بكريه وقصة ولادتي كل حامل تتفضل تقرا مغامرتي الحلم

السلام عليكم

بنات انا اموت في منتداكم ومن فتره صغيره سجلت المهم بما ان

كنت اقرا قصص ولادتكم قلت جا دوري اكتب لكم قصتي




بنبدا

من الشهر التاسع فديته ولدي تاخر كان مرتاح في كريشتي

ولابغا يطلع لين دخلت العاشر وماكان يجيني طول هالفتره لا

طلق ولاهم يحزنون في موعد ولادتي قلت امر على دكتورتي

الخاصه اللي كنت اراجع عندها قبل لاروح المستشفى رحت لها

دخلتني الغرفه انسدحت ع الكرسي الابيض وقالتلي بكشف

عليك من تحت :eek:انا صار وجهي كذا قلت لها ضروري

قالت لازم عشان اشوف عنق الرحم ولبست القفاز ووضعت

عليه الجل هههههه وصف دقيق هههههههه عاد والله
يابنات ان يوم قربت مني

قعدت ادف يدها وقول لها لالالا وصدق وجعتني شوي لاني كنت

مقفله حدييعني كلا مني عاد بعد هالعذاب

قالت لا باقي ع الولاده لازم تمشي كثير عشان ينزل البيبي

وشافت بالسونار وقالت المشيمه صارت عجوز اهى اهى عليها

وصف يعني لازم اولد خلال هالايام قعدت بعد هالمراجعه اسبوع في هالاسبوع كنت امشي فاليوم مالايقل عن ساعتين واسمع قران واقرا دايما سورة مريم المهم قبل الولاده كان يوم الاربعاء كنت اشرب كوب الصبح ينسون وفاليل كوب ورحت عند دكتورتي وسوت لي فحص من تحت وانا مسكره اذني واقول بسم الله الذي لايضر مع اسمه شي وماشاالله ماحسيت فيها الا وتقولي ولاده ان شاالله بعد يومين او ثلاث وانا استمريت فالمشي والينسون

والا جا اليوم الموعود كان يوم خميس قمت كاي يوم عادي بس

في الم خفيف تغديت عادي وقبل المغرب قلت لزوجي ودني

الصالون اسوي تشقير لحواجبي :icon28:هههههههه فاضيه والله

رحت انا وكرشتي وسويت وكان فيني طلق بس خفيف والدكتوره

موصيتني اذا كان كل عشر دقيق اروح المستشفى المهم رجعنا البيت وزوجي كان نعسان قلت له نام يمكن اقعدك

الفجر رقد مسكين وانا تعشيت والا الالم بدا يقوا شوي رحت خذت لي دوش ساخن والا ع الساعه 12 قعدت جنب زوجي وقوله قوم بدا الالم قالي كل 10 دقايق وانا احسب قلت له ايوا ههههههه

بصراحه كان الالم ولاشي بالنسبه للطلق الجاي هههه لبست عباتي وخذت لي كوب حليب بالقرفه بس شربت منه

شوي واحنا فالسياره زوجي مشغل قران وان اتالم واهدا شوي

بعدين يروح واسولف عادي واقل لزوجي اول مانوصل قول لهم

يجيبون لي كرسي ودفني ودي اقعد فالكرسي بو تاير:30: وداني

صوب الطواري ويقول للسستر الهنديه ولاده وانا رافه الغطوه

ومتسمه قالت مافي ولاده هذي يضحك :22: دخلت داخل وجاتني

امي وخالتي المهم حطولي اجهزه عشان يشوفون الطلق

وجات الدكتوره كشفت علي وهنا الصدمه قالت 1سم:eek: يعني

بااااااااقي عالولاده قالولي ممكن ترجعين البيت انا قلت لهم لا اخاف بقعد عطوني غرفه وجات وحده سوت فيني شي من ورا هههه عشان يجيني اسهال الله يكرمكم المهم الطلق يروح ويرجع جا الصبح يوم الجمعه الساعه 7 جات ممرضه قلت لها الالم زاد متى بتجي الدكتوره قالت مافي الادكتور تبينه قلت لها ابي دكتوره

