السلام عليكم ورحمة الله وبركاته
طبعا هذي اول مشاركه لي في هذا القسم بس حبيت افيدكم زي ما افدتوني الله يجزاكم كل خير .
اليوم جايبتلكم الاكتشاف الصاعقه لتنظيف حواف السيراميك ( الروبه او الترويبه ):32:
اكيد كلنا مزعجتنا هذي الحواف ونتمنى انها تكون بيضاء على طول ، طبعا انا من الناس الي جربو خلطات كتير وكلها تاخذ جهد و وقت وفي النهايه النتيجه مش مرضيه واصير:angry2:.
الين مادلتني مامتي الله يعطيها العافيه على هذا المنتج العجيب والصراحه نتائجه وااااو بقوه وراح اثبتلكم بالصور .
اما بالنسبه لطريقة استخدامه فهي كالتالي :
ضعي في كوب الكميه الكافيه للمساحه المراد تنظيفها واغمري فرشاة الاسنان بالمنظف وابدئي في فرك الحواف الى ان تنتهي من كل المساحه ، ثم امسحي السيراميك بفوطه واشطفيه بماء وصابون بفرشه خشنه مثل الي ننظفبها الحمام (اكرمكم الله) حتى تتاكدي من زوال كل الاوساخ ، بعد ذالك امسحي السيراميك بالمطهر كالمعتاد وشوفي كيف السيراميك راح يضوي ضوي .
والجميل في هذا المنظف انه يدوم لمده طويله يعني انا بانظفبه من رمضان لرمضان يدوب تكن الحواف بتسود .
اما بالنسبه لاماكن بيعه :
فاتوقع انه ماينباع الا في محلات بيع السيراميك ويسموه منظف السيراميك لاني مابحثت عنه في اي مكان اخر .
تحذييييير مهم جدا :
هذا المنظف لا يستخدم على الرخام ابدا لانه يودي الى تاكل الرخام .
وهذي صورة المملوح ههههه
بس سوري الورقه مقطوعه وامكن اسمه يختلف من شركه لشركه لاني ماقد انتبهت لاسمه على طول اسميه منظف السيراميك.
وهذا من الخلف
وهذي النتيجه الفتاكه :32:
لاتنسوني ووالدي وزوجي وذريتي من خالص دعائكم