هذه القصة قالتها الداعية اناهيد السميري في احدى دروسها :
كانت في امرأة متزوجة وبعد فتره التزمت ، وتذكرت اول معصيه تسويها اللي هي النمص .. طبعا تركت حواجبها فالأمر فيه لعن ولا فيه مجال للتهاون ، بعد ايام لاحظ زوجها ، ضغط عليها وحاول فيها ، لكن رفضت النمص بتاتا ، وفي صباح احدى الايام وقبل يطلع زوجها للعمل ، قال اسمعي انا طالع الآن والحد اللي بيني وبينك هذا الامر ، ياتكوني امرأة وتهتمي
بحواجبك او بلجأ للطلاق ، لك فرصة حتى ارجع من العمل ، وطلع من البيت ..تقول ضاقت عليها الدنيا ،
وذهبت الى سجادتها ، صلت وفي سجودها دعت وبكت ولجئت للي بيده الحل، يارب انت تعلم انني
لا اريد معصيتك ، يارب اجعل فرج مما حل بي ، يارب فرج همي وكربي ووو، تقول تدعي
وتبكي لجئت بصدق وهي عارفه انه مافي احد بيفرجها الا الله .. المهم بعدين طلعت هي
وراحت لشغلها .. رجعت الظهر ، وجاء زوجها ، وكانت مجهزه كلام قوي بتقوله له ،
وكيف انه بكل بساطة ينهي حياتهم عشان شعرات !!! تقول تفاجاءت انه يقول :
ايوه ياشيخة كذا الاهتمام كذا صرتي انسانه !!!!!!! تقول سكتت وراحت
سجدت لله شكر، وبكت ان الله فرج كربها ..
اذاً لا نحاول نكسب قلب الزوج ولا غيره بمعصية الله ..
وثقي مستحيل نوصل لمحبتهم بهذه الطريقة ..
قال صلى الله عليه وسلم :
(من التمس رضا الله بسخط الناس ؛ رضي الله عنه ، وأرضى عنه الناس ، ومن التمس
رضا الناس بسخط الله ، سخط الله عليه ، وأسخط عليه الناس )
قال الشيخ عبد المحسن الأحمد :
مسائل القلوب لا يملكها الا الله ..
{لو انفقت مافي الارض جميعا ماالفت بين قلوبهم ولكن الله ألف }
لكن فيه واحد اذا اراد ان يؤلف { ولكن الله ألف }
القضيه عند رب العالمين مو عندنا ، انتي ارضيه يرضيك الله عز وجل في كل شئ .
في معادلة في القران جميلة ، قال تعالى : {رَضِيَ اللَّهُ عَنْهُمْ }
بس أوصل لهذي .. وبتوصل لكل شي ماقدرت توصله !! واللي ماتقدر توصله بيوصلك اياه !!
لأنه اذا رضي ، يرضيك ..!
وعد الله حق .. ان الله لا يخلف الميعاد ..
{رضي الله عنهم وَرَضُوا عَنْهُ}
سو الاولى ... والله والله ان يعطيك الثانية ..
انتهى كلام الشيخ.
يتبع
تغيرت حياة احدى قريبات الدكتور عبد المحسن الاحمد مع زوجها
بفضل الله ثم نصيحة الشيخ .. يقول حفظه الله :
احدى محارمي تشتكي لي من زوجها..!!
تقول والله مابقي شئ في خدمته ، وفي خدمة اولاده ، وفي بيته ، إلا فعلته ، تقول وسبحان الله
ما في شئ يملى عينه،ودائما في سخط علي ، تقول مابقى شئ ، استنفذت كل شئ ،
احرقت نفسي حرق! تقول حتى إني في صلاتي افكر كيف أرضيه !!!
قلت : ولن ترضي ولن يرضى عنك مادام انك حتى وانتي بين يدي ربي العالمين وتقرأين كتاب رب العالمين
تفكرين كيف ترضينه !! لن ترضين ولن يرضى عنك !!
