السلام عليكم ..
بصراحه انا استفدت منكم كثير في هالمنتدى الجميل سواء هالقسم او باقي الاقسام
وصرت ماأقدر استغني عنه ومااعتبركم الا اخوات لي ..
ومن حبي لكم بعلمكم بخلطه رائعه بمعنى الكلمه متأكده باذن الله كلكم بتستفيدون منها
ومكوناتها سهله جدا ومتوفره وتدوم عندك شهر في احلى من كذا !!!!
فوائدها :
تفتيح البشره
نضاره بشكل ملحووووووظ جدا
نعومه
تشيل الحبوب سواء البثور الصغيره او حب الشباب
تحسسك بالنظافه وان البشره تتنفس
المكونات والطريقه :
نص علبة زبادي
ملعقتين حليب بودره
ملعقة مره مطحونه
ملعقة عسل
تاخذين الزبادي في علبتها فقط نص الكميه النص الثاني اكليه او استفيدي منه بأي طريقه
بس لاترمينه ، وتضيفين له باقي المكونات في نفس علبة الزبادي وتخلطينها وتقدرين تغطينها بقصدير
وتحتفظين فيها بالثلاجه وبتكفيك ان شاء الله لمدة شهر ، تحطين منه يوميا او يوم بعد يوم
انا استعمله يوميا لمدة نص ساعه على بشرتك ثم تغسلينه .
تجربتي معه :
اولا تكفون قولوا ماشاء الله لاقوة الا بالله
ماصدقت بشرتي تتسنع وبصراحه اخاف انتكس هههههههههههههههههه
المهم بشرتي كانت باااااااهته فيها بثور صغيره منتشره كثير وفيها شوي حب شباب
والله وصلت لمرحله استحي اقابل احد الا احط بيبي كريم وبودره عشان يغطي على عيوب بشرتي
تقهر اذا وقفت قدام المرايه وناظرتها ودي ابكي راجعت دكتوره الناس زحمه عليها ولها سمعه ولا استفدت الا بالكثير 20 بالميه على كثر ماصرفت عالكريمات والعلاجات والنتيجه لاتذكر واول ماوقفت العلاج
اللي استمر شهور رجعت بشرتي على ماكانت عليه
بس بعد هالماسك ماشاء الله لاقوة الا بالله خفت الحبوب تقريبا بنسبة 70 بالميه ماشاء الله
البثور الصغيره اختفت تماما
نضاااااااره ونظافه وانتعاش واضح في البشره الحمد لله
مدة استعمالي :
الى الان تقريبا شهر واسبوع
لو مااعتبركم اخوات مانصحتكم فيه ولاعلمتكم اصلا ههههههههههههههه
بس انا مريت بأيام اتمنى القى حل لمشكلتي واكيد فيه كثير مثلي
واكثر شي حمسني انه مايحتاج اخلط كل يوم بس مره في الشهر ويبقى معي ماعندي الا احطه على بشرتي
في الختام
اتمنى دعوه صادقه من قلوبكم في ظهر الغيب لي
ان الله يرزقني بالزوج الصالح اللي يعوضني عن كل ماشفته وعانيته عاجلا غير اجل
همة عاليه @hm_aaalyh
عضوة
يلزم عليك تسجيل الدخول أولًا لكتابة تعليق.
رغد 2014
•
ماشاء الله..الله يحقق لك ماتتمني..ايش نوع بشرتك..انا بشرتي دهنيه وذابحتني المسامات الواسعه تنفع لها
شكرا الله يسعدك و يرزقك بزوج صالح يعوضك عن كل شي
بس عندي سؤال ؟ عادي استخدمها للظهر عندي اثار حبوب بظهري و كتفي تعبتني كل ماتخف وأشيل الشعر تطلع حبوب و ارجع ادور حل للاثار :(
بس عندي سؤال ؟ عادي استخدمها للظهر عندي اثار حبوب بظهري و كتفي تعبتني كل ماتخف وأشيل الشعر تطلع حبوب و ارجع ادور حل للاثار :(
الصفحة الأخيرة
ان شاءالله اجربها
الله يعطيكي العافيه