بكريه وهذي قصة ولادتي وحملي

بسم الله الرحمن الرحيم


الحمد الله ربي اكرمني وولدت بالسلامه وهذي قصة ولادتي وحملي :S_45:



نبذه عن الحمل :
طبعا من تزوجت وانا ميته ابي احمل احب البيبيات وامووت فيهم زوجي يقول تو بدري وانا على ابي احمل على طول
طبعا 3 اشهر وانا كل تحاليلي سليمه ومافيه حمل

اللي سويته :
امي تركت التفكيررر ولهيت في عرس وكنت من يوم جاتني الدوره وانا اكل انناس لين طهرت كان 7 ايام تقريبا وبعدها سافرت احضر الزواج وماكان فيه جماع رجعت من السفر بعد اسبوع تقريبا


ووقتها الزووج يوفر المويه
يعني تقريبا الجماع صار في اليوم ال15 من اول يوم الدوره

والحمد الله ربي اكرمني بالحمل
ماتاخر موعد دورتي كثيرر قمت ثاني يوم من وقت الدوره الا اشوف افرازات بنيه قلت ذي بداية الدوره وصحيت اليوم الثا ني الا مافيه شي !
قلت بكره ***** الله بشرف قرفه عشان ماتستعبط علي
واليوم الثاني قمت من النوم وقلت قبل ماشرب القرفه لازم اني اسوي فحص الحمل كذا زياده حرص وانا كل شهر اسوي كذا لأنها تتاخر 10 ايام مرات

والمفاجاءه اني طلعت حامل ! وهو اليوم اللي اول مره اسوي الفحص وانا مو متحمسه اقراه مسويته بس كذا احتياطا قلت مستحيل يجي حمل وانا زوجي جامعني مرتين بس وسافرر على طول رحت فحصت دم وارتحت كثيررر لما طلع ايجابي
الحمد الله


مشاكل الحمل:
الوحام وبدا من بعد 40 يوم من اخر يوم دوره بعد شهر وشوي :كله ترجيع وحرقان شديد ما اشتهيت شي معين لا مالح ولا حالي ولا اي شي معين /والترجيع وقف من دخلت الرابع
كنت اعاني من الالتهابات المهبليه عالجتها بالتحاميل والكريمات
واعاني من الدمل قريب من فتحة الشرج على طرف محاملني ينبط ويرجع ينتفخ
والحموضه حاره تصحيني من النوم
والسونار كله يقولون اللبيبي مقفل رجوله تعبو نفسيتي



الولاده اهم شيييييي:S_45: موعد ولاادتي المقرر 15/1/2013

يوم 10/1/2013
كان معاي الم بالظهر كاني شايله ثقيل احسه كابس على من فوق لما تحت
وقلت يمكن قريب بيجي الطلق رحت غسلت ملابسي ونظفت غرفتي الللي كانها غرفة عزوبي خخخ:unsure:<<لاني لحالي في البيت زوجي مسافر ماخذه راحتي


المهم يوم الفجر قبل انام قلت بتنقع بالبانيو بماي دافي منها يكمد ظهري ومنها اذايبين اذا طلق او لااء
ويوم 11/1/2013
صحيت يوم رحت الحمام وانتو بكرامه لقيت دم واااضح جدا احمرر مع شوي افرازات شفافه
قلت خلااص قريبا اكيد
جهزت شنطتي وحطيتها عند الباب ونظفت المنطقه الحساسه بالموس وحطيت كل الادوات الشخصيه والاوراق الرسميه اللي احتاجها واانتظرر الطلق يجي
كلمت اهلي قلت لهم يله تعالو قربت ولاادتي ااحجزو للاسف كانو بالطريق رايحين السعوديه على مايرجعون البحرين ويحجزون لقطر يبيلهم على بكره اللي بعده اقل شي قلت يله توكلو على الله مابيدنا شي


