بكريه وماعرف وشيء اغراض البيبي ....افيدوني يالغواااالي

الرفع

اغراض البيبي مسبح ومناشف لسباحه وعواداذان والشفاط حق الخشم ومقص اظافر ومهادات الي هي الشراشف الي يلف فيه الجنين وبطانيه ومخدة تعديل الراس مهمه تجي مفتوحه من الوسط مهمه وسرير وجهزي الرضاعات من بدري وفرشه التنضيف حق الرضاعه وحافضه حق الماء للجنين وشتري شراشف لطلعات وكفر واحد بس لطلعات مراح تستخدمينه كثير وبرتيز بيضاء ساده داخليه وملابس للبيبي ولا تنسين اليفه حق الستحمام والصوابن والزيوت وضروري فازلين عشان لبس الحفايض وشنطه لغراض البيبي وملابس البيبي اشتري حق 3 الى 6 عشان بيكبر بسرعه وتمنى افدتك

دعواتك ربي يرزقني الولد

up

اختي هذي ردودي بمواضيع سابقة

بتفيدك ان شاء الله اقريها زين



كل طفل له طبعه سبحان الله

يعني فيه طفل ينام كثير وطفل ماينام وبس يبكي

لكن بشكل عام

رضعي طفلك طبيعي احسن شي عشان راحته وراحتك كل ساعتين

طول ما انتي صاحية كل ساعتين ارضعيه

واذا نمتي حاولي تصحين نفسك عشان ترضعينه كل 3 ساعات ( وانتي كل نومتك بالكثير بتكون 8 ساعات )

ممكن يصير العكس هو يصحى من حاله ويزعج لحد ماترضعينه

المهم ...

1 - ارضعيه رضاعة طبيعية .. وان تعسرت معاك في بعض الاحيان اعطيه صناعي نظفي الرضعه كويس
واغليها بموية حارة في قدر وخليه لين يفور الماء بعدين طفي النار وسكري غطا القدر كل 4 ايام
وممكن تستغنين عن القدر بغلايات خاصه لتغقيم الرضاعات مثل اللي في شيكو وايفنت ممتازه تعقم لك الرضاعات
وقبل تستخدمينها صبي عليها موية حارة وابدي سوي رضعة الببي واضبطي المقدار صح لا تخربطي فيه يتعب البيبي
وكل طفل يناسبه حليب .. ممكن طفلك يناسبه سيميلاك او بليميل او ....

2- النظافه
انتبهي لنظافة البيبي العامه كل يوم مسحي رقبته اذانه واباطه وحطي برقبته واباطه بودر ( الابيض ) كويس واللي ورا اذانه ونشفيها زين عشان مايتجمع فيه الميكروبات والجراثيم
وروشيه كل 3 ايام بس خلي احد يساعدك بترويشه لحد ماتتعودين ولاتنسين جيبي بانيو خاص للاستحمام واسفنجة عشان ما يزلق البيبي
اما الحفاضه انتبهـــي لها كويس شيكي عليها باسمرار وغيري له كل 3 او 4 ساعات الا اذا الشي الكبير ههههه فغيري له على طول لا تنتظرين ولا دقيقة
وانصحك بالمويه لا تستخدمين المناديل لمسح منطقه الحفاظه الا اذا كان بول بس ومو ل مره بعد
وحطي كريم كيدي كير 3 مرات يوميا بمنطقة الحفاظ

3 - منطقه السرة
انتبهي تحوسين فيها وتحطين مره زي بعض الناس اببببدا لا تنظفينها الا بمعقم عادي 3 مرات باليوم لحد ما يطيح السر

4- بعد الرضاعه
ضروري تحطين البيبي على كتفك وتطقينه من ظهره بشكل لطيف لحد مايطلع الصوت عشان يرتاح ولا يتعسر هضمه

5 - اذا كان فيه مغص او حسيتي انه متضايق
اعطيه ينسون مخفف بموية وبالصيدلية فيه قطرات للمغص اسمها دينتونكس كويسة جدا

6- الملاحظه والانتباه :
انتبهي للطفل لا يرتفع عليه المهاد ويخنقه
انتبهي للطفل وهو يرضع لا يشرق
انتبهي اذا استفرغ لا يشرق باستفراغه وحطيه راسه على جنب شوي عشان مايشرق اذا كان كثير الاستفراغ
انتبهي لغسيل ملابسه لا يكون بشي معطر
انتبهي لا تخلينه مفكوك بدون مهاد تراه يرتاح اكثر بالمهاد لانه لسا طالع من الرحم متعود انه يكون ملموم ويرتاح اكثر بالنوم
وهو نايم شيكي عليه وانتبهي له وانتبهي لفراشه لايكون فيه حشرة لازم تنفضينه كويس


