بكرية وقيصري بالشهر الثامن

توكلي على الله

اطفال كثير انولدو بالسابع والثامن والحمدلله مافيهم الا العافيه

انتبهي لنفسك اهم شي بالوقت الحالي

الرز مانصحك فيه ابدا الا اذا انجبرتي عليه ومافيه غيره لان مافيه فايده وينفخ البطن

زوجك لازم يساعدك وقت ماهو بالبيت خليه يمسك عنك الولد ويرضعه وينتبه له وانتي ريحي جسمك

واذا ما يقدر، جيبي خدامه تساعدك

الانحناء وألم العمليه يختلف من جسم لجسم

الالم يقلله المشي داخل البيت ، المشي العادي بالهداوه مو السريع
والمشي يساعد على إلتمام الجرح وشد العضلات

اهم شي لا تسوي شي فوق طاقتك

الاكل ثم الاكل ثم الأكل لازم يكون صحي ومفيد

لاتهملي البروتينات والخضار والخبر الكامل

وعودي زوجك يسوي لك مرق خضار مع لحم وحطي معاه علاجات النفاس وكوليه مع الخبز البر

تجنبي البرد ودفي نفسك قد ما تقدري

خوذي فتره النفاس كل يوم بيومه لا تستعجلي على نفسك بشي

والبيبي فيه حليب مع مكملات غذائية للمواليد الخدج وان شاء الله كلها شهر و تشوفي جسمه كبر وصار بصحه وعافيه

نفسيتك لازم تعدليها وقت النفاس كل وحده نفسيتها تكون زيرو الله يعين

شغلي قران اغلب الوقت عندك وعند البيبي وريحي جسمك واعصابك

والأقارب والمعارف الي حواليك ما فيها شي تطلبي منهم يساعدوك بشي

الناس للناس

والله يقومك بالصحه والعافيه ويحفظ لك البيبي وتشوفيه عريس ان شاء الله

من ناحية الاكل خليكي مركزه على الخضار والدجاج والحم والفواكه والشوربه او تسويلك سلطه
يعني مثلآ يوم سوي صينيه دجاج بالخضار بالفرن او ممكن تسوي شوربة كويكر بالدجاج
او ممكن تسوي مرق الحم بالخضار
واشربي يوميآ عصير برتقال طازج يساعد على التأم العمليه وكمان فيها فيتامينات يعني اشتري كرتون برتقال
واعصيرها بالعصاره الكهربائيه وحطي العصير بجالون بالثلاجه كل ماشتهيتي اشربي كاسه
وافطري بيض او قشطه مع العسل بعيش توست اسمر
وامشي يوميآ بس بشويش ولا تسوي شغل قوي بالبيت لازم تهتمي لين تخلصي الاربعين
ومن ناحية متى تبدائي تنحني بصراحه ماافتكر لكن انتي حطي ببالك
اول عشره ايام صعبه جدآ وبعدين العشره الي بعدها يبداء يخف الالم تدريجيآ واخر عشره ايام تكوني بأذن الله كويسه
من ناحية الاعشاب انا بس شربت قشر قهوه مااشربت اي شي ثاني
واهتمي بالعمليه كل يوم امسحيها بمسحه طبيه ولاتخلي العمليه تعرق دائمآ عرضيها للهواء
وكمان اذا اتحممتي لاتخلي المويه تجي على العمليه يعني جيبي كيس نايلون وغطي العمليه وحطي لصقه على اطراف الكيس

والله يقومك بالسلامه يارب

لازم تهتمي بنفسك. تعاملي مع حرمه تسوي لك اكل الطباخات وتنظيف البيت خدامه بالساعات اهم شي الراحه لاتجهدين نفسك وبعدين تندمين انا تفتحت خياطتي من كثر الحركه مع اني ع خفيف اتحرك. واهتمي بالاعشاب والجرح بمسحه طبيه وهويه اهم شي ظهرك يرتاح عشان بعدين لاتشتكين منه

يا رب تمر هذي الفترة على خير احس بقلق وتوتر وقلة نوم