وجات الساعه 6 المغرب ولاشي !! مافيه طلق !
المهم قلت لوحده من صديقاتي قالت لي يمكن طلقك بارد وتلااقين فاتح عندك الرحم واانتي ماتدرين وقالت انها رايحه المستشفى موعد واكتشفت الرحم فاتح 3
وانصحتني اروح واشوف قالت انتي لحالك ينفكك عندج الماي تتوهقين وانتي لحالج في البيت
المهم اقتنعت صراحه < على ما ادق عليهم يجوني الا انا والده في البيت خخخخخ

قلت اوكي كلمت اهل زوجي يودوني 7 العشا انا في المستشفى حطو علي جهاز الطلق ونبض الجنين وطلع معاي طلق خفيف مررره
15_0 والرحم فاتح 2 سانتي
قالو احتمال ولاده قريب اذا ارتفع الطلق واذا مارتفع روحي البيت وتعالي اذا حسيتي بالم قلت اوكي

ولما خلصو التحاليل وكذا الاا طلع معاي جرثومه في البول تكرمون ومعاي جفاف -2
قالو مانقدر نرخصج لازم نرفع الجفاف ونعطيج مغذي ومضاد

قلت امرنا لله
عطوني تنويم في غرفة التوليد بملاابس التوليد تحت الملااحظه اهل زوجي قالو انتي مطوله وحنا ورانا دوامات وراحو وكلن راح لبيته :blink: وخلوني بروحي في غرفى التوليد

تخيلو عاد بكريه ولاابسه ملاابس الولااده وقاعده لحالي ماغير الله يعلم بحالي
واللي زادني بعد انه في حريم جو يولودون ووفيه وحده تصارخ صراخ مو صاحي فضيحه صراخها وتسب وتلعن والله ياخذكم طلعووو ومادري شنو

صبني العرق وصار جسمي باررررد ومعرق وحرانه كل شي في ذاك الوقت
حسيت انني في مقصبه وجايني الدورر بالذباح ووالسلخ
:icon32: مع اني مو من النوع الخوافه وقد قريت كل شي يتعلق بالطلق وكذا بس التجربه شي ثاني !!
قلت الله يستررر اذا هذا الطلق والولااده عزة الله رحنا فيها !!
وبعدين حاولت اني ماسمع صوتها

كنت مصوره ايات تسهيل الولااده وجايبه تمرر
ماغير ادعي واكل تمرر
لين مرت عليه 12 ساعه بالتوليد من 7 الليل لين 7 الصباح 12/1/2013
والطلق ثابت والرحم باقي 2 سانتي ماتغير اما الجفاف الحمد الله راح
وقالت الدكتوره لو ماباقي لك كم جرعه في المضاد كان روحناك البيت لكن بتطلعين تنويم فوق


قلت مو مشكله دام مافيني الم ولا فيني شي مير احسن لي من جلستي في البيت لحالي لو صار لي شي محد درا عني واكلم اهلي قالو حجزهم بكره الساعه 5 ونص العصر
قلت يارب رحمتك !! ***** الله ماولد الا لما تجون

جو اهل زوجي تطمنو علي وراحو
وانا قعدت متنومه على المضاد والطلق ماحس فيه مجرد مغص خفيف يمكن رفس البيبي يمكن حركة البييي ماعرف بس ماكان ألم احسه عادي يعني

مؤشر الطلق كان مثبت على بطني على طول يشيلونه كم ساعه ويرجعونه ساعه
والطلق مابين 0-26 يطلع وينزل
والبيبي تتحرك وتتحجر وتلعب وتناقز ولا همها خخخخ قلت شكله ماعندها سالفه البيبي مافيه ولااده اليوم
وفعلاا جا اليوم الثاني
13/1/2013

انا هناعاد بديت اطفش وابره المغذي تعبتني خلااص يدي عورتني منها
قلت متى تجي الدكتوره ابي اطلع تعبت قالو الساعه 8 قلت طيب شيلو ذي مارضو :( قالو اذا قالت الدكتوره خروج شلناها

