بسم الله الرحمن الرحيم
و الصلاة و السلام على خير الانبياء و المرسلين
بنات و مشرفات كيفكم يارب بخير و كل عام ونتو بخير و الله يزوج كل العزابيات من الصالحين يارب
بنات اليوم موضوعي باين من العنوان
اذا فيه ام عندها ولد راتبه بسيط الفين ولا 3 ولا 4
و تبي موظفه له عشان تساعده
بتقولون داخلين على طمع ولا بتقولون واقعيه و عايشه بالواقع و تبي عيشه طيبه لولدها و لاحفادها
بقول لكم رايي بس رجاء كل واحده تقول رايها بكل ادب و احترام ما نبي نزعل بعض اوكي
كثير من البنات قريت لهم ردود بمواضيع مختلفه ان الي حاط عينه على راتبي هذا مو رجال ولا راح ارضى فيه
بالبداية الله تعالى اعرفوه بالعقل
هو كشاب مخير بين واحده غير موظفه تمسك عياله ولا يضطر يحطهم عند الحضانه و يجي الظهر يلقى لقمته حاره
مو ينطر الموظفه تسخن الاكل له
ايضا غير الموظفه اتوقع نفسيا مرتاحه اكثر من الموظفه كون الموظفه تعيش الصراع الدايم بالتوفيق بين بيتها و عيالها و وظيفتها
فهو كشاب مخير ولو راده عليه ( طبعا الغالبيه مو الكل) لاختار غير موظفه عشان تتفرغ تماما للاسره
لكنه واقعي و راتبه على قده وعارف وراه مصاريف من مهر و تاسيس بيت و اثاث
و شراء بيت العمر و عيال و مصاريفهم الي ما تخلص و بيت العمر طبعا يبي له اقل شي 15 سنة عشان يخلص
فكل هذا تهقونه بيقدر عليه لو عاش على راتبه بس
اكيد لا اكيد يبي موظفه تساعده
انا ما اشوفه طمعان بالراتب بالعكس اشوفه منطقي
ومن حق الرجل يختار الام الي بتريح عياله
يعني انا كبنت راح الوم ابوي لو راتبه قليل و تزوج غير موظفه و كان يقدر ياخذ موظفه
لان الوضع المادي بيتغير للافضل اكيد
بعدين خلونا واقعيين راتب الموظفه بالنهاية بيروح لمنو منو المستفيد منه؟
هي و عيالها و زوجها
انا ما اتكلم عن الرجال الي يغصب زوجته تشارك
اقصد الي تشارك بطيب نفس منها
و على فكره اغلب المتزوجات الموظفات يشاركون كل الي اعرفهم كذا
اجل موظفه ببلاش؟ انتو فكرو فيها
تقعدين من ال6 و تطلعين من ال7 و ترجعين بال1 ولا بال2 ولا البعض بال4 او ال5
و تقضين نص عمرك بالوظيفه على شنو؟
لازم تستمتعين بحياتك و تمتعين عيالك وزوجك معاك
تسافرون تطلعون تشترون احلى لبس تاكلون احلا اكل تعيشون احلا عيشه
تريحين زوجك و تحطون سواق
يعني العيشه المرفهه هذي زوجك او راتبه البسيط بيقدر عليها؟؟
اكيد لا لان الاسعار كلمالها و تطلع للعالي اكثر و اكثر
بعدين زمان امي و جدتي ولى وراح
قبل الحرمه ما تشتغل ولا تشارك بالبيت
الحين كل النساء العاملات العربيات و الاجنبيات يشاركون باعباء المعيشه
اجل ليه سموها اعباء مو لانها ثقيله و تبي اثنين يشيلونها
معليش مع كامل حترامي للي تقول طمعان براتبي اشوف رايها فيه سذاجه كبيره
يعني لو تقدم لك اثنين واحد راتبه 3 و الثاني 15 الف
اكيد بتاخذين ابو 15 الف
هني ما صرتي انتي طماعه؟؟
معليش الواحد يكون واقعي ندري النفقه على الرجال
لكنك ماخذه واحد على قده مو هارون الرشيد
و بعدين تغارين من الحريم هذي البست ماركه هذي راحت هذي سافرت هذي حطت شغاله
هذي الي انتي حاطه عينك عليها تتصرف بذكاء و تصرف على بيتها
مو مثلك تخش فلوسها و بالنهاية يروح الورث لاخوانك و حريمهم
عيالك وشريك حياتك الي خلاك ام اولى فيك و اولى بخيرك
صراحة لو كنت موظفه و تقدم لي واحد راتبه بسيط و ادري ان امه ما تاخذ الا الموظفات لعيالها
وكان رجال صالح اكيد بوافق عليه وانا مغمضه
شبي بواحد غني و اخلاقه سيئه
