انا بكريه لي خمس ايام من ولدت ولادتي طبيعيه الحمدلله
وطلعت ثاني يوم من المستشفى طبعا طهرنا الولد ثاني يوم من ولادته
المهم من يوم رجعت عنداهلي ثالث يوم من الولاده الولد بس يبكي اقولكم كيف
جلست ارضعه من صدري الين يفكه ويجي النوم وينام واول مانزله السرير يبكيييييييييي واحسه يدور شي يرضعه وارجع ارضعه مره ثانيه وكان اعتمادي على صدري بس يو شفته كذا صرت مرات عطيه صدري ومرات صدري بس برضووو ياخذ ويبكي وهو بعز نومه بكيه ثواني ويسكت
والادهى والامر يوم اغير له الحفاااااااااظ تعبني يبكي ويحرك رجوله ولااقدر اتمالكه صرت اترك اختي تغير له وانا اجلس ابكي
احس اني تعباااااااااااانه اخاف يشرق يمرض يتعور مادري جايني قلق مانام من صوته رغم انه اختي متكفله فيه طبعا بنت هي ماهي متزوجه بس احس قبي يعورررني عليه كيف اتعامل مع سرته وتى تطيح وطهاره مره مره تعب
وفوق ذا كله احس بالم في صدري محجر
فيدوووووووووووووووووووني الله يجزاكم بالخير
طبيعي الطفل يبكي اذا يحرك رجوله هذا فيه مغص اعطيه كراويه ويانسون ..لا تهملي المويه كمان اعطيه مويه خلي رضعة مويه له لو شويه ...
السره جيبي المسحه الطبيه جيبي لك كرتونه وخوذي حبتين واعصريها فوق السره وامسحي بشويش عليها ..وخلاااص
اما الطهور ..جيبي من الصيدليه بودرة السره وكل ساعة او اذت غيرتي البامرز رشي عليه منها والساعه الثانيه حطي عليه زيت زيتون
يعني البودره تجفف والزيت يرطب ..اسبوع وهو متشافي مافيه الا كل خير
انا ام لولدين وهذي طريقتي وطريقة اخواتي لما نطهر اولادنا ...
وكل اللي مريتي فيه مرينا فيه نبكي ونضايق لا تخافين ولا تشيلين هم خليك قويه :)
نجي عن تحجر الصدر جيبي منشفه ومويه دافيه وسوي لصدرك كمادات ينزل الحليب يمكن ولدك يبكي ما يجيه حليب ...
وانتبهي من شفط الحليب راح يترهل صدرك ..خليك على الكمادات الدافيه
والله يسعدك دعواتك لي بولاده قيصريه سهله وان الله يردني لاطفالي ويمتعني بشوفتهم