السلام عليكم ورحمة الله
هذا اول موضوع ليا في هذا القسم
ولو شفت تفاعلكم وعجبتكم الوصفة حنزل اشياء ثانية حلوة ولذيذة>>>خلصينا
الموهيم ياحبيباتي اليوم اشتهيت بيتزا وانا من عشاق دومينوز
وبما انو اليوم 24 في الشهر يعني قبل الراتب بيوم اختصرت الموضوع على نفسي وسويت البيتزا بنفسي
لانو الحبيب بيقولي خليها بكرة!!!!
ودخلت المطبخ واستعنت بالله..
اولا عجنت العجينه طبعا كل وحدة تسوي العجينه اللي تعجبها
انا عجينتي معتمدتها من زمان اللي هيا
كاس مويه دافيه +خميرة فورية
نخلطها مع بعض وتتخمر 10 دقايق
بعدين نحط 1/4 كاس زيت
ذرة ملح
شوية سكر
ونخلطها مع بعض ثم نضيف 3 كاسات دقيق كويتي بالتدريج
واعجنيها تمام
وعندي طريقة حلوة للعجن اذاكنتي معصبة حطي العجينه في كيس نايلون
واهبديها واضربيها في على الدولاب لين تقول بس
بكذا تكوني طلعتي كل الشحنات السالبة وبنفس الوقت عجنتي مزبوووووووووط
بعد كذا سيبيها تتخمر بس لاتطول
وجهزي الصوص وهو:
معجون طماطم
كاتشب
فلفل اسود مطحون
اوريغانو او زعتر
قلبيها مع بعض عالنار 5 دقايق او اقل
الحشوة:
لحم مفروم+ملح+بهارات+فلفل اسود
وسويها كور صغيرة
الخضار:
بصل جوانح رفيعة
فلفل رومي مربعات صغيرة
مشروم
زيتون شرايح
الجبنة:
سايلة
موزاريلا
بعد مانجهز الالصوص والحشوة على طول افري العجينه لانها حتنتفخ بسرعة
واحشي اطرافها بالجبنه السايلة
وبعدين ادهنيها بالصوص وحطي كرات اللحم ثم الخضار ثم جبن الموزاريلا ورشيها بالوريغانو
واخيرا ادهني اطرافها بصفار البيض
ودخليها الفرن من تحت ولمن تستوي ولعي من فوق عشان تسيح الجبنة وعليكم بالعافية
وهذا شكلها اول ما طلعتها من الفرن
IMG00572-20101101-2120
وهذه القطعه لاول وحدة ترد
IMG00573-20101101-2124
جربوها يا بنات مرة روعه
استنى ردودكم واللي مافيها حيل تكتب ولامستعجلة تكفيني كلمة شكرا
اغلى لمار @aghl_lmar
محررة
يلزم عليك تسجيل الدخول أولًا لكتابة تعليق.
الصفحة الأخيرة
شكلهآآ لزيزهـ ويكفي انها من طبخ البيت أحلى من المطآآعم
يعطيك العآآآفيه وان شا الله دووم نشووف ابدآآعآآتك المطبخيه
شهيتنآ ع هالفجريه هههههه
=)