تسبمين الغاليه ام_حمداني على الأسلوب الرائع ... ما تقصرين ... و بالنسبه لج يا هيبه بكاها ما قصرتي بالكلام اللي قلتيه بس بكون احسن و ما بجادلج في اي شي و انا و الله العظيم اني ما سويت نسخ للمواضيع انا مثل ما قلتلج كتبته و عطيته المدرس و عدل فيه و الله حلف انه ما نسخ اي كلمه مجرد حط المراجع للكلام اللي كتبه ... و انا ما بحلف علشان تصدقيني ... رب العالمين ادرى و المدرس مسلم و حلف و 6 ساعات اشتغل عليه و ما اعتقد انه يقنع انه في يوم واحد سويتيه لأنه ياخذ وقت ..!!!!؟؟؟؟ ... بس مشكوره و ما تقصرين ...
كله عند رب العالمين ..... الله شاهد علينا

الله يكوون بالعوون و يعوض عليكم..
انا ما احب ادخل واايد بهالموااضيع..

لكن عندي ملاحظه في نقطه قلتيها sparkel



ليش مب مقتنعه انها ممكن اتخلصه في يوم وااحد،،
اذا هي خريجه،، و متعوده عالبروجكتات،، ترا بتخلصه بيوم وااحد..

و انا ربي شاهد علي،، اني يالسه اشتغل ع بروجكت،، بديت فيه اليوم..
ولازم اسلمه باجر...
و عندي بروجكت ثاني اسلمه السبت...

يعني لا تتهمين البنت انها يمكن اتكون سلمت بحثج،،
لان بعض الظن اثم..

و اختي هيبه بكاها،،
انتي معذوره لان لج ظروفج..

لكن خذيها قااعده،،

انتي اللي دارسه الماده،، وانتي فاهمته،،
يعني محد بيكتب بأسلوبج،، ولا حد بيوّصل المعلومه اللي ادورينها..

و صرااحه من غير زعل..
البروجكت وااضح و مبين انه كوبي بيست

والله يهديكم

اوكي طرشيلي البروجكت اللي سويتيه خلينا نشوفه ... و انا حلفت و ما برجع احلف ... و ربي علي شاهد .... و لو انا ناسختنه ما بطرشلج اياه من الأصل ما عمري غشيت حد انا ... انا انسانه عندها ضمير ... ما بيي حد و ايخلي عندي ضمير .. . و اعتقد الكلام و الأسلوب اللي عاملتيني فيه ما كان يكن لي اي احترام ... بس ما عليه كله عند رب العالمين و هذا الشي نحنا محاسبين عليه ....

لا تعليق :(

ملاحظه :- انا مشروع تخرجي فلم من 20 دقيقه + كتاب من 90 صفحه تقريبا خلصته في 3 ايام عادي ولا حد ساعدني وخذت عليه A+

السلام عليكم
الاخت باربي ما يباله شى الواحد يوم يشوف شى يشك فيه يتحرى الشى عشان ما يظلم الناس ... و انا يوم قريته اصلا عرفت انه كوبي و بيست و اجوفى بعينج ... و انا و الله العظيم ما عندى وقت حق ها التفاهات ... اختى باربى تراه تتأكدين يباله بس دقايق ما يبا اكثر من جى .... و الاخت سباركل رجاءا بلا تجريح و يكون فى علمج انا سويت البروجيكت روحىىىىى و ان شاء الله اخذ اعلى الدرجات لانه الله ما يضيع اجر مسلم مجتهد تسبح له الملائكة ليل نهار ...
و اذا تبين اشوفينه مستعده اراويج اياه و بتشوفين شو يعنى كتابة بحث مش كوبي و بيست ... الحمد الله انا الاولى على كليتى و الشى اللى جبرنى اعطيج اياه كان خارج عن ارادتى جد ما كان عندى وقت بس الحمد الله الحمد الله الحمد االله لرب العالمين .... و خلاص قفلوا على الموضوع تراه كل شى باين و البنت الجامعية يوم بشوف البحث بتعرف انه كوبيييي 100% مثل ما قالوا البنات ...و كل واااحد هو و ضميره .....
والسموحة
اختكم
هيبة بكاها