كوبونات الراقية تسجيل الدخول

شمعــ نهـارــة

بكمل 24 ساعه مانمت من امس ذبحني القلق والتفكييييير انا بين ناارررين تكفون مشورتكم

الأسرة والمجتمع •

اخباركم حبايبي

بقووولكم سالفتي بدون مقدماااااااااات

انا انقطعت عن الدراسة الجامعية من سبعة سنوات وصلت لثالث ولاكملتها تزوجت ونقلت بعيد عن المدينة اللي فيها اهلي وجامعتي وحملت ثلاث مرات ورا بعض ماشاء الله

والحين جاتني رغبة شديدة اني اكمل دراستي واخذ شهادتي مو طمعا بالوظيفة لكن حابة اني اطور نفسي اكثر واحصل على مؤهل وعندي طموح اكمل ماستر ودكتوراه بعد

انا كنت مثال للتفوق من الابتدائي الى ان تخرجت من الثانوي قسم علمي وبنسبة عالية ولله الحمد

بس من دخلت الجامعه دجيت مدري وش جاني لعب واستهتار ومن قسم للثاني بصراحه ادري اني فرطت بدراستي
لكن عندي الامل متجدد وثقتي بربي كبيرة انه يوووفقني احقق حلمي واكمل تعليمي

طيب وين المشكله ؟؟

المشكلة ان كل اللي حولي مستنكرين ورافضين زوجي بالقووة وافق ولاهو راضي 100% يقول مو لازم الشهادة مافي وظايف شوفيهم ماليين البيوت وانتي ناجحه بتجارتك واثبتي نفسك بشي غير الدراسة
و الدراسة مو كل شي وعيالك وش تسوين فيهم مرمطة وتعب وبهذله ومن هالكلام اللي يحبط

جيت عند اهلي مافي الا تحطيم

جدتي الله يشفيها ويحفظها تقولي ((يابنتي اظنك تبغين تصيرين مدرسة والله ماتصيرين الا لو انا صرت مدرسة)) <<< ابووك يالتحطيم هع هع
وتقول رعاها الله وحفظها <<من يوم قالت لي امك انك بتدرسين وانا اتحلم بعيالك الشغاله بترميهم بالخزان وتذبحهم واشتغلت الافلام الهندية هع هع

والوالدة شجعتني على خفيف مو ذاك الزود برضو السبب الاطفال
انا اللي مطمني انو ولدي الكبير واللي بعده لو كملت ع بداية السنة الجديدة بيدخلون الروضه لكن المشكلة بالصغير اللي عمره سنتين

طبعا لو باكم ماراح يقبلوني لان عدى على تخرجي من الثانوي 10 سنوات <<< يا الله العمررر يجرري

لازم تأهيلي وبعده لو جبت معدل زين يحولوني انتظام

والانتظام ماااينفع مع وضعي الحالي والكل غيررر موافقني عليه

بحثت وبحثت لقيت ان جامعة الطائف عندهم الانتساب المطور وبتخصص يفيدني بتجارتي وهو( ادارة اعمال) وبفلوس طبعا 3000 كل ترم
قلت ماعليه المهم اني ما اداوم بشكل يومي واكون حول اولادي وفقط احضر اخر شهر قبل الامتحانات
يوم قلت لزوجي انبسط مرررره قال موااافق كذا معقول
و3000 كل ترم بسيطة ان شاء الله

لكن انا ودي بالانتظام:42: لعدة اسباب اولا بصراحه ودي اطلع اغير جو البيت ارجع لجو الجامعه والبنات والمحاضرات <<< اااه يازينها من ايام
ثانيا ابي احضر الدروس واختبر واقدم نشاطات عشان اجمع درجات ما ابي اعتمد فقط عالاختبار النهائي واحتمال افشل وما اقدر انجح واضحك الناس علي واللي الحين كلهم يتحدون نجاحي :(
ومشكلة الانتساب بعد انه لايمكن تحولين انتظام

والله مااادري مو عارفه كيف اتصرف انا من امس عند اهلي واليوم المفروض اروح الجامعه اسحب ملفي من مكة عشان اسجل بالطايف لكن ماارررحت خااايفه وقلقانه ومترددة ولانمت من امس بس افكررررر

اعطوني خبرتكم ونصايحكم انا بين نارين نار الاطفال ونار اكمال تعليمي

ياااااااااااااااااارب ساااعدني يااااااااااااارررررررررررب:44:



103
15K

هذا الموضوع مغلق.

رذاذالأمل
رذاذالأمل •
كملي انتساب انسب حل لجميع الاطراف

واهم طرف جدتك الله يطول بعمرها
آنين الغربه
آنين الغربه •
الدراسه عن بعد حلوه ومن صالح جميع الاطراف والنتيجه حصولك على العلم و الشهاده وانت بين اولادك
ساره الحبوبه
ساره الحبوبه •
استخيييري اكثر من مررره ...وشوفي الامور كيف تسهل
بطريقك +الاستغفار الله العالم بالي فيه خير لك بيسهله لك ...
اهلكتني الذنوب
اهلكتني الذنوب •
ليش ماترجعين لنفس جامعتك اعملي اعاده قيد وبترجعين وبكذا تكونين ماضيعتي من عمرك شئ واذا تبين جامعة الطائف بعد ماترجعين لجامعتك اعملي اوراق تحويل لجامعة الطائف وش رايك ؟
شرقاويه توب
شرقاويه توب •
استغفر الله

صلى الله عليه وسلم

لاحول ولا قوه الا بالله

سبحاان الله وبحمده سبحان ربي العظيم


نفس شعوري