بلا حبوب وخرابيط كم نصيحه ومعلومه لتخفيف الوزن من واقع تجربه

السلام عليكم ..

مو فنانه بالمقدمات لكن نصايح من ذهب استفدت منها ودحين ابغاكم تشاركوني هيا لتخفيف الوزن


اول شي انتي متينه او مليانه او رويانه او توجد ترهلات بجسمك تبغي تشيليها الحل :

1- المشي السريع يوميا من 20 الى 30 دقيقه سواء عالسير او بالممشى + النقز بالحبل لمدة 5 دقائق يوميا مع يوم راحه . .
2- تقسيم الأكل على 5 وجبات صغيره افضل من وجبتين او ثلاثه كبيره .." بعض الوجبات لازم تكون فواكهه "
3- اكل الارز مره وحده اسبوعيا ..
4- اجتناب المشروبات الغازيه والامتناع عن اكل الحلويات لان فيها نسبه سكر عاليه جدا ..
5- استبدال الخبز الابيض بالخبز الاسمر " الحب "
6- شرب المويا عالريق اول ماتصحي الصباح ..
7- عدم اكل من المطاعم التي توفر الجنك فود والي هي مثل ماكدونالز وكنتاكي والخرابيط هذي لانها بلاوي تترسب بالارداف ..
8- استخدام فيتامين زيت السمك واشوف افضل نوع الي غطاه احمر Seven seas راح يساعد على حرق الدهون
9- تقليل كمية السكر في الشاهي واستبدال السكر الابيض بالسكر الطبيعي ..

هذي اغلب النصائح الي في بالي الان وان شاء الله راح افيدكم أول بأول ..

ولاحد يستهون فيها الي يبغى نتيجه يجربها وماراح يندم ..

والله يوفقكم يارب ..