بكل اجازه تأكدو ان في زعل او هواش بيننا
من يوووووم تزوجته لي سنه وهذا حالنا انا وياه بكل اجازه اسبوعيه
زوجـــــي عنده مشكله كبييييييره بشي واحد اسمه : الانفـــــــراد معي
سبحان الله انا مو لصقققه ابد ابد ابد
طول الوقت محترمه نفسي وماسكه كمبيوتري وجوالي والسبب هو
لاحظت عليه من تزوجناااا وهو يخاف نكون انا وياه لحالنا
اخذني عن حب وانا واثقه بهالشي لكن مايحب نكون انا وياه لحالنا لازم يشغل نفسه بشي اما ماسك جواله بالساعات او يمسك لاب توب تبعه او يتفرج تلفزيون 4 او 5 ساعات
ولكن يا بنات كل هذا يهون قدام الاجازات,لان بالاجـــــــازات بالذات زوجي يصيبه جنووون
اللي يصير انه يقوم من نومه متوترررر (بكل اجازه كذا) واول مايصحى يقول كلمته المعتاده وش جدولنا اليوم؟ المعنى وين نطلع؟ مو محبه بالطلعات هو بيتوتي امه قالت ولدي بيتوتي وهو بعد قايلي انا ما احب الطلعات كثير..انا افرح لما يقولي نطلع هالشي حلو لاني اعشششق شي اسمه طلعات لكن مو لدرجه ان ولا اجازه مانجلس بالبيت !! والشي الاهم انا عارفه يقولها عشان مانكون انا وياه لحالنا
اقوله طيب اليوم نروح المول الفلاني والبحر يقولي بسسس؟ لالا وباقي الساعات وش نسوي ؟ يخاااااااف لان اجازه والوقت طويل لازم نرجع البيت ع السرير على طول عشان مايمدينا نجلس سوا
تخيلو وانا عروس كل 3ايام يلا عند اهلي وش رايك نروح لاهلي قومي نسهر عند اهلي والله والله نجلس عندهم 8 ساعات واحيان 9 ساعات لين ظهري يتكسر من الجلسه ومرات احس اخواته طفشوو ويناظرون بعض وانا بداخلي اقول ولدكم السبب ..لكن الشكوى لله
اكيـــــــد بتفكروني لاصقه فيه ولا غاثته واللي بترد وتقولي فكي عنه اقولها الله يبتليكي لو تسرعتي بالحكم علي وترى اللي فيني مكفيني , لاتردين افضل
اللي صار اني شفته كذا ولاحظت عليه هالشي من وانا عروس ف ربي الهمني بالتصرف الصح صرت طول وقتي اشغل نفسي بالبلاك بيري وجهاز الكمبيوتر وشغل البيت وكل اسبوع اقول له خذني لبيت فلان وعلان (كني شحاته اروح بيوت الناس) وبعضهم يستغربون زياراتي المتكرره وانا لازلت عروسه كله عشان لاحظت طبعه الغريب مع اني بحالـــــي ولا طفشته ولا عاتبته ولا لزقت فيه مثل الحريم
اليووووم اتنرفز علي بطريقه جرحتني حيييل والسبب لاني تقربت منه وحاولت اجلس جنبه وهو ماغير يسال كم مشوار بنروح اليوم؟؟ حطيتله جدول ب3مشاوير لان اليوم اجازته قالي لالا 3 مايكفي خليها 4 وقلتله زين (وانا انغثييت ودي لو اجازه وحده اجلسها ببيتي قرفت لكن هو قرفني ولا عطاني فرصه ارتاح).. وجيت اجلس جنبه قلتله وش فيك ؟؟ عصصصصب لاول مره يعصب بهالطريقه انا مارديت عليه بس جلست بغرفتي لان طفح الكيل ..والله يا اخواتي مثل اللي ماصدق خبر لبش ثوبه وطلع ودعيت عليه بقلبي ..ليه كذا انا مو غثيثه انا معطيته حررررريه مايحلم فيها حتى بلسانه يقول انتي ماعمرك زهقتيني ولاغثيتيني