انتظرت الدكتوره وجات شافت تخطيط الطلق قالت معاك طلق مو حاسه بالم قلت لااء هذا هو من جيت كذا
قالت اجل نكتب لج خروج واول ماتحسين بالم تعالي
فرحتتت قلت يله انتظر الخروج متى بس

طلعت من عندي 9 الصباح
وماجات 9 ونص الا احس بمغص شوي شوي يقوى !
الا اقول بنفسي شسالفه !ليكون طلق واطالع في الساعه وقعدت اتابع المغوص متى تجي وتروح
الا اشوفها كل 5 دقايق !!
قلت عزة الله بيلعبون فيني لين اولد ماراح اقول شي ابي انحاش خخخخ
لكن مامداني والله على طول الممرضات شافو معدل الطلق
يطلع لين 50 وينزل
قالو تحسين في ألم قلت يعني شوي :unsure:
قالو ليش ماتكلمتي هذا هو الطلق :S_45:
قلت ياحبيبي !! اجل بدا الطلق ياااااااااااااارب يله
المهم خذو اوراق كشف الطلق ودا عند الدكتوره قالت طلق نزلوها
دقيت على اهل زوجي قلت ترا قالو بينزلوني ولااده وكلمت اهلي بعد
نزلوني تحت وغيرت ملاابسي ولبسوني ملابس الولااده بس خلوني اتمشى لين يقوى الطلق
وانا اخذت اوراق الاذكار والادعيه وظليت اادعي واكل تمرر بعدين بدت تقوى علي كل ماجاني الطلق لزقت بالجدار اتنفس شوي الالم غريب ماينوصف وفجاءه يروح ولا كانه فيني شي !!
واقعد اكمل قرايتي لين عاد بدت التقلصات تتعبني رحت انسدحت وقمت اطالع تخطيط الطلق اللي يطق 50 ويرجع ويرجع خفيف المهم قالت لي هذا غاز اكسجين تنفسي فيه وهذاك غاز نيتروجين مخدر شوي يخفف الالم
وقالت لي تبين ابرة ظهر ولا ابرة الورك قلت لا الظهر مابيها قالت اجل هذيك ابرتين قلت مو مشكله
المهم بعدين حطت المغذي وراحت وانا بطني يعقصني ويروح قلت ياخي شسالفه الساعه جت 12 وانا كذا قلت ليكون فيني غازات ولا بطني ماسك هع < لأنه من الدمل الشرجي متعبني مايخليني اروح الحمام براحه تكرمون

المهم واقول للممرضه يمكن غازات قالت انتي مارحتي الحمام قلت من يومين رحت قالت اجل بعطيج ابره شرجيه تجيب السهال وتفضي البطن على طوول قلت اوكي
المهم هذيك طلعت مو ابره تقز لا اهي ابره مليانه سايل ويدخلونها بفتحة الشرج وانتو بكرامه وبكرامه ويفضون السائل كامل جوه تحسين كانها تعبيج هههه
المهم قلت لها كم اظل لما اروح الحمام قالت بس شوي دقايق وعقب روحي
والحمد الله رحت وعلى طول نزل اللي ببطني وارتحت ورجعت سريري لكن التقلصات ماوقفت قلت لا لا لاطلق طلق هع واكلم اهلي ها جهزتو اغراضكم قالو ايه الساعه 3 بيمشون المطار قلت زين
شوي الا داخلين اهل زوجي وماقصرو ظلو معاي للين جات الصدقيه واخت زوجي مو متزوجه وتطالع التخطيط تقول ذا وشو قالت لها قوة الطلق وظلت تسولف معاي وكل ماتشوف قوة الطلق تطلع تمسك يدي وتواسيني الله

يجزاهاالف خيرر ويزوجها الرجل الللي تستاهله وظل الطلق يطلع مابين 80 و90 ويصعد
عاد انا من وقتها صديت الجهه الثانيه ماعاد ابي اشوفه
الا يتصل زوجي وتوهقت مسكين مسافر يدرس وعليه اختبار مابي ادوشه حبيبي وقلت له انهجاني الم خفيف وقالو طلق ونزلوني وانا قلت لهم يمكن غازات وعطوني ابره مسهله ونشوف شنو بيطلع وااخرتها بيرجعوني فوق

