طيب يمكن الحليب الطبيعي ما يشبعه اعطيها عاى الاقل لو رضعه في اليوم صناعي ما تدرين يمكن الجوع هو السبب

ياقلبي عليكي مبين فعلا انك قلقانة
شوفي من كلامك راح اديكي كم نصيحة تستفيدي منها وتربي بنتك على خير وسلام
1- النومة على البطن غلط ياقلبي .....ممكن خمس دقايق بالكثير وانتي واقفة جنبها وبعدها على طول ترجعيها على ظهرها ....اغلب وفيات المهد كانت بسبب نوم الطفل على بطنه ... حتى الطفل مايتنفس مزبوط وبصعوبة وممكن بسهولة يختنق .بعيد الشر
2- بعد كل رضعة لازم تكرعي البيبي .....ممكن يطول بس مو مشكلة اصبري شايلتها وبخفة وطبطبة حنونة تضربي على ظهرها وانتي شايلتها لحد ما تطلع الهواء وترتاح.
3- نظمي مواعيد رضعاتها عشان مايصير خربطة ماتعرفي هي جيعانة والا معدتها متلبكة . نظمي مثلا كل 2-3 ساعة اعطيها رضعة .
4- رضعة يانسون من بعد المغرب ولاتضيفي لها سكر ابدا عشان ماتزود المغص.
5- لازم تنام وتاخذ غفوات على مدار اليوم .....النوم جزء اساسي من نموها فلاتحرميها ....والاطفال اكثر شي يحبو يناموا بعد مايشربو الحليب ويشبعوا .
6-لما تجيها نوبة مغص على طول جيبي طشت نظيف وعبيه موية دااااافيه ....مو حارة نار ...دافية واسخن بشي بسيط من جسمها ولا تكون باردة ابدا ... المهم ....وشيلي عنها ملابسها والبامبرز حطيها بالطشت وانتي ماسكتها لاتفلت من يدك ..اهم شي دفى الموية يجي على جسمها بالذات رجولها وبطنها وصدرهاوظهرها ....راسها لا تبلليه ....خليها شوي بتبدا تسترخي وترتاح.
7- انتبهي من الحليب لايطول بالرضعة ....اقصى حد ساعة وكبيها حتى لو لسة الرضعة مليانة عشان ما يتخمر الحليب ويمغص الطفل .
8- لاتعملي حليبها بموية حارة ...لازم تستعملي موية فاترة ونظيفة ...موية الصحة الجاهزة افضل شي ..على طول بالرضاعة لاتسخين ولاغيره دافيه زي ماهيه من الكرتونة .
9-استعملي لها رضاعات افنت متازة لمشكلة المغص لانها مابتدخل هواء لبطن البيبي.
10 - لما تبكي تاكدي من البامبرز مايكون ضاغط على بطنها او افخاذها ومايكون مبلول ومزعجها .
11- طالما رضاعتها طبيعي فحاولي تنتبهي لاكلك مررررره ....اوقات هو بسبب لها مغص ....ماتاكلي فول ولاعدس ولا اي بقوليات ولاملفوف ولاقرنبيط ولاحليب ...كلها بتسبب غازات للبيبي ..... ولا تاكلي شطة او اكل حراق او ثومة وبصلة كثير ....اشربي حلبة ويانسون وكراوية وكثري شرب موية وخذي حليب خاص بالام المرضعة موجود بالصيدليات زي حليب الحوامل ....هذا ممتاز ومغذي ليكي وللبيبي كمان يستفيد منه عن طريق حليبك .
12- اشدد واكرر .....لا لا لا لا للقهوة او الشاهي او الشيكولاته او البايسن وغيره من المنبهات والمنشطات .....تدخل للبيبي بالحليب وتجيبلها ارق وماتخليه مسكين يعرف ينام وكمان تسبب له تسارع بضربات القلب تخلية مجهد ومصحصح غصب عنه .
تقدري تشربي شاي اعشاب ...اليانسون ....البابونج ....الكراوية ....النعناع حلوة تريح جسمك وتريح البيبي .
13-ى كثري من اكل التمر والمكسرات والسلطة بالذات الخضار والورقيات(خس - جرجير)

نفس الحاله والله
ولما تشرق من الحليب او حتى من ريقها اموت رعب
وفيها كحه الحين فديتها توها شهر بس

عادي يجيها مغص وحتى لو كانت ترضع طبيعي لأن الأكل اللي تاكليه يؤثر عليها جيبي شمر ممتاز وخوذي ملعقة صغيرة واغسليها بعدين صبي عليها كاس ماء مغلي وحليها بسكر نبات واقسميها رضعتين وحدة بالنهار وحدة قبل تنام واشربي انتي بعد قبل ترضعينها جيبي ملعقة كبيرة شمر وحطيها بكوب وصبي عليها ماء مغلي وخليها تدفا واشربيها عشان تروح فايدته مع حليبك والله يخليها لك

الله يخليها لك