بكيييت وبكيييت لما عيوني تشققت

اخواتي جزاكم الله خير هذا الموضوع مايخصني الموضوع يخص عضوة هنا بالمنتدى الله يستر علينا وعليها ويفرج همنا وهمها ارجو انكم تفيدوها بنصايحكم....
تقول:
بنات انا في هم وحالة مابيعلم فيها غير الله ادعولي بالله عليكم واشيروا عليا بنصايحكم انا يابنات من يوم تزوجت عمري ماشفت الاهتمام من زوجي ولا حتى يعطيني فرصة اجلس معاه بس جنس قليل وبين فترات متباعدة كمان هو طول وقتو برا البيت ولو جا البيت سااااكت ومايطالعني بعيونه كنت احسب انه بداية الزواج كذا والمستقبل مع الايام حيتغير لكن للاسف اكتشفت خياناته لي وينكر ويحلف بالله انه مو ناقصني شي وحاولت اعدل من نفسي وشكلي واهتم ولكن مافي تغيير زاد همي مع الاولاد والفجوة بيني وبين زوجي كبررررررت اكثر واكثررر انا كنت حريصة عللى هذا الزواج من زمان وكنت اهتم بكل شي لكن هو كان مو فارقة معاه احسو مو مرتاح وياما كلمتو وياما اترجيتو يقولي السبب الي يخليه كذا بارد ومو مهتم لمشاعري ابدا انا لي معاه 9 سنين و3 اولاد وربي هو مو مقصر ماديا عليا ولا على اولاده لكن احسو عايف شكلي ومو حاسس اني انثى قدامه قد ما اسويلو حتى تعلمت الرقص الشرقي عشان ادلعه وامنعه عن الحرام بس احسو حتى الكلام الطيب مايقوله لي احسو مايحبني ومايطيقني ويتمنى بعدي كمن اول ماتزوجني ماقلي كلمة احبك ولا اعطاني فرصة احببو فيا ولا يبغا مني حاجه حتى مايطلب بالبيت حاجه مني يروح هو ساكت يسويها بنفسه انا ماعرفه ايش يحب وايش يكره لانه مايجلس بالبيت نهائيا حتقولوا كيف صبرتي وماحتصدقوني انا والله صبرت عشان احبه وكنت دايما اصدق اعذاره انه عنده شغل وانا اعرف بقرارة نفسي انه مو مشغول بس يطلع لانه مو طاقيني.. اااه ياقلبي وربي يعورني الله يفرجها عليابنات انا من اول الايام لاحظتو يوديني عند اهلي ةويرجع البيت يقعد فيه واحسوا ينبسط لما اروح عند اهلي مايشتاق لي ولا يبغا ريحتي مدري ليييش ؟؟انا مهتمه بنفسي ولكن بعد الولادة تغير جسمي واهملت شوية من الاهتمام بزوجي انشغلت بالاولاد وبعدت عنه شويه وهو ماساال ولا عاتب ولا دور زي الي ماصدق بانشغالي وسار مايجي الا وجه الفجر وحتى الوجبات بالاكل ماياكل وقبل اسبوعين اكتشفت انه عنده وحده ××× وشفت صورتها طلعت احلى مني وزعلت منه وهو حاول يراضيني بنات قريت محادثاته لها تقهررررر الزوج الساكت ذاك تحول معاها لرجل عاشق كل الاهتمام الي نفسي فيه اعطاها واكثر ...
انا يابنات مو جميلة و لا فيا جمال يبهر انا قصيرة وعادية ولكن مع المكياج اصير حلوة وجسمي مليان لكن بدون بروز انثوي يعني مافي صدر كبير ولا مؤخرة بارزة بس خفيف مرره ولكن مع الرقص الشرقي صار احلى ونحف الخصر وانشد جسمي الحمدلله امي واخواتي وكل صديقاتي دايما يمدحوني باخلاقي ولاحظوا التغيير في شكلي الا زوجي للاسف مو عاجبو شي فيا ...
قبل يومين فتحت جواله وقريت محادثته مع اخته وانصدمت تخيلوا يقولها عني كلاااام وربي مصدومه ومنهاااارة جدا جدا تخيلوا يقولها انا من يوم ماتزوجنها مو مرتاح معاها وكاسرة خاطري وقالتلو ليش ماصارحتها من البداية قبل ماتخلف منك قلها كنت ابغاها تحس ابغاها تفهم ابغاها تجي منها ما ابغا منها شي واخته قالتله ايش ناوي تتزوج ؟ راح قلها هذا الي بيحصل ان شاء الله
ليش يابناااات الدنيا كذا ليييييش لازم الجمال انا ما ابغا منه غير حب ايش الحل انا المس الليل صارحتو اني قريت كلامه مع اخته وهو كان باااارد معاية وساااكت وسابني ابكي وراح نام وانا ماجاني النوم ادعولي بنات اسفه كلامي ملخبط معليش سامحوني