بكل ندم : انا كنت اوقح واوسخ واقذر انسانه ممكن تمر عليكم 😞💔💔💔

مرحباياحلوات تركت المنتدى فتره لعل وعسى تنسوني تهوري وتهجمي الغير مبرر على بعض العضوات وكان سوء ظن مني بانهم يقصدوني
الان تغير وضعي انا راجعه من الحج وراجعه من كل ذنوبي السابقه اللي تحاملت علي كالجبال
كنت سفيه جدا وانسانه قذره بكل ماتعنيه الكلمه
عملت لي سناب جديد باسم مستعار غير اسمي وكان كله سنابات متزوجين وغير متزوجين ابي احد يمدحني اصور لهم بكل مايخطر ع بالكم
واذ طلعت السوق لبست عبايه ونقاب السوق وكنت وقتها احس بتانيب الضمير اقول بيني وبين نفسي مسويه نفسك تتغطين واذ احد طلب لك تصورين جسمك تصورين واعطي نفسي كلمات قاسيه بس بعدين اقول عادي بتسلى وش فيها
وارجع اندم وارجع اسوي نفس الغلط
كنت اكلم ٤ واحد اصغر مني ب 7 سنوات عمره 23
وواحد يشتكي من زوجته واهمالها حتى كان يصور سنابات انه ضايع ويقوم اخر الليل ويقول جوعان
والثالث مطلق لانه يصور بناته ويقول زوجوني
والاخر حياته مستقره بس يكلمني يقول حبيت اسلوبك
وكلهم صورت لهم جسمي واستغرب وقتها قله التوفيق اللي يحصل لي ودايما طفشانه
واغلب وقتي ادقق على حركات اللي حولي عشان اسبب مشاكل معهم
حتى وصلت اني حقدت على وحده تقرب لي لاني حسيتها بس تكرهني بدون اشوف اي تصرف يستحق اني اكرهها
حقدت على المجتمع كله
كنت اذ شفت وحده مالي اي علاقه فيها ولا تقرب لي بس ملمحه انها تبي الزواج اروح اسوي سناب ثاني واجلدها بالكلام بدون اي سبب وهي ترجع ترد وتقول انا اعرف انك وحده تقربين لي وانا اصلا ضايفتها سناب ولا تجمعني بها اي صله قرابه
يعني زود على كلامي الوقح خليتها تشك بقريباتها بس عشان افرغ اللي جواي
المشكله اني نفسها ابي اتزوج واكون بيت واسره
اي احد اشوفه سعيد احقد عليه احس انه استنقاص مني سعاده الاخرين
انا باختصار كنت
انسانه اوقح مني مافيه وهالشي سببه الكبت الداخلي يعني ماني من نوع اللي افضفض بعد الطلاق
الحمدلله تماكنت نفسي ورحت الحج شعرت بلذه القرب من الله كان وقت مطر عرفه دعيت الله يردني اليه ردا جميلا
والله اللي خلقني وخلقكم رجعت انسانه غير كل شي تغير فيني شريت جوالي جديد عشان تروح القذورات اللي فيه تصالحت مع نفسي اول شي حسيت براحه نفسيه عظيمه بالقرب من الله صرت محافظه على السنن والوتر بعد الحج حسيت ان ربي استجاب دعائي حبيت الناس وصرت اساعدهم بكل شي اقدر عليه حسيت وقتي لي
بس عندي مشكله للحين مازالت فيني احس للحين اني انسانه قذره وكيف تجرات بيوم اصور واستعرض بجسمي وانا اللي كنت ايام الجامعه انسانه جدا محافظه وانتقد وبشده اللي تقول فلان او علان حلو كنت جدا محافظه كيف وصلت لهالشي ماعرف بس اعرف ان الشيطان قدر يلعب علي واللي يستسهل بمعصيه بتهون باقي المعاصي عليه مررره ندمانه
الله يرضى عليكم كيف اتخلص من هالشعور السي جداً