت يمكن 5 دقايق أو أقل وبصراحه الآلم كان قوى جدآ مكنتش بلحق أخد نفسى والكمامه مبقتش بتآثر فيه :09: وكانت الساعه تقريبآ 1 صباحآ
كنت وقتها بسألهم عن دكتورتى عايزه آخد أبره الضهر وخايفه من كلام البنات عنها وعايزه أستشيرها
خرج زوجى من الغرفه عشان يشوف الدكتورة امانى مكنتش موجوده وجد دكتور مصرى دكتور التخدير للأسف نسيت أسمه بس هو دكتور شاب سأله عن الأبره وكل التفاصيل والدكتور طمنه جدآ بس أنا كنت خايفه كنت عايزه الدكتورة أنيسه هى اللى تطمنى بس للأسف أنيسه مش هتيجى غير على الولاده
وكانت الساعه 2 بليل والطلق بقى رهيب وفجأه جتنى طلقه قويه حطيت الكمامه رغم انها مبتعملش حاجه ووسط الطلقه لاقيت مويه بتنزل منى كأنه حمام بالظبط وزوجى واقف ادامى بس مش قادره انطق من الآلم وكان خارج من الغرفه عشان يستعجل الدكتورة كانت الطلقه خلصت قولتله المويه نزلت قالى متأكده قولته أيوه خرج يجيب الدكتورة وجت بسرعه مع الممرضه ولما بدأت تكشف عليه بدأت أرتعش بصورة غريبه وجسمى كله يتنفض وزوجى بيحاول يثبت رجلى عشان الدكتورة تكشف وكنت حاسه ببروده رهيبه مره واحده وقاست الرحم قالتلى يابنتى لسه 3 سم فقط خدى أبرة الضهر مش هتقدرى وفعلآ كنت وصلت لمرحلة عقلى هيطير من الآلم قولت لزوجى خلااااااااص عايزه ابره الضهر ويحصل اللى يحصل
غطونى بغطى شكله غريب ودخلوا هواء ساخن من اسفل الغطا وبعد كام دقيقه دفيت والرعشه راحت
وبعد المويه منزلت الطلق حمى جدآ ومبقتش قادره اتحمله وأنا بتألم بعدها دخلوا ممرضتين خدوا عينه دم وطلع لازم يعملوا تحليل دم قبل الابره وكان وقتها الآلم أصبح لا يحتمل كل مازوجى يدخل الغرفه اقوله اتصرف انا بموت يقولى بعد الشر عنك ويخرج جرى يستعجلهم ويدخل اقوله حرام عليك انا بتعذب يخرج جرى ههههههههه , شكله كان بيقف بره الغرفه شويه ويدخل عشان يريحنى
وبعدها دخل دكتور التخدير ومعاه ممرضات وتربيزه عشان اسند عليها
بمجرد مقعدت جت طلقه قولتله متلمسنيش فى طلق فى طلق قالى أهدى متخافيش مش هعملك أى حاجه غير لما الطلق يروح وفضل واقف الله يكرمه لحد مالطلق راح قولتله هتعمل ايه عشان متفجأش قالى هديكى أبره مخدره زى شكة الدبوس وبعدها هركبلك أبرة الضهر
وفعلآ كانت شكت دبوس بسيطه وبعدها حسيت بمويه بارده بتمشى فضهرى وكان الاحساس الجميل اللى حسيت بيه بعد ساعات الطلق
وكان الفيصل بين الألم والرااااااااااااااااااحه وكانت الساعه بقت 3 تقريبآ
نمت بعدها على ضهرى وفضل الدكتور واقف جنبى عشان يتأكد من مفعول الأبره وقالى وقتها فى طلق عندك حاسه بحاجه ؟ بصيت لزوجى بدهشه وفرح والله متتصوروش نجده من السماء مش مصدقه انى مش حاسه بالآلم الرهيب ده
ودخلت ممرضه ركبتلى الفسطره
اللهم لك الحمد
بقيت بتكلم مع ماما وزوجى وبتابع جهاز التخطيط وزوجى يقولى فى طلق قوى الآن وانا الحمد لله مش حاسه بأى حاجه
كانت الساعه بقت 3 ونصف دخلت دكتورة امانى الله يكرمها معاها الممرضه بتقيس الرحم لاقيته مفتوح 7,5سم فرحت وقالت للممرضه ان ده بسبب ابره الضهر بتسرع الطلق وبتفتح الرحم بسرعه واتصلوا على دكتورتى الجميله انيسه جت الساعه 4 دخلت الغرفه وكانت لبست لبس العمليات وكانت معاها دكتورةامانى و6 ممرضات
رفعوا رجلى على مساند وربطوها ولبسونى زى شراب بطول رجلى وجلست انيسه على كرسى منتظرين الطلق ولما جت الطلقه قالولى ادفعى مع العلم ان بنوتى كانت بأعلى بطنى منزلتش بدأت ادفع بس كنت بدفع غلط
الدكتورة امانى قالتلى ادفع ازاى حولت 3 مرات وبالمره الرابعه قالولى دفعك ضعيف الممرضه هتساعدك وجت الطلقه انا دفعت بكل قوتى والممرضه ضغطت بزارعها على بطنى من اعلى ضغط قوى ومعاها ممرضه آخرى وهما بيشجعونى لاقيت بنوتى خرجت الساعه 4.40دقيقه صباحآ :baby2:
حطوها على صدرى وقصولها الحبل السرى ونا مكنتش مصدقه ان انا ولدت لأنى محستش ولله الحمد بأى الم نهااااااائى من بعد الابره
خدوا بنوتى خلف ستاره بالغرفه ودخل دكتور الاطفال وجلست دكتورتى الجميلة انيسه تخيطنى وكنت منبهه على زوجى بعد بنوتى متتولد عينه متغبش عنها وفعلآ فضل معاهم وهما بينظفوها وحفظ ملامحها ….. بصراحه خوفت تتلخبط مع البيبيهات اللى فالحضانه ووصلها لحضانه الاطفال ورجعلى كانت خلصت خياطه ونزلوا رجلى من على المساند ونظفوا الغرفه وخرجوا
وكنت سألت الدكتورة ممكن أشرب مويه قالتلى طبعآ براحتك كنت عطشانه جدآ شربت مويه كتير وعلى الضهر كان تآثير المخدر راح وجت الممرضه شالت القسطره حسيت بآلم بسيط وبعدها نقلونى لغرفتى وجبولى بنوتى بعد منظفوها ماشا الله تبارك الله
ربنا يباركلنا فيها ويرزقنا برها
وأى سؤال بخصزص مستشفى عرفان او دكتورة أنيسه أنا حاضره
دعواتكم لى بتمام الشفاء لأن الجرح للأن لسه ماطاب وربنا يهدى بنوتى وتبطل صرررررررراخ :11: