بكرية وابي تفيدوني بنات ضروري ( الله يجزاكم الجنه )

امشي قد ماتقدرين
وكثري اكل تمر
و اقرأي سورة مريم
واتركي الطلق يجيك بروحه وسبحان الله اذا جاك بتعرفينه ان الطلق لانه يبدا مثل الانقباضات بالجوانب واسفل البطن وكل نص ساعة يزداد وبعدين يتقارب الوقت
وبعضهم تنزل منهم سدادة الرحم تكون مخاطية مخلوطة بدم تكون اشارة ان الولادة قربت وهذي صارت معي
وبعضهم تنفك عليهم موية الجنين
وبالنسبة لشنطة النونو حطي فيها اللبس كامل بربتوز و قبعة ٢ ومهاد ولفة الطفل واخذي حليب صناعي للاحتياط عشان لاسمح الله مانزل منك حليب وماقدرتي ترضعين من صدرك بما انك بكرية يكون عندك حليب مع الرضاعة حجم صغير طبعاً وابتعدي عن المصاصة ما انصح فيها لازالت بنتي متعلقة فيها مع ان شوي وتكمل سنتين
وحطي ادوات النظافة شامبو ولوشن و زيت الاطفال والمشط ولاتنسين قفازات قماشية للطفل عشان مايخدش وجهه وعيونه بأظافره
وانتي حطي لك ثوب خفيف مثل الروز لان ما انصح تاخذين شي مشكشك اول يومين بتكونين تعبانة ويادوبك ترتاحين
ولا تنسين جوالك والشاحن
واذا انتي تلبسين ذهب بالعادة افصخيهم قبل تروحين للولادة افضل
ادري قرقت عليك لكن عطيتك تجربتي الشخصية

قبل كل شي ادعي بالتساهيل والله يخارجك انتي والبيبي بصحه وسلامه

ثاني شي لا تشربين اعشاب قبل ما تبدا عندك بوادر الولاده


امشي وكثري جماع وجلسة القرفصاء مرره تساعدك وتسرع الولاده


بالنسبه للشنطة المستشفي لك
خذي بجامتين ولبس استقبال ولبس للخروج
وعبايه كامله بالغطا والطرحه
وطرحتين ملونه وقت جلستك بالمستشفي

شراريب ٢

سراويل القطنيه اللي تجي اللي تجي الي الركبه
سنتيات رضاعه
وملابس داخليه وفوط (اكثر المستشفيات توفرها)

مرطب
مزيل عرق
عطر صغير تتعطرين بعد الولاده علي طول عشان الشمم
او تشمي مره نفس الغرض

مرطب شفايف
روج وقلم كحل خفيف
مشط وشباصه
شاحن للجوال

للبيبي

٤لبسات داخليه
و٤خارجيه
كوفله
بطانيه
قبعه

مدري اذا يوفروا حليب او لا بالمستشفي اللي بتولدين فيه
هم يروشونه ويغيرون له

ماشاءالله م قصرو البنات ، الله يقومك بالسلامه 🌷

نصيحه مني خذي لك اشياء مررره بسيطه مثل الشامبو حقك ومنشفتك وبجامه وفوط ولبس داخلي .. بالنسبه للبيبي خذي لبس واحد بس ولفه حقته وبطانيه صغيره للبيبي لان الجو بيكون بارد
الله يقومك بالسلامه