امس شرينا اغراضنا من هايبر بندة ومو كاملة شريت اشياء بسيطة طلعت ب630 من غير الخضار واللحم والمنظفات انا انصدمت من السعر مررا كثير

احنا مره بالايام العاديه تقضينا اكل طلع الحساب 800
اجل شلون برمضاان والاسعار غاليه الله يعييين
واللحم كل سنه عندنا زحمه ع الذبايح

الله يبلغكم الشهر غير فاقدين ولامفقودين يارب
مقاضينا كلفت 1000 ريال ..لاننا عيله وتجينا زيارات من عيلة اختي واصدقاء اخواني
يعني على بعضهم 20 او 28 نفر ...وماعندنا شغاله وثلاث بنات..
بس ..ويادوب شرينا الي يكفي لنصف الشهر هذا غير الذبيحه..تم ذبحها اليوم وتقطيعها
وفرزنتها...ويارب تقبل منا واجعلنا شاكرين حامدين لك .. :)

اكيد قضيتي اغراض نظافه مع الاكل لانها تهلك غاااليه

وبعدين كان رحتي جبتي مقاضي وفرحتي نفسك واطفالك بس من كل شي حبه وادا خلصت اطلبي البقاله ادا توصل او روحي مره ثانيه وجيبي

يعني لا تاخدين كميه

اليوم وحده تقضي تفاجئت منها اخدت كرتون فميتو وكرتون سنكوك وربي لو يتروشون فيه
زوجها عصب عليها وهزئها وهي تقول لنا ولزمن مدري وش الزمن

بعض الحريم مسرفاااااات ولا همها اهم شي تقضي ماتخاف من الله في الشي تشتريه واخر شي ينرمي وانتهى صلاحيته ماخلصته

لازم نراعي الفروقات بين العوايل
انا ممكن اقول تقضيت بألف وتكون مناسبة لعددنا ووحدة تقضت بألف بس كثيرة عليهم ووحدة عددهم اكبر فتعتبر الالف اقتصادية
فيه عوايل كبيرة لازم يشترون بالكرتون بالعكس اوفر لهم
وفيه ناس دايم عزايم
السالفه مو ان رمضان للاكل بس فعلاً الاحتياجات تفرق
انا زوجي عنده دوام بعد الفطور يحب ياخذ معه من اللي اسويه للعمل وطبعاً بعمل حساب زملاه يومياً
واذا راح للاستراحه ما احب يروح ويده فاضيه
انا طابخه طابخه ازيد شوي وارسل للجيران واعطي زوجي لزملاه والحمدلله ربي يطرح فيه البركه