بالنسبه لمظهري زوجي مايستحق كل هالاهتمام بالشكل ..لكن للاسف جا لصالحه اني وحده مهتمه لاجل نفسي قبل لايكون عشانه هو.. حتى عطوراتي الغااااليه حق السهرات اللي اشتريتها استخدمها بالبيت والباقي عاد لكم ان تتوقعوه الحمدلله وماشاءالله
لو جاتني دعوه عزيمه او فرح يسبقني ويقول بهستيريا روحي روحي روحي لاترفضي ابدااا روحي وانا اناظر فيه واقول بقلبي سبحان الله عمري مارفضت اي عزيمه او زواج من يوم تزوجته ومع ذلك مايكفيه يبيني بعيده عنه بقدر المستطاع
ومره من المرات صدمني قالي وش رايك تنامين عند اهلك .؟؟؟
اكيد بتقولون عنده وحده لاسمح الله ..اقولكم عن ثقه لاااااااا لان جواله ولاب توبه وطلعاته مررررره ما احاسبه عليها ولا افتش وراه وماخذ راحته على كيف كيفه بوجودي ,,ف مو غيابي هو اللي بيخليه ماخذ راحته لانه ماخذ راحته بالطول والعرض حتى بدوامه معاه حريييم ويكلمني عنهم وواثق فيني اني مو شكاكه طيب وييييييييييين المشكـــله ؟؟ عجزت القى جواب بصراحه!!
سبحان الله حاولت اني اجس نبضه بالغيره واطول بالجلسه عالكمبيوتر ولااااااااهمه اصلا مايلتفت صوبي
للي تسأل العلاقه الخاااصه بيننا كويسه الحمدلله
اموله مون @amolh_mon
عضوة نشيطة
يلزم عليك تسجيل الدخول أولًا لكتابة تعليق.
اختي يمكن عنده مرض روحي حسد او مس عاشق لان الى مثل كذا يتعب من زوجته ومايبي يجلس معاها او يتقرب لها
انتي شغلي سورة البقرة يوميا واقريها وايضا اقري في موية الشرب حقتكم وخاصة لزوجك
لأن في وحده اعرفها عندها مس وحالتها مثل كذا تتهرب من زوجها ولاتبيه يقرب منها تتضايق لكن سوت برنامج للرقية والحين الحمدلله تمام
ولاتنسين الدعاء ادعي وايقني بالاجابة
ربي يهدي سركم يارب ويفرج همك
انتي شغلي سورة البقرة يوميا واقريها وايضا اقري في موية الشرب حقتكم وخاصة لزوجك
لأن في وحده اعرفها عندها مس وحالتها مثل كذا تتهرب من زوجها ولاتبيه يقرب منها تتضايق لكن سوت برنامج للرقية والحين الحمدلله تمام
ولاتنسين الدعاء ادعي وايقني بالاجابة
ربي يهدي سركم يارب ويفرج همك
طيب العلاقة الخاصة بينكم كيف عفوا على السوال بس استغربت مايبب يقرب منك وكيف متزوجين وتنامون مع بعض افتر راسي
ﻻ تعودية على نومت بيت هلك خلك دوم في بيت غصب عنة زوجك يمكن نن نوع انطواءي بس ﻻ تكدري نفسك وطتشية واملي وقت فراغك
بس بالبيت وحاولي انك تصارحية قوليلة بكل هدوء وبمزح شةفي ردت فعل
والله يلين قلبة عليك
بس بالبيت وحاولي انك تصارحية قوليلة بكل هدوء وبمزح شةفي ردت فعل
والله يلين قلبة عليك
الصفحة الأخيرة
من جد الله يعيييينك
استغفري واتوضفي وعيشي حياتك ويمكن لو جاكم طفل يتغير ان شااء الله