قالت والحل؟؟
قلت الحل ما مطلوب منك ترضين الناس كلها !! ابغى ساعه في ثلثي الليل الأخر تقولين
"يا ربي لا أسألك إلا رضاك " وتبدأين تسعين كله بس عشان يرضى سبحانه،
اذا رضي يرضي الكل ،حتى الملائكة يرضيهم عنك ،حتى جبريل ملائكة يطوفون
سبعين الف في البيت المعمور يدعون لك..
قالت وغيره؟؟
قلت مافي غيره !!
قالت طيب في دليل من القرآن؟
قلت يقول الله عز وجل:
{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}
من اللي جعل ؟؟ هو ... والا احنا اللي بتعاملنا جعلنا مودة ؟؟
لاااااااااا وجعل هو ، اذا ماجعل هو ,, والله لو اسعى ليل نهار مايصير !!
راحت بعد شهر ، هي من محارمي ، إلا تجي وتقبل رأسي !!
انا ناسي الموضوع !
قالت اقسم بالله اني ما أسوي 20 % من اللي كنت اسويه اول !!
واقسم بالله انه صار يسوي لي اكثر من اللي كنت اسوي له بأضعاف !!
تقول صار عندي هم ان ارضي رب العالمين.
انتهت القصة.
احنا للاسف غافلين عن امور كثير ، وممكن الواحد يقدم رضى الآخرين على رضى ربي وهو مايشعر ..
حتى الاطفال لازم نغرس عندهم ان رضى الله اهم شي ..
يقول الدكتور عبد المحسن كنت قبل البارح مع الشيخ محمد يعقوب..
يقول سنتين وانا اعلم اولادي :
ايش اهم شي عندكم ؟؟
يقولون : ان ربي يرضى عنا ..
وأقولهم ايش ثاني ؟؟
يقولون : يزوجنا ..!
قلت : لا موش شرط !
يقول واسألهم مره ثانيه : وش تتمنى ؟
يقولون : رضى الله ..
واقول : وايش ثاني ؟
يقولون : وينجحنا !
قلت : لا مو شرط ..!
يقول لين بعد سنتين صرت اسأل الواحد فيهم ..
ايش امنيتك ؟؟
يقول : ربي يرضى عني ..
اقول : وايش ثاني ؟
يقول : وبس ..!!
لأنه اذا رضي ، يرضيك ..!
ومن أعظم مايرضي الله الأخلاق ..
وماراح اتكلم ولا اتفلسف عليكم :)
بذكر لكم الاحاديث لنعلم اي منزله يصلها صاحب الخلق الحسن ..
(إن المؤمن ليدرك بحسن خلقه درجة الصائم القائم)
(حرم على النار كل هين لين سهل قريب من الناس)
(سئل رسول الله صلى الله عليه وسلم عن أكثر ما يدخل الناس الجنة ؟ فقال تقوى الله وحسن الخلق )
(وإن سوء الخلق ليفسد العمل كما يفسد الخل العسل)
(قالوا يا رسول الله فلانة تصوم النهار وتقوم الليل وتؤذي جيرانها قال : هي في النار .
قالوا : يا رسول الله ! فلانة تصلي المكتوبات ، وتصدق بالأثوار من الإقط ، ولا تؤذي
جيرانها . قال : هي في الجنة)
( أحب الناس إلى الله عز وجل أنفعهم للناس، وأحب الأعمال إلى الله سرورٌ تدخله على
مسلمٍ ، تكشف عنه كرباً ، أو تقضي عنه ديناً ، أو تطرد عنه جوعاً ، ولو أن تمشي مع
أخيك في حاجته أحبُّ إليَّ من أن تعتكف شهراً )
وهنا أمر الله موسى عليه السلام بالقول اللين ، ولمن ؟؟ للطاغيه فرعون ..!!
(إذهبوا إلى فرعون إنه طغى فقولا له قولآ لينا لعله يتذكر أو يخشى )
اسأل الله ان يرزقني واياكم حسن الخلق ..