عارفه انه ازعجتكم بالمواضيع ..
بس لان المنتدى لي فانا اخذه راحتي ..
المهم مالكم بالطويله ..
توني جايه واحس فيني حره ..
وكبدي شابه حريقه ..
المشكله لو عرفتوا قلتوا من البياخه ..
بس عاد طفوني ..
تخبرون اني ادرس بزارين الله يهديهم..
والحمدلله ماشين ..ماعدا واحد هذا اللي غاثن ..
بس مسيطره على الوضع ..
اول مايزعجني ..اطرده برا ..وافتك منه ..
وخلصنا ..:rolleyes:
بس اليوم اللي قهرني ..انه جاء يناقشون بالحفل الختامي اللي بكره ..
وقالوا ياغلا تراك تبين تقعدين مع بزورك بالفصل ..
وانا نعم ..وش اقعد ..
لا معليش ..
قالت المرسوله لي ..والله احنا راح نقعد معاك ..
لا ياشيخه ..اقعدي انتي معهم وانا احضر الحفل ..
قالت لاننا مانعرف نتعامل مع اطفالك ..
قلت لا والله يالتعامل المتعوب عليه ..
اصرخي بوجيههم ويسكتون ..:biggrin:
قلت اسمعي روحي وصلي للاداره وقولي ..ترى غلا تقول ..بكره مانيب جايه ..
وانتم توهقوا بالبزران ..
ماشاء الله عليهم ..اللحين كل سنه حفل الاطفال قبل بااسبوع ..
ويوم مسكتهم صار حفل الاطفال مع الكبار ..!!
لا والله ..
المهم يوم خلص الدوام ..
وانزل للادراه ومعي احد اطفالي الكرام ..توه ابو سنتين ... هذا عاد احبه ..
وش ملحه الله يخليه لاهله ..
المهم دخلت قلت وش عندكم بكره ..وش اقعد مع البزران ..
قالوا ..ايه ياغلا فصلك ..!!
قلت معليش ..محاضرات وانحرمت منها .. دورات الذكاء العاطفي وانحرمت منها ..
يجي اللحين الحفل الختامي وتحرمون منه ..!!
معليش لا..
قالوا الا غصب ..
..
قلت نشوف وش الغصب ..تراني اعرف اجي واطنش ولا اطلع فوق ..
واعرف البس عباتي واقعد مع الحضور كني زائره ..
سكتوا وعطون نظره احتقار ..
قلت ..ان غدا لناضره قريب..
وطلعت ..وانا اطلع سمعت وحده تقول .: وش عندها وش تبي ؟؟
قسمن انقهرت ..
على فكره يابنات ابقولكم شئ..تراني اتكلم وانا فاكتن خشتي كبر الباب ..
اضحك ..واقول الكلام على سبيل المزح الرزح ..
ماقلته بهوشه ومطاقه ..واللي يعرف غلا على الطبيعه يعرف مزحي ..
ويقولون ترى ان غبتي بكره ترى مالك عذر ..!!
مايدورن اني متطوعه بالشغل ..!!
مشكلتهم انه يحسون اني شايفه نفسي ..لاني سعوديه ..
اذا دخلت مااحد حكى سكتوا ..واذا حكوا حكوا بالالغاز ..
وان طلبوا شئ اطلبوا من غلا ..
معليش لحد هنا وخلاص ..واذا جيت اوقع قالوا تراك متأخره ..
وهم حضرتهم احيانا مايدامون ..
..
كم مره أبلع وابلع ..
مليت مغير فاكتن خشتي واضحك واسولف ولا اقول لا..
مو عشان عيونهم والله ..كلهم اماعرفهم ..اللي اعرفهم دبسوني بالشغله وراحوا ..
والله اني قلت ابفك ازمه ..بس شكل الاجر كله يبي يضيع بطقاق ساعه ..الله يتوب علي ..
..
وشلون يعني بكره مااحضر الحفل واقعد عند المبزره ..!!
مااحضر محاضره بكره ..!!
عازمه صديقاتي ويبون يجون ..!!
وشلون اقولهم والله انا ابقعد مع بزراني وانتم اللي احضروا الحفل ..!!
مااحضر الطبق الخيري..
وهـ ترى طاقتن كبدي من جد ..
ودي اصيح واصيح ..!!
المشكله كلهم ضدي ..
على بالكم وحده قالت : والله ياغلا عارفين اننا ظلمناك ..بس ميخالف ..وش نسوي ..
والله لو قالوا هالكلمه كان سكت وقلت يكفي التقدير ..
..
مره لاتلبسين هاللبس معليش ..بلعتها وقلت تحفيظ ..
واخذتها بروح حلوه ..واذا جيت اسولف معهم بمزحه عن اللبس بسم الله قبوا علي ..
مره اقعدي عند البزران ..لاتحضرين شئ..
مره انشبوا لي ادفعي رسوم خواتك ..
طيب ابدفع ..معودتكم ادفع ..قد مره اكلت فلوسكم .!..
واللي عندي بالحلقه مادفعوا ..!!
ماشاء الله عليكم ..
ومره ..ومره ..ومره ..
..
شوفوا الاجر وانا عندي احساس قوي انه راح خلاص ..
الله يرحمني برحمته ..
بس حفل بكره ماادري ..منقهره من جد ..
وقلت لهم تراني مو جايه بكره ..بس امزح ابحضر اكيد ..
واكيد ابروح عند البزران ..
حتى اطفالي يوم طلعت اللي قالت لي الخبر ..
جو عندي وقالوا : ابله ليش انتي حزينه من حكت معك المعلمه ..؟
ياعمري حسوا والكبار ماحسوا ..
قلت : لاني ماراح احضر حفله بكره ..
قالوا: ليش ياابله ..!!
قلت : لاني ابجلس عندكم ..
قالوا : خلاص نخلي الماما تجي معنا ..
شفتوا الاحساس عندهم ..
الله يخلف علي ..
الا وش علاج القولون ..؟؟
وقالت : قولي لهم عطوني شهادات الاطفال ..واوزعها عليهم ..
وخلصنا ..اللي علي سويته ..بغيتوني افزع للتدريس والحمدلله هذانا خلصنا الشهادات ووزعتهن ..
اما المحاضره ماراح انحرم منها ..
وخلاص اطلعي وخليهم .مااحد له شئ عندك ..
..
امي معي ..
وخواتي يقولون لا تطاقي معهم ..
..
وكله عشان صديقتي يهوون ..
تو ياقلبي دقت ..وتسال عن الحفل ..
ومير اقولها ..وضاق صدرها ..
قلت تعالي ولا عليك ..بكره ربك يحلها ..
..
الحل ياجمااعه ..
احد عاد يجي يقول تفاهه .ياويله ..ياسواد ليله ..تراني صايقه بدون شئ..وادور احد اطلع فيه الحره ..عاد اللي تبي الاجر تتحرش ..