بلايز للجامعه انيقه ..

بنات الله يعافيكم ..

رحت هاليومين مركز المملكه ومركز خريص بلازا لاني ادور بلايز للجامعه

اول شي دخلت خريص بلازا لانه قريب لي طبعا شين ماعندهم شي ومحلاته قليله جدا وماعجبني شي

تعرفون الجامعه لازم كم طويل وانا طبعي ما احب اللي يجي قماشها قطن ابدا ماتعجبني

احب اي قماش ثاني غير القطن لان القطن مايعطي فخامه ..

ورحت اليوم للمملكه ودخلت محلات الماركات العالميه بربري وديور وغيرها

وعجبتني بعض البلايز لكنها غااااليه موت على الف ونص وانا الميزانيه رايحه وطي هالايام

وصراحه استخسر اشتري بهالسعر ملابس

لو شنطه او جزمه ممكن لكن ملابس لا

لان الشنطه والجزمه عادي اكررها واحلل قيمتها

لكن اللبس مايصلح دايم معلقه عليه كني بنت فقر وغير كذا تروح موضتها بسرعه

ودخلت الماركات العاديه مثل نكست وجنيفر وزارا وبيرشكا وبرضو ماعجبني شي

وافكر اروح هاليومين صحارى او حياة مول لان محلاتها اكثر واسعارها معروفه وناويه اخذ لي كم بلوزه للشهرين الجايات

وبعد ابغى الاكمام الملونه اللي تنباع لحالها اباخذ منها لونين اسود وابيض عشان تريحني

ابسالكم وين تنباع هالاكمام دورت عند بيرشكا مالقيت

وبعد اللي راحت هالايام للسوق وشافت بلايز حلوه وسعرها مايتعدى 250 تدلني عليها

لاني محدده هالقيمه اقصى حد

ومخليه الغالي للعزايم والاجتماعات اما الجامعه يخب عليها اي شي !!

وتفتكرون القى شي حلو في سنتر بوينت ؟؟

يالله شدوا همتكم وكل وحده تطلع مافي جعبتها ..

واللي زارت السوق هاليومين تدلي بدلوها !!