كتبت هذا الموضوع لاني شفت ردود كثيره مو منطقيه من كذا عضوه
بعدين النبي صلى الله عليه و سلم ذكر احد الاسباب الي تخلي الرجل يطمح للمراة و قال تنكح المراه لاربع و عد منها و قال لمالها
اكيد شرط الاخلاق و الدين هذا امر فارغين منه
لكن بنظري واحده اخلاق وموظفه ارشحها اكثر من واحده اخلاق و غير موظفه اذا بدور لقريب لي و ادري انه راتبه بسيط
لاني باختصار عايشه بالواقع مو بعالم المفروض الرجل هو الي يصرف
ندري المفروض بس الواقع شيقول؟
ايد واحده ما تصفق
بعدين بالعقل الفلوس ليش نوجدت مو عشان تنصرف
تقبلو رايي بكل ود و بتقبل ارائكم بكل ود ان شاء الله
على فكره حتى الصحابيات قبل يشتغلون و يساعدون ازواجهم
منهم قصة الصحابية الجليلة اسماء بنت ابي بكر رضي الله عنهم رغم ان ابوها ثري
بس زوجها الزبير رضي الله عنه كان على قده و عانو من صعوبة العيش و كانت تشيل الاحمال الثقيله
و تطلع بس عشان تساعد زوجها
يعني من عمر الدنيا الحرمه تشتغل و تساعد ماهي جديده
شاهه2 @shahh2
محررة
يلزم عليك تسجيل الدخول أولًا لكتابة تعليق.
لمار السويلم
•
بصراحه معك حق انا الان في مدرسه ادرس واساعد زوجي على المصاريف ولحمد الله هو مساعدني مره مايطلبني شي اكثر من طاقتي الاكل والغداء اخر شي يفكر فيه
شاهه2
•
بصراحه معك حق انا الان في مدرسه ادرس واساعد زوجي على المصاريف ولحمد الله هو مساعدني مره مايطلبني شي اكثر من طاقتي الاكل والغداء اخر شي يفكر فيهبصراحه معك حق انا الان في مدرسه ادرس واساعد زوجي على المصاريف ولحمد الله هو مساعدني مره مايطلبني...
بارك الله فيك و الله يجعله بميزان حسناتك يارب
بيادرو
•
كلامك فيه شئ من الصحه لكن انا اعتقد ان البنات الي يقولون داخل ع طمع خايفين انه يكون مو مقتنع لا بصفاتها ولا شكلها ولا عمرها لكنه جبر نفسه وخطبها ووافق عليها علشان الراتب هذا هو الي اعتقد البنات خايفين من الارتباط فيه
لكن الشاب الي فعلا ع خلق ودين ومتكافئ مع البنت بكل شئ وخاطب البنت لانها عاجبته اولا هذا طبعا المفروض توافق عليه وماتفوته من ايدها بعد الاستخاره بالتأكيد
وبالاخير كل شئ قسمه ونصيب مهما دور وبحث الواحد عن وحده علشانها موظفه ماراح يأخذ الا نصيبه
اعرف لك واحد قريب راتبه بسيط جدا اول ماتوظف يمكن 3 الاف وشارط ع امه مايبي الا موظفه مهما كان وعرضت امه عليه اشكال من البنات وبالاخير امه شافت بنت عند ناس وذكرتها له مع انها تقول ماظنيت بيوافق لانها مو موظفه ولا معها غير المتوسط وبكل بساطه وافق عليها والحين ماشاء الله لهم عشر سنين متزوجين ومبسوط معها يعني كل شئ قسمه ونصيب
لكن الشاب الي فعلا ع خلق ودين ومتكافئ مع البنت بكل شئ وخاطب البنت لانها عاجبته اولا هذا طبعا المفروض توافق عليه وماتفوته من ايدها بعد الاستخاره بالتأكيد
وبالاخير كل شئ قسمه ونصيب مهما دور وبحث الواحد عن وحده علشانها موظفه ماراح يأخذ الا نصيبه
اعرف لك واحد قريب راتبه بسيط جدا اول ماتوظف يمكن 3 الاف وشارط ع امه مايبي الا موظفه مهما كان وعرضت امه عليه اشكال من البنات وبالاخير امه شافت بنت عند ناس وذكرتها له مع انها تقول ماظنيت بيوافق لانها مو موظفه ولا معها غير المتوسط وبكل بساطه وافق عليها والحين ماشاء الله لهم عشر سنين متزوجين ومبسوط معها يعني كل شئ قسمه ونصيب
جاني كثير لنفس هذا الغرض ويريدون مدرسة والله بعضهم اقتنعت فيهم لكن أهلي رافضين واحد يبغى مدرسة الشكوى لله
الصفحة الأخيرة