بكريه شوفو ايش سوا معي المستشفى! انصحكم منه

صباحكم عسل يا كروشات

بحكي لكم ايش صار معي مع اسوأ مستشفى شهدته البشريه

انا بكريه والحين ببداية الثامن بديت اراجع من بداية حملي مع العسكري اللي بجده كمتابعة حمل فقط
لاني ناويه اروح اولد عند اهلي في الرياض بمستشفى دله
المهم كان عندي موعد على الشهر السابع رحت لهم وعملوا لي التحاليل حقة السكر وقلت لهم متى اشوف الدكتوره عشان نتايج التحاليل؟
تخيلوا قالوا لي على الموعد الجاي اللي هو بعد شهر !
انا طبعا ما اقتنعت بالكلام قلت لهم الحين لو كان في التحاليل شي وشلون اجلس شهر بدون علاج او اي اجراء
طبعا ما تجاوبوا معاي قالو ما فيه موعد الا بعد شهر

انتظرت الين جاء الموعد الثاني وكان قبل امس السبت تخيلوا المأساة اللي حصلت
طلع عندي سكر الحمل مرتفع جدا من قبل شهر واللي قاهرني اكثر انه خلال الفتره هذي انا ما كان عندي علم وكنت على نفس اكلي لا حميه ولا شي
يعني طبيعي انه زايد الشهر هذا اكثر

اللي صار الحين انهم قالو لي لازم حميه الى يوم الاربعاء يعني فقط 5 ايام وتجين الاربعاء نسوي لك
تحليل ثاني ونشوف نسبته


انا الحين مدري ايش اسوي
تتوقعون حمية 5 ايام راح تفيدني مع العلم انه مرتفع السكر جدا
تتوقعون احتاج لتنويم او لعمليه قيصريه
واخاف يولدوني مبكر عندهم وانا ما ابغى اولد في العسكري لانه مرررره مو كويس في العنايه

مع العلم انه الحمد لله ما فيه عندنا بالعايله احد مريضبالسكر ولا انا
بس جاني مفاجئ في الحمل

الله ييسر امرها اللي تفيدني يااارب