بكل صراحه يا اخواتي تشوفونه عادي ولا ماله داعي

السلام عليكم
اخواتي بدخل بالموضوع دغري
السالفه ومافيها
انه اهل زوجي لهم فتره يدورون الولدهم
شاورني اذا اعرف احد قلتلهم عن بنت خالتي
بنت خالتي برى الرياض من مدينه اخرى
بيت جدتي ام امي هنا بالرياض وكانت خالتي من الاساس جايه للرياض بالاجازه قالو اهل زوجي بما ان خالتك جايه للرياض نجي نشوف بنت خالتك عند جدتك لانهم مايعرفون شكلها ابد وزياده يتعرفون على خالتي
طبعا قلتلهم طلعوني من الموضوع وتفاهمو مع خالتي نفسها وهذا رقمها وفعلا دقو وسلمو وتفقو يجون بيت جدتي
الزبده من السالفه هذي كل ابوها يا اخواتي
ان ام زوجي قالت الامي بعد ودها تشوفها عند جدتي لانها هي وامي مره مع بعض وعلاقتي مع اهل زوجي الحمدالله ياربي تمام واتفاجئ كمان تقولي ام زوجي تعالي معنا الجدتك
انا استكثرتها على نفسي يابنات انه اجي وكمان على امي
الروحه كلها ساعه فقط بيشوفون بنت خالتي ويطلعون وكان المفروض يكون موجود جدتي وخالتي وبنتها وام زوجي فقط
ليش كلنا نروح احس مالها داعي ابد وكمان موقف البنت لو ماصار نصيب وكلنا جالسين نتفرج احسها فرجه مدري انا لو مكان بنت خالتي ماحبيت احد يكون موجود غيري انا وامي هذي شوفه مو ملكة مدري مستصعبتها مرررره ومنحرجه من خالتي وبنتها
انتم ابي تقولون رايكم بصرااااحه
وعلى موقف خالتي وبنتها عادي قالت تعالي انتي وامك وماعندها مشكله بس احسها تجامل ..
ابي رايكم بالموضوع ووشو التصرف الصح وهل جيتي غلط
ابي الصراحه ..