بكى -وقال سامحيني .........!!!

السلام عليكم
حبيت اكتب معاناتي واتمنى يكون الرد عليها واقعي
تزوجت وعمري 20 شاب من اقارب ابوي كان اجمل مني وبعد الزواج حبيته بجنون وكنت اتوقع انه يحبني لانه كان محترم معي ويعاملني بحب وشوق كبير لكن بعد فترة صارحني انه ماكان يريدني وان اهله جبروه طبعا انصدمت كيف رجال اهله يجبرونه على الزواج طبعا خلال هذه الفترة جبت طفلين واستمرت الحياة 7سنين مع أني متأكده انه يجبر نفسه على حياته معي عشان ما احد رضي يزوجه وكنت ابذل قصارى جهدي عشان ارضية اوقات يقولي صحيح انا ما احبك او ما قدرت احبك لكن لك معزة خاصة بقلبي وماراح الاقي مثلك. انا مليت وقلت له يانعيش صح اوكل واحد بروح في حاله (اصعب شئ تحبين احد ما يحبك وتعيشين مع انسان ما يبيك)لكن كان يرفض حتى جاء الوقت اللي لقى وحدة وافقت تتزوجه بدأ يتغير كثييييييييييييييير
قي اجازة الصيف رحت زيارة لأهلي وقبل ما اروح كان تعبان ولما شاف اهتمامي به (بكى ) وقال لي اذا صار بيننا شئ سامحيني تراه غصب عني
رحت وبعد شهر وصلتني ورقة طلاقي طبعا تقبلت الامر بصدر رحب لاني كنت متوقعه انه بيصير بعده سمعت خبر زواجه وكان بيننا اتصالات من اجل الاطفال فأهديت له مبلغ من المال هدية زواجه بعدها كلمني يشكرني(مازلت في العدة ويحل لي ان اكلمه)ويقول والله اني بكيت لاني طلبت ناس يسلفوني ورفضوا وانتي اعطيتي بدون طلب وقال انه ندمان وانه ما عرف قيمتي الا بعد الفراق ووعدني بان نرجع لبعض في اقرب وقت
.....................................................لي الان اكثر من 6 سنين ولا حس ولاخبر مرة ارسل لي سلام مع اطفالي وهم راجعين من عنده كلمت شيخ عشان يتوسط للصلح عشان الاطفال ارحمهم وقلبي يتقطع عليهم حتى بعد ماكبروا ولكنه رد بقوله انا مرتاح مع زوجتي وما يبغى يظلمني معه هذه الكلمة دايم كان يقولها لي المشكلة اني صرت اكره كل الرجال وماعاد اثق في كلامهم تزوجت بعده مرة بس ما كملت شهر وطلبت الطلاق
احس ان ابو اطفالي يوم من الايام بيرجعلي ودايما ادعي في صلاتي الله يجمع شملنا