اللقيمات الصراحة كل راس مالها عجينة لكن دايم السر فيها
يكم بحرارة الزيت اللي تقلين به
وبتلقيمك
وبتقليبها المستمر
واهم طبعا الشيـــــــــــــــــــــــــرة
اما اسراري باذكرها تحت
المقادير:
3 ك دقيق
1ونص م ك خميرة <<اذا كنت مستعجله ولا ملعقه وحده كفاية
3 م ك نيدو
1 م ك نشا او كاسترد
زعفران ريحه <<كذا اسمه اكيد تعرفونه
2 م ك حبة سودا
1 م ص ملح
رشة جوزة الطيب
الموية بالتقريب 2 ونص ك بالكثير 3 اكواب ولازم تكون دافيه
تعجينهم مع بعض والمويه بالتدريج
حتى تصير عجينتك لينه مو سايله اقسى من عجينة الكيك
وغير كذا تحسينها كنها مطاط
يعني لمن تشيلين منها بيدك تحسين ان مجموعه تتجمع مع اللي بيدك<<لاعاد تشرحين ههههه
اتركيها ساعه ونص فقط لين تتضاعف وتخمر
تقومين تعجنينها مرة ثانية وتشغلين النار عالزيت
انتبهي لا يكون حاااااااار
الزيت الحار يلينها وممكن تتفقع عليك
ولا تخلينه دافي تشرب زيت
اهم خطوة
انها لمن تطيح بالزيت لو تعدين لين 4 تلقين الحبة طلعت تطفو<<ياولد بس عاللغه
التلقيم انا استخدم ملعقة شاي او حلى واحط كاس شاي مليان زيت واغمس الملعقه بعد كل حبة
عشان ما يطلع لها قرون ويدين
تصير كورة ومرتبه
اللقيمات من الحين اقولكم ما تضبطينها من اول مرة
صعبه حبتين
معليه بتطلع معك بطات واسود وفيله
بس بعدين خلاص تضبطينها
الصراحة هذي الطريقة المعتمده والمطلوبة
ولا سبق جربت اي طريقة ثانية
ودي اجرب اللي بالبطاطس المهروسة واللي بالزبادي
بس الصراحة لاجيت اعجن اقول لالالالالا خليك على قردك لايجيك اللي اقرد منه هههههههههههههههههه
وفي الحقيقة ودي امدح شيرتي بس متفشله منكم خخخخخخخخخ
بس اللي بقوله
جربوها وانتو الحكم اوكيز :icon28:
وهذي طريقتي
http://forum.hawaaworld.com/showthread.php?t=1380350
بالعافية مقدما ياعسولات
انا بقى يكمن سري في التالي
النشا<<يقرمشها
اول ماتنقلى تطلع من الزيت مباشرة على الشيرة بسرعه وعلى طول عالطبق لا تنقع بالشيرة ولا تصفينها من الزيت
ان شاء الله نجربها