بكمل عمري وحيدة😔

السلام عليكم
تزوجت عمري 21 سنه كنت مثل الورده اعيش في قرية ولا ادري وش العالم فيه ابوي زوجنا وباقي ماخلصنا الدراسه ولاندري وش معنى زواج والدراسه في القرى في السابق الناس ع الفطره امي كسرت شخصيتي انا واخواتي كل شيء عيب وانتم بنات تتأثرون من اي شيء لدرجة اننا كرهتنا في جنس الرجال اصلآ وادئم تشوفنا خبلان ومانفهم شيء تزوجنا وكان ابوي يزوج كل سنه وحده اختي الكبيره الله اعلم بضروفها واختي الثانيه افضل منا شوي ...
اما انا تزوجت واحد لو اقول وين بتروح زعل كان ينفخ ويعصب ويهاوش وفوق كذا حتى بيتي شرعي ماعندي مع اهله وبخيل جدآ يحاسبني ع الريال مرت سنه وانا انتظر الحمل والسنه الثانيه سويت جميع الفحوصات والتحاليل وكنت سليمه بعد تعب حلل ولقي عنده عقم جلست معه وصبرت ع شروطه واوامره مع التعب النفسي خمس سنوات اخر مره غسلت مراتب الكنب قال ليه تغسلينها بدون اذن وطلقني
رجعت عند اهلي مكسوره يد ورا ويد قدام دخلت عالم النت وانشغلت شوي بالأنستغرام اللي ماكنت اعرفه ولا اعرف حتى واتس
مرت الأيام ومايخطبني الا ناس اردى من الأول ولا شيبان وكان عمر24سنه وجلست مع اهلي سنتين
من الله عليه بأخو صديقتي الاهو زوجي الحين ونور عيوني اطالع الدنيا واطالعه طيبيييب لأبعد درجه لو اقول ودني المريخ ماقال لا ومستحيل ينام وانا زعلان ماشاءالله لدرجة اني حتى اشوفه من بعيد واتكلم في نفسي فديتك الله لايحرمني منك
بعد 8شهور من زواجنا حملت ولكن ماتم شهر وسقطت
والحين احاول احمل بسسس كل شهر تنزل الدوره اجلس ابكييي
اخاف يتركني ويقول روحي ابي حرمه تجيب لي عيال وانا متعلقه فيه مره
تزوجني هو اعزب ماتزوج من قبل
دعواتكم لي