بكريه ...تقول لي الدكتوره في كيس حمل بس مافي نبض؟؟؟طمنوني

السلام عليكم ورحمة الله وبركاته


امس رحت للدكتوره اولا سالتني متى اخر دوره لي ؟؟ قلت لها اول يوم في اخر دوره كان 5 -5-2008
قالت انت حامل لك 6 اسابيع
وبعدين عملت لي الالترا صاوند وقعدت تحوس وتفعص بطني بالجهاز وبعدين قالت شكلك مو شاربه مويه وماادري ايش قالت عن البول والمثانه
المهم قالت لي في كيس بس مافي نبض الى الان :44: وتقول مو اكيد بس انه الكيس مو لاصق بجدار الرحم
بعدين سالتني اذا يجيني غثيان قلت لها لا قالت "هذا شيء مقلق" قلت لها بس احس نفسيتي شويه صايره صعبه
وبعدين قالت لي تجيكي الام ولا مغص قلت لها ايوه زي الام الدوره بس على خفيف مره
بس الحمد لله ماعمره نزل دم

يابنات طلعت من عندها وقعدت ابكي :44: من امس خوفتني مره خاصه اني بكريه وصراحه ماادري هذه الاشايء عادي ولا في مشكله

وماني قادره افهم كيف 6 أسابيع حمل والوقت من 5-5-2008 الى الان حوالي 40 يوم يعني حوالي 4 أسابيع و10 ايام بايام الدوره كيف تقول هي 6 اسابيع؟؟ وحتى جربت في النت
http://www.medicalcom.net/pregnancy.php

وكمان كتب لي في الاخير 6 اسابيع


وثاني شيء انا حسبت من توقيت التلقيح او الوقت اللي متوقع حصل فيه الحمل الى اليوم تقريبا طلع لي 28 يوم


الله يخليكم ابغى وحده تكون تفهم في هذه الاشياء تساعدني وتحسب لي وتفهمني كيف 6 اسابيع ؟؟
انا خايفه ان الجنين ميت ولا عادي انه لسى ماجاني وحم ؟؟
وايش حكايه النبض والكيس ولا باقي بدري ممكن مايبان شيء للحين؟؟