هذا اللي اتذكره والله .. وفيه كثير كثير يحتاج لخبرة .. اقرئي كثير ن استقبال المواليد وافتحي مواضيع هالمنتدى راح تستفيدين كثير

واهم شي جهزي اغراض البيبي كامله دوري بالنت فيه مواضيع للتجهيز للبيبي من بربتوزات وادوات رضاعه وملابس وادوات طبيه وكاشف حراره وقطن اذان ومسحات وقبعات ومهادات و و و الخ

اي سؤال انا حاضرة يارب اكون افدتك
دعواتك

للزيادة ..

انتبهي لطفلك من البرد لا تقولين هواء خفيف ماراح يضره
ترى يضره اي لفحة هوا باردة

حطي تحت راس طفلك وسادة لتعديل راسه من ورا لكن انتبهي لا يستفرغ ويشرق
انا شريتها من وحده تبيعها صراحة نسيت اسمها اذا تذكرته بخبركم

وأهم من كل هذا تقرين على طفلك كل يوم بالصباح والمساء
وتستودعينه الله
انا دايما هذي جملتي
( اللهم اني استودعتك طفلتي فاحفظها يا ارحم الرحمين )
( واذا كنت بطلع من الغرفة لو دقايق اقول استودعك الله الذي لا تضيع ودائعه .. وباذن الله ربك حافظه

اذا تعبك الطفل بالبكاء
دهنيه بزيت زيتون يمكن يريحه شوي
انتبهي لا يكون فيه صفار بعيونه
لاتنسين اول تطعيمة له بتكون بعد ولادته باسبوع او حول هالوقت نسيت تقريبا بأي يوم

المستشفى بيعطيك ملف للتطعيمات خلي بالك عليه
وانتظمي بالتطعيمات
اذا بنت طريقة تنظيف حفاظتها شوي غير .. حاولي تدخلين اصبعك بشكل خفيف بين الشفرتين وتمسحين
فيه ناس يهملون وينظفون بس من برا بعدين يبدا بالطفلة الحرقان
انتبهي لهالمعلومة

مناديل معطرة ملابس معطرة دهن عود وهالخرابيط لا تقرب البيبي حرام لسا جلده حساس
اذا تسدد خشم البيبي من زكمه ضروري تقطرين فيه
فيه قطرات خاصة لتسدد الانف للمواليد

الاظاااافر
ضروري تقصينها كل مااطولت } حاولي تقصين اظافره وهو نايم عشان مايتحرك وتقصين من لحمه بالغلط !!
لانها بتجرح الطفل لو كانت طويلة
وممكن يدخلها بعينه لأنه ما يتحكم بحركات يده لسا
وفيه شرابات خاصة ليدين البيبي
انصحك اذا حركته كثيره ويجرح نفسه او يدخل اصابعه بعينه انك تلبسينها اياه

كويس مره للمغص انك تنومين البيبي على بطنه لكن تخلين يدك تحت صدره وراسه شوي مرفوع عشان مايختنق
هالحركة تخلي البيبي يضغط على بطنه بشكل خفيف ويخف المغص

ماااا انصحك ابدا بالاعشاب
ممكن تريحه بوقت المغص
لكن تسبب له مشكل بعدين
اقصى شي ممكن تعطينه ينسون
3 حبات كمون تحطين عليها موية مغليه
بعدين تاخذين مويتها ( يعني تشخلينها ) وتحطينها بالرضاعه تقريبا 30 ملل الموية
ويكفي مره بالاسبوع تسوين هالحركة

غير كذا لا تسوين قلت لك من قبل قطرات دينتونكس كويسة للمغص

انتبهي لحفاظات البيبي بامبرز كويسة وبيبي جوي



وانتبهي تعودين البيبي انه ينشال وتهزينه كثير
بيتعبك موت اول 5 شهور
يصير بس يبي احديشيله ويبكي

خليه بالارض او بمكانه لا تخلين احد يشيله كثير ولا تستحين
عن تجربة انا بنتي كانوا اهلي بس يشيلونها لحد ماتعودت انو لازم تنشال
ولما رحت بيتي !!
شفت الوووويل والعذاب منها نحفت من كثر ما اوقف واهزها هههه