قالت الدكتوره تجي الساعه 10 قلت بانتضر وامي جنبي وام

زوجي راح زوجي يبي يجيب لي شاي زعتر خالتي تقول زين يفتح

الرحم بس ممرضه اول ماجابه قالت له لا مب زين مسكين هو

دخل علي وانا رجعت الماي اللي شربته من الالم جا جنبي يقولي

لاتخافين واذكري الله وانا ابتسمت وقلت له اصلا مافيني شي انا

قاعده امثل وقعدت اضحك لان الطلق يجي ويروح كان كذب

خلاص بعد كذا بدا الصدق الم وانا استغفر وادعي بصوت عالي

لدرجه بكيت ام زوجي وامي فديتها بدون شي قاعده تبكي

علي ويروح وارقد شوي بعدين اقوم ادعي بصوت عالي يامغيث

وارجع انام جات الممرضه قالت الدكتوره للحين ماجات وانها تعرف

وبتسويلي كشف من تحت هنا الصدمه الثانيه قالتلي مفتوح بس

2 سانتي بغيت انجن قالت تبين ابرت ظهر قلت لها ايوا اي شي

بس ابي اولد وابو زوجي مسكين كلم خالتي وسمعني ادعي

وصوتي يكسر الخاطر قال بتذبحون االبنت ولدوها قيصري

المهم نزلوني غرفة الولاده وقالت للممرضه الهنديه هذي تبي ابرت ظهر قالوا مايصير لين يكون الرحم مفتوح 4 ونص قلت لهم ابي اي مسكن ضربوني ابره وركبتلي مغذي وعطوني نفس الاكسجين ينوم كنت اقوم ادعي بصوت علي واتنفس الاكسجين وارجع انام صارت الساعه 11 واقوم اشوف محد معي فالغرفه الا وحده هنديه حامل اقول لها ابي ماي ومطنشتني خفت منها والله وفعز المي قعدت اسولفقمت الجنون هههههههه اقولها انتي فاي شهر انتي ليه تشتغلين ممرضه ولاده تعب عليك وبعدين قلت لها نادي لي الدكتوره وماكان في دكتوره وللاسف كشف علي دكتور بس ان شاالله ان الله يسامحني كنت مضطره وانا مغمضه عيني ومسكره اذوني باصابعي واقول اللهم لاسهل الا ماجعلته سهل وكشف وقال 6 ونص وقعد يضحك علي والممرضه تقوله هذي طريقتها عشان ماتتالم ههههه اني اسكر اذوني وادعي بصوت عالي ويم طلع امي دخلت وتشوف دم الفراش انا ماادري مب

حاسه بالمره ادعيي واشرب ماي واغفى شوي عالساعه 3ونص

قعدت اصارخ وين ابرت الظهر ابيها خلاص ولدني عمليه خلاص تعبت والا اشوف ممرضه قاعده قدامي كبيره قلت لها وين الدكتور اللي بيسوي لي الابره قالت انا انا انصدمت شلون ممرضه تسويلي الابره وجابوا الابره قدامي يجهزونها قلت لها انا ابي

الدكتووور قالت انا دكتور وهي لابسه ملابس ممرضه:( قلت ابي ماما قالت تبين ابره والا ماما بصوت يخوف قلت ابي

ماااااااااماااااااااااا جات امي قلت لها السالفه وانا ميته من الالم

وكان واجد سسترات فالغرفه ودخلت وحده من برى مااعرفها

قالتلي يابنتي لاتاخذين الابره مب زينه قلت لها انزين اول ماطلعت

قلت ابي الابره خلاص وهم يجهزون الابره حسيت في شي

بيطلع صارخت بوووولد خلاص والا الممرضات تكشف علي قالت

ولاده ولاده وجو ركبوا شي فالسرير ورفعت رجلي عليه:22:

وقالت خذي نفس ومع الطلق ادفعي ويوم جيت بتعصر صارخت

صرخه ههههه هزت المستشفى قالت لا لاتصارخين دفي وانتي

مسكره وباقوا قوى يلا ماشاالله تعصرت تقريبا خمس طلاقات والا

البيبي طلع:icon28: كانت الساعه 4 العصر يوم الجمعه وامطار اللهم لك الحمد

المهم الممرضه شالته وحطته في حظني وانا متشققه من الوناسه قلت لها ليش مايصيح

وصاح وانا اتكلم ههههههه والله

كأن كل الالم كذب كان ماكان فيني شي امي تصيح برا طلعت

لها الممرضه قالت لها بنتك تضحك داخل ههههه مسكينه امي وبس طلعوا المشيمه ولا حسيت حمدلله وشرفت الدكتوره عشان

تسوي لي خياطه وانا مبتسمه حمدلله ابدا ماحسيت فيها وهي

تخيط والهنديه اللي كانت قاعده معاي قالت لي ابي اولد نفست ولادتك

:42:حمدلله

والحمدلله الله رزقني باحلى ولد

وعدت على خير كنه حلم والله





وتوتا توتا خلصت الحدوتا:icon28: