بكيت بسبب الصورة

السلام
توفي ولد عمي الغالي قبل اسبوع بعد معاناة مع مرضه استمر سنة
سبحان الله هذي سنة الحياة والواحد مايدري ايش مخبية له
قبل شهر زوج اخت زوجي والاسبوع لي طاف ولد عمي بنفس المرض
الرجال هذا خدوم جدا ومفضل على الكل ويده ممدودة للجميع وصاحب همة حتى مرضه طنشه وكمل حياته عادي لكن ب اخر يوم رجع من عمله تعب جدا واخذوه للمستشفى ومات بنفس الليلة
يشهد الله انصدمت كثير طول الليل قاعدة متجمدة اقول يعني نفقد احبابنا لمتى وفاة تلحقها وفاة لكن هذي سنة الحباة وهذا قدر الله والله يعينا يوم نصير مثلهم
انا للأمانة مابكيت تميت حزينة جدا من داخلي حاولت ابكي عشان ارتاح ماقدرت
ثاني يوم كلمت اخوي بعد الدفن واتس اب وقلت له يافلان عندك فيديو او صور للجنازة رسلي هو رسل فيديو من برا المقبرة لكن رسل لي صورة هي سبب انهياري
مصوره وهو ميت لافينه بالكفن جسمه مستور بس وجهه واضح كانو لسا بيكملون تكفينه انا يوم شفت الصورة وهو ميت صرت ابكي منهارة حتى امي تقولي ايش مارضيت اعطيها الصورة صممت واخذتها شافتها صارت تبكي بقوة عليه
والله العظيم دموعي تنزل تنزل حتى وانا اصلي ابكي بس من ورا هذي الصورة الاليمة مدري ايش تحرك داخلي
انا هزئت اخوي قلت هذا ميت وله حرمة ليه صورته قالي نسيتي اخوه بوفلان بمكة وماقدر يجي عنده مية ظرف وتأخر واخوه الثاني مبتعث مالحق يجي قاله اخوي افتح لك ايمو تودعه رفض قاله مارح اقدر اشوفه قام صورلهم الصورة وارسلها اخوه يقوله والله شفت الصورة وانا بالمترو صرت ابكي بين الخلق والناس تجمعت علي من كثر مابكيت
حتى زوجي هزئه قاله حمار انت حمار والله لو كنت موجود لا امسح بلحيتك هذي الارض ياعديم الاحساس بس الرجال يقول شفيكم علي خليتها ذكرى هذا غالي علي انا شفته زعلان قلت خلاص حصل لي حصل بس امسحها من جوالك وانا مسحتها بس موراضية تروح من بالي هي سبب بكائي المرير يوم شفته كذا والله ماقادرة اوصف شعوري

لي بتكذبني ومتحططة علي خليكم برا ما اشوفكم حتى بالموت بتجون تنكدون موضوعي