واذا يبكي عوديه على المصاصه اذا تعود عليها باذن الله يسكت اا حطيتيها بفمه
والمهم نفسيك تكون كويسه
وخلي بالك طوووويل وتذكري دايما انه طفل مسكين والدنيا عليه جديده اكيد بيبكي ويستغرب اكله
عادي اذا مارضع طولي بالك وحاولي
اذا ماسكت طولي بالك ليت يسكت ويهدا
ترا دايما اللي امه تطول بالها عليه يطلع هادي سبحان الله

وكثرة التبويس مع الخدود لبيبي مو زينه تسبب له حساسيه يمكن

واذا على لتجهيزات اللي تحتاجينها فهذا اللي انا احتجته :
- عدد 8 بربتوزات داخليه وحسب الوقت اللي بتولدين فيه يمكن تحتاجين كم طويل او كت ونص كم وفيه بربتوزات بالعويس تجيك ثقيله ولها هاينك المهم جيبي بربتوزات تناسب الجو ياثقيل واكمام طويه وهاينك او اكمام قصيرة اذا بالصيف ولادتك
- عدد 8 بجامات وبربتوزات اكمام كامله للنوم لازم كم كامل لو حتى بالصيف بس تكون قطن خفيفه للصيف اما الشتاء ثقيل
- عدد 4 الباس عادية لباقي اليوم تكون طقم مع شرابها وقبعتها
- عدد 3 شرابات
- اذا بالشتاء لازم هيلاهوبات عدد 4
- عدد 3 قفارزات لليدين
- عدد 4 قبعات اذا بالبرذ و 2 اذا بالصيف لكن انا احبها حلوة لشكل البيبي
( واي شي بتشترينه انتبهي لازراره خليها ازرارا اماميه لان الخلفيه تعور ظهر البيبي خاصة انه ينام على ظهره )
- عدد 4 مريله او سداره عشان تضمنين نظافة الملابس ولا تخلينها عليه وهو نايم عشان ماتخنقه
ولا تجيبين اللي بخيوط تنربط خطيرة جدا جيبي اللي تلصق من ورا افضل
- مخدة للطفل لتعديل راسه
- عدد 2 بطانية وانتبهي لا ترتفع لراسه طلي عليه كل شويات
- سرير للبيبي يكون عليه قماش عشان مايدخل الناموس للبيبي
- مفرش للسرير
- دولاب صغير للبيبي
- رضاعات زجاج تغلينها مره بالاسبوع بموية وملح
- مصاصات
- حلمات للرضاعة
- فرش وليف خاصة لتنظيف الرضاعات تلقينها بالصيدليات تجيك نحيفه تدخل جوا الرضاعة ضرورية
- وعاء مقسم تحطين فيه الحليب لو جيتي تطلعين يكون فيه 3 اقسام حق 3 رضعات او 5 اقسام على حسب
- ترمس تحطين فيه موية حاره للبيبي اذا كنتي بتطلعين عشان تسوين منه الحليب
- بانيو لاستحمام الطفل شوفي وش يناسبك في سنتر بوينت او الصيدلية
- اسفنجه تحطين عليها البيبي وانتي تحممينه
- شامبو جونسون للطفل
- صابونة للجسم ( وانتي تروشينه بشويش لا تفركينه بقوه ) ونظفيه زين بالموية لا يبقى صابون في يسبب له حساسية
- مقص اظافر للبيبي يكون صغير و مشط ( يجيك بعلبه مجموعة للبيبي )
- اعواد للاذان فيه اشياء خاصة للمواليد تكون عريضه
- عدد 2 فوطة للبيبي لبعد الاستحمام
- مفرش لتغيير حفاظة البيبي
- لبس تقديم فخم و مدس
- شنطة خاصة للطفل تحطين فيها اغراضه اذا بتطلعين
- نصيحه خلي دايم معك اكياس شفافه تحطين فيها حفايظ البيبي .. احس انو عيب ترمين الحفاظه كذا بالزباله لا حطيها بكيس بعدين ارميها بالزباله .. خاصة اذا رحتي عند ناس
- حفايظ للطفل مقاس مواليد انصحك ببيبي جوي
- خافض حرارة
- مقياس حراره اللي يجيك بحول 300 هو احسن شي ودقيق
- كريم كيدي كير للبيبي وفازلين و بودرة بيضا
ولو جاله تلخات شديدة وان شاء الل ماتجيله حطي له كريم سودو كريم

هذا اللي اذكره ياعزيزتي
وان تذكرت شي زدته .. والحوائيات ماراح يقصرون فديتهم