بلا خلطات بلا زفت انقرفنا من الحلبه والماش-وداعا" للنحافه

علاج السمنة والنحافة

السلام عليكم..

شوفو بنات بدخل بالموضوع على طول هاذي تجربتي بين ايديكم..
انا قبل سنتين رحت لأخصائيه وعطتني موسيجور نومتني بالبدايه بس صرت اكل الاخضر واليابس ومع الموسيجور عطتني نظام غذائي كان الاسبوع الاول بسيط لان معدتي صغيره تخيلو وركزو معي الفطور خبزة تدهنيها زبده وبيض مقلي كنت لوتذبحين مااكلها كلها الاسبوع الثاني اليوم الاول نفس الشي خبزه كامله وربي اكلتها كلها وكان فيه اضافات زيتون وجبن المهم لخبطتكم شوي نرجع للأسبوع الاول سويلك نظام بشرط 6 وجبات باليوم مو ضروري تكون دسمات اهم شي سته يعني بعد ماتفطرين بنص ساعه او ساعه كولي فطيرة جبن وحليب فراوله مو شرط حليب فراوله بس كانت تكتبلي كذا انتي ورغبتك.....خوذي حبة موسيقور وبعد ساعتين تقريبا" تغدي رز ودجاج رز وسمك سلطات كريمه كراميل الجاهزه اودانيت بشوكلاته طعمه روووعه..
بعدها سولك فطاير العصر اطلبي من المطعم بيتزا اي شي حاولي تكون اشياء فيها خماير او حلا مع قهوه..قبل العشاء بساعه ساعتين اشربي عصير اكلي اي شي خفيف بعدين خوذي حبة موسيقور (يعني ياحلوين موسيقور مرتين باليوم) وتعشي مكرونية باشميل صينية بطاطس اي شي حاولي يكون ثقيل شوي وخليكم يوميا" كذا بس طبعا" نوعي نوعي نوعي لاتكررين الشي على طول راح تملين عاد احنا يالنحاف دلوعات شوي هع.....(ونصيحه يابنات كثرووو من البطاطس بأنواعه سواء مقلي حطو تحتها خطين او شيبس او مسلوق وربي كنت مدمنه على البطاطس المقلي وكبرت اردافي وانا قبل ميييييييح)

الموووهم فيه نقطه مهمه جدا" جدا" جدا" الأسبوع الأول بس اشتري من الصيدليه مشروب فيتامين ناسيه سعره هاذي صورته


أقسم بالله يابنات ويمكن ماراح تصدقوني انا وزني ميئوس منه كان 37 ماعمري سمنت غير كيلو ويطلع بالسنه مره تخيلو الاسبوع الاول بعد مااستخدمت اللي كتبته فوق زدت 2 كيلو حتى الدكتوره استغربت لاني اتبعت المكتوب بحذافيره .. هذا الاسبوع الاول نجي للأسبوع الثاني..

الاسبوع الثاني والثالث مستمرين بالحبوب مرتين باليوم نظام غذائي يتكون من ست وجبات ثلاثه رئيسيه وثلاث اضافيه..

الأسبووع الرابع-مستمرين بالنظام والحبوب بس ركزوو معي زين لأنو راح نتستخدم نظام الأنشوووور(أنشور هو حليب بودره تلاقينه عند اي صيدليه سعره 30 ريال) هاذي صورته



نظام الأنشور:استمري بالحبوب ونظامك زي ماهو لاتستخدمي نفس الطريقه المكتوبه لأنها راح تكون ثقيله مع النظام حطي بس اربع ملاعق واشربيه ثلاث مرات مع الفطور ومع الغدا ومع العشاء وطعمه جناااان يابنات لاتتدلعون ترى يجي ثلاث نكهات فانيليا-شوكلاته-فراوله.. لمدة اسبوع فقط..

الأسبوع اللي بعده مستمرين على الموسيقور والنظام الغذائي بس فيه حاجه جديده راح تستمرين عليها على طول
حبوب فيتامين معروووفه كثير وتحتوي على كل الفيتامينات ولاحد يتفلسف ويقول مضره لأن المستشفيات الكبرى يصرفونها اسم الحبوب سنتريوم سعره 10 ريال


معليش بحثت ومالقيت غير هالصوره..
استمري عليها وع الموسيجور والنظام الغذائي لما توصلين للوزن المطلوب وترى السمنه اللي تجي بالأكل والفيتامينات تكون طبيعيه وحلوه وبصعوبه ينزل وزنك انا زدت ثمانيه كيلو صار وزني45 وطولي 150 تقريبا" مناسب انا عجبني وزني كذا وتخيلو مانزل وزني الا بعد سنتين كان ينزل من فتره لفتره نزلت اربع كيلو والحين زاد كيلو ونص احس اني طبيعيه بتسألوني ليش نزلت مو من الحبوب طبعا" لأني تاركتهم من سنتين نزل وزني لأن مرت علي ظروف الله يبعدها عنكم وتعبت نفسيتي جلسة شