بكل شي يسبني ويطلع فيني عيوب

انا بمنطقه نائيه ومافيها اسواق حلوه وزواج بنته قريب طلبت المره الاولى من وحده فستان واتفقت معها اذا ماعجبني استرجع قالت تمام وارسلتلها صورة الفستان وقلت وروني من تنفيذكم وارسلته لي هو نفس الي ابي لما وصل شي ثاني وربي كنه قميص عجوز وخرز كبار ويفجع ارسلتلها قلت ماضبط علي المقاس بسترجع ماقلتلها انو غير الصوره تماماً قالت نبدل لك وارجع ارسلها واحاول فيها تسترجع ولا بلافايده كل فلوسي راحت على الفاضي المره الي بعدها طلبت واحد من سوق موثوق بس مقاساته غلط ماضبط علي على اني مو متينه وزعل لما قلت بسترجع يبيني البس الفستان ف الزواج غصب ومنعني اسافر جده على ان مو هو الي بيتعب اخواني الي كانو بيودوني بس رفض حسبي الله عليه استكثر علي يومين انبسط عند اهلي وادور فستان اكيد كنت بلقى وقام نزلني اسواق قريبه من منطقتنا ف الديره واشكالها تفشل وبدى يهاوش ويزعل وينافخ لما شفته كذا اشتريت فستان ومشيت لما وصلت البيت ماعجبني ولااقتنعت فيه قماشه استرتش اسود وفيه تطريز بسيط من فوق استغربت كيف اخذته ووديته الخياطه تعدل فيه بعدها دقيت على امي قلتلها ان فستاني عند الخياطه ومو عاجبني قالت ابشري ولايهمك وطلبتها في فلوس وطلبت من وحده توصل من موقع معروف تابي وقالتلي ٣ ايام ويوصل وتأخرت قلتله وش رايك اسافر عشان ادورلي فستان اذا ماوصل هذا قال لا والله ماتسافرين العروس ماتعبتني بالفستان مثلك قلت مالك دخل وانفجرت ابكي والله مالي حظ وهو السبب ليش مايخليني اسافر واشتري حتى بنته طلبت من جده فستان الزواج وجا تمام وهو بنفسه سافر وجابه لها اما انا يهاوشني ويستكثر علي الفلوس لمن اطلبه يزعل وقال لبنته تسجل في حساب المواطن عشان ماياخذه زوجها ونزلها ماشاء الله على حسابها وانبسط لها وانا عيا يعطيني لاحساب المواطن ولا الضمان الاجتماعي على اني احتاج اشياء كثيره لي ولعيالي مايحولي الا بس٢٠٠ ريال حقت شحن جوالي ولااشوف منه شي اذا طلبته قال فواتير ومصاريف لاتشغليني امي ماشاء الله تاخذ الضمان ابوي ماقاللها شي وكل شهر تشتري الي ناقصها الا انا بس اجيب طاري الضمان او حساب المواطن يزعل مااشوف اني غلطانه قاهرني والله لما رفض اسافر وخلاني اتبهذل بذ الفساتين وماادري كيف بيجي الي طلبت اخر شي 😔