واقعد اضحك وشوي الا تجيني طلقه واقفل منه بسرعه قبل لا انفضح هههه

وظل الطلق معاي لين الساعه 3 يجي شديد ويروح ولا كانه فيه شي واذا راح نقعد نسولف ونضحك واذا جا سكت اتنفس شهيق وزفير عميق جداا
المهم جات الدكتوره وجات تقيس الرحم قالت 3 وظلت تحوس شوي الا انكب ماي الرحم سبحان الله
حسيت بدفا وراحه قلت اخيرا بشوف البيبي كلت اهلي بشرتهم وقالو انهم بالمطار
قلت الحمد الله ***** الله تجي البيبي الا انتو واصلين
وبعدها ماحس اني مركزه بالوقت بس من بعدها قالت لي بتحط لي طلق صناعي قلت اوكي
وعطتني الابرتين
وعقب من 4 حماا الطلق صار قوي حيل وحاطه قناع الاكسجين على طول واذا زاد قناع النيتروجين وصرت اذا زاد الطلق امسك بقوه بالحديده حقت السرير بقووه واخت زوجي تمسح على ظهري وتدعي لي وانا ادعي لامي

الله يشفيها وادعي للبيبي حسن الخلق والخلقه وادعي لها اكون و انا وذريتي من المصلين
واللام زاااااااااااد قوي ومتلااحق
وبعدين طلعو اخت زوجي وظليت بروحي يوم الساعه 5 شافت الرحم قالت خلااص ولااده وقامو يتعقمون ويلبسون ويجهزون الاغراض
وحطو الرافعات اللي احط عليها رجلي وقالو لي لا تدفعين الا لما نقول لج وبعدين شوي شوي قام الضغط يزيد وقلت لهم خلااص ابي ادفع <<طبعا كل ذا بالانقليزي ههههه ولااده انقليزيه
وبعدين دفعت مره وحده حست شي عالق سبحان الله !
قالت لي ادفعي زي لما تبين الحمام براز وانتو بكرامه
ودفعت بعد قلت لهم ها طلع الراس تشوفونه قالو الراس بدا يطلع
وقامو يشجعوني يله قريب قريب
وقعدت ادفع يوم تجيني طلقه قويه
وبعدين سبحان الله تعبت والطلق راح تمام ولا احس بشي خذيت نفس فيه وشوي الا رجعت الطلقه وصارت فيني القوه اادفع خذيت نفس كبير ودفعت بس انه ماكفى على طول لحقته بالثاني على السريع وطلع راس البيبي

وحسيت الالم راااااااااااااح وعلى طول لحقه البيبي كامل وقمت اهلل
قلبت السديس
سبحان الله الحمد الله الله اكبررر وارددها وارددها بدون شعوور وانا بديت ادوخ من الغاز
وبعدين قطعو السر ونشفوها وشالو من خشمهاالماي وحطوها على صدري
سبحان الله داااافيه بس تبرد على القلب لمستها وانا مو مصدقه احس كل شي صار بسرعه وراح التعب كله
خذتها تلبسها وتنظفها ووبعدين بدت بالخياطه
وحسيت بوخز بسيط بس عادي وانا اهلل واكبرر ويوم خلصت نادت اهلي
شوي الا دخلو علي اهلي وامي وصلت من المطار على طول المستشفى وخوات زوجي وام زوجي مابقى الا زوجي الله يرده لي بالسلامه وطلعوني فوق بغرفة الولااده على طول :)
وبكذا صارت ولادتي


13/1/2013 الساعه 5:30 وسميت بنتي ساره
فديت المتميزه وكان موعد ولاادتي 15/1/2013 وانا ولدت قبله بيومين وانا بكريه :)