[بكرية] وعندي كم سؤال راح يفيدني ويفيد البقية .. حياكم الله =]
السلام عليكم كروشات
.
عندي كم سؤال يدور براسي له فترة
وكنت اسوي بحث عن بعضها والقى أجوبة مختلفة وإستفدت من تجارب
الغير ولكن فيه بعض النقاط مالقيت لها إجابات دقيقة ..
نجي للسؤال الأول:
العناية بالمنطقة الحساسة بعد الولادة مباشرة ً وإلى الطهر .. كيف؟
يعني التشطيف بالماء كيف يكون
وخصوصا ً إن المنطقة مجروحة ومخيوطة وصعب
إننا نلمسها :(
والتجفيف بعد كيف يكون؟؟
أنا لأن ماعندي اي خلفية عن الوضع .. فأحس إن التبديل بين وقت والثاني راح يكون معقد ومتعب :09:
.
السؤال الثاني:
تبديل حفاظ البيبي .. فيه ناس تمسح بالمناديل المرطبة وفيه من يمسح بقطن عريض + ماء دافي
وش الأحسن؟ والأنظف؟ وهل غسل المنطقة بالصابون مطلوب في حالة التغيير ما كان فقط بول :35:
وسمعت بعد إن وضع كريم الحفاظ
بعد كل تغيير ممكن يسبب حساسية؟؟ معقولة؟
.
السؤال الثالث:
سرة البيبي هل تحتاج لتهوية دائمة؟ لأني شريت قطعه تنلف على سرة البيبي
علشان لا يعورها اللبس الخارجي أو الحفاظ ..
.
السؤال الرابع:
هل الفوط الصحية الخاصة بالولادة مطلوبة لفترة طويلة؟ يعني أكثر من أسبوع؟
متى يبتدي التدفق يقل؟
هذي هي الأسئلة اللي ببالي حاليا ً
وإذا تذكرت شئ راح أرجع وانزله أتمنى من المجربات يفيدونا
بخبراتهم وخصوصا ً بهالتفاصيل الدقيقة بالنظافة الصحيحة للمنطقة حتى لا تصيدنا إلتهابات لا سمح الله :(