بكريه بعيده عن اهلي .. شوروا علي في ولادتي

السلام عليكم ورحمة الله وبركاته

كيفكم حوائيات؟ محتاجه مشورة كل ام خصوصا اللي ولدت بعيد عن اهلها ربي يعافيكم..
انا الله يسلمكم بكريه وساكنه بعيد عن اهلي واسمع كثير ان البكريه ممكن تزيد عن التاسع باسبوعين تقريبا..
امي مريضه وزوجي عنده دوام وقت ولادتي بإذن الله ومتعود على وجودي الله يحفظه ويفقدني مره إذا سافرت لاهلي وانا برضه من تزوجت صرت استحي اطلب اهلي زي اول واحس مره صعب تجيني الولاده وزوجي مو موجود واضطر اطلب من اخويه او الوالد الله يحفظهم يودوني المستشفى... مدري ليش احسها فشيله خخخخخخ حتى لمن حملت اوصي امي ان اخواني ما يدرون واستحيت لمن عرفت ان ابوي عرف بحملي مدري شعور طبيعي ولا انا خبله :35:
المهم يا طويلات العمر انا ودي ان زوجي يكون معي وقت الولاده يوديني المستشفى ويوقف جنبي وقت الطلق ربي ييسر ولادتي ويفرحني بشوفة طفلي سليم معافى يارب.. تناقشنا كثير في الموضوع وهو يقول اللي يريحك بس يفضل اني اولد عند اهلي يقول اول ولاده ومحتاجه مساعده عشان تعرفي تهتمي بالطفل وفي اشياء خاصه تحتاجين امك فيها وبيكون وضعك صعب وانتي لحالك ويقول اول مايجيك الطلق بجيك بس هالشي مو مضمون لان المسافه تقريبا 800 كيلو والحجز مو متوفر دايما..

انا ودي اولد في بيتي واجيب شغاله بالشهر وان قدرت امي تجيني اسبوع وتروح واهل زوجي ما يقصرون الله يحفظهم بس احس اني بتعب امي وهي مريضه اصلا وبنحرج من اهل زوجي وممكن عمتي ربي يطول عمرها ماتخليني اجلس في بيتي وتناديني عندها وانا ما ابغى اثقل على احد وابغى اخذ راحتي استحي مره صراحه واحس مافي زي جلستي في بيتي وزوجي جنبي يهتم فيني وفي الطفل ربي يجيبه بالسلامه ونكون اثنينا مرتاحين نفسيا.
كثير قلت لهم وقالوا عشانك بكريه ماتعرفين كيف بيكون الوضع بس ولادتك عند اهلك اسهل ومافي زي ان الوحده تكون قريبه من امها في النفاس تفهمها وتخفف عليها خصوصا ان امي عندها شغاله وثنتين من خواتي في نفس المدينه وان اسبوعين كفايه وبعدها اقدر ارجع بيتي اكمل نفاسي.. ومن جهه ثانيه لازم اجي من بداية او نص التاسع عند اهلي واحتمال اولد بعد موعدي واطول عند اهلي وزوجي يطفش وويتعب ويتعبني معاه نفسيا.. فقلت ما لي بعد الله غير الحوائيات يفيدوني بخبراتهم وتجاربهم..

قولوا لي ايش احسن ولادتي عند امي ولا عند زوجي؟ وصح البكريه ولادتها ونفاسها صعبه ولازم احد معاها طول الوقت؟