بكل صدق لو اي وحدة كذا وش تسوين!!!

الله المستعان نفس حالتي

ضايف رقم طليقته والله اعلم ايش بينهم

وضايف مغاربه وسواريه وسعوديات

وكل يوم سفريات وصار يهتم بزياده عطور كريمات مرطب وهو مايعرفها وماينام معي الا وريحته تصرع الطير من السماء

وبمجرد مايسافر انواع الكشخات

عاتبت واجهت راقبت هاوشت

اخر شي التزمت السكوووووووووووت سكوت الى مالا نهايه

اطفالي ما ابيهم يتشتتون اعشقهم وهم حياتي

قررت التزم بصلاه الوتر والاستغفار والعا هي سلاحي الوحيد

راح اكتم مشاعري واصير مررره متكشخه وحبوبه وودوده

لو تزوج علي

رضوه تكسر قلبه
وسفريه محترمه
واغير اثاث شقتي
والله لايهينه يصرف زي الكلب

وبعيش حياتي طول بعرض
احس بالمك
احس بدموعك وحسرتك

بس ياختي هذا الحل الصح والحقيقي

نكسر ظهره ونعيش حياتي
وهو الي مايحفظه فمان الله

حبيبتي تعوذي من الشيطان اولا.. ثم اسلوبك تلمين اغراضك وتطلعين خطا خلك ع قلبه ولو برس العرس استغفري وادعي ربي يصده فلسيه قولي ابي شغاله ولاشفتي معه فلوس اطلبي مقاضي زياده حسسيه انه مايقدريفتح بيتين..انتبهي تطلعين وتخلين البيت له وللثانيه .. تعدلي من حالك ولاتتواجهين معه خلك رسميه معاه البسي وتعطري عطر صاروخ ريحته وتمكيجي الرجال يعشق بالشم والنظر ... وعطيه حقوقه واطبخي اكله والدعاء اخر الليل مجربه مثل حالتك وربي هداه ولا كان يعاندني عشان يعرس لدرجه يقول روحي لاهلكماهميتيني وانا مو مقصره معه بشي ابدا بس يقول مل وروتين يبي يغير ماخليت دعاء واستغفار وصلاه وغيرت منحالي قمت اكشخ بناطيل وتنانير قصيره فبيتي والله صار مايطلع منالبيت الا للضروره والحين الله يتمم هدايته لان اشوفه يتصفح مواقع الزواج بالنت مدري استطلاع او براسه شي ...  اعرف جيراننا زعلت مرته الاولى وراحت لاهلها وعرس وجاب الثانيه بالبيت السكن  وعقب رجعت الاولى وخلاها بالحوش سوالها غرفه ومطبخ تخيلي مع انهاالاولى لكن خليك ذكييييه انتي وشغلي كيدك معاه احتلي قلبه ادري مجروحه جربت مثلك والله لكن املي بالله مانقطع ليومك والحمدلله ... خليه يحس بمسئولية بيته واعياله يمكنه مل من ازعاج البيت شوفي وش الي خله يلجا للثانيه يمكن حقه منك مافي حركات متعه وتخبرين الباقي ابحثي عن السبب وعالجيه قبل لاتخسرينه

الله يعطيكم العافية واشكركم على الردود والنصايح .
تصدقون من تجربه الرجل طماع واناني بطبعه ولا يهتم بمشاعر ولاتضحيات
ولانظافه زوجة ولا اهتمام لوانك مولعه اصابعك شمع ينكر .
الحمدلله ماقصرت بحقة بشي وبعترافه هو بس كذا بيتفاخر عند الناس ان عنده زوجتين .مع العلم انه به قصدرة بالقلب والاجهاد ممنوع منه بس يكابر 
تخيلو من فاح الله عليه فكر يتزوج وصعب جدا اتخيل نفسي عندي جارة ماتحمل نهائي اعرف نفسي . اكتب من الجوال . 

الله يهديكن وينكن  ياحوائيات 

الله يكون بالعون الرجل طبعه ينكر افضال زوجته الا ماندر

والزواج اتوقع كل ماكثروا الابناء يبي يرجع شبابي مثل اول

وناسه بدون ازعاج

اتوقع كلهم او اغلبيتهم هذا تفكيرهم