بلا خلطااااات بلا زيووووت

هلا خواااااااتي
كيف حالكم إن شاء الله بخير

بدخل في الموضوع على طول أنا من يوم عرفت المنتدى وأنا كل ما أقرأ عن زيت أو أسمع عن خلطة أروووح ركييييض للعطارين وما غير أخسر فلوووسي على الفاضي
حتى لو استخدمت خلطة ونتيجتها طلعت حلوة مرة مرتين بعدين أحس شعري يتعود عليها ويرجع كسابق عهده

والله إني تعقدت حتى الفاشكووول يضبط بالأول وبعدين يبطل مفعووووله

بس الله يجزاها خير الأخت اللي قالت مرة أنها تستخدم نوع من حمامات الزيت والله إني مو ذاكرة اسمها بس أدعي لها من كل قلبي بالتوفيق

بصراحة لما شريته ترددت أحطه في شعري لأنه مو سائل مثل حمامات الزيت الثانية هو طالع جامد وأول ما تشوفيه تقولين هذا شلووون أحطه بشعري

بس عقب ما تاخذين شوية حاولي تذوبينها في شعرك شوي شوي وهي تذوووب بسرعة وتتركينها حوااالي خمس دقايق

أهو مكتوووب عليه ربع ساااعة بس أنا ما أصبر أحطه ربع ساعة وأنطر في الحماااام خصوصا الحين الجو ما شاء الله رووووعة مو خااايس أبدا

المهم بعد ما تغسلي شعرك بتحسين بنعووومة مو طبيعية والله العظيييم نعومة شييي
ولما تستشورييييه يعطيك لمعة غير شكل والشعر معاه ما ينفش حتى بهالجو الحلووو

طبعا اسم حمام الزيت هو بوناويل بالقمح وهو علبة صغيرو تنباع ب 13 ريااال بس
ولمن تحطينه في شعرك لا تحطين كمية كبيرة لأنه لمن يذوووب هو يصير واااجد في الشعر أنا خلصت علبة وبديت في الثانية ومستانسة عليه مررررة

جربووووه يا بنااات واللي ينفعها تدعي لي الله يحقق اللي في بالي لا تنسووون :)

بلا خلطات بلا زيوووت والله صار لي أكثر من أربعة شهووور على الخلطات والزيوووت وما استفدت غير الخنقة في صدري من شين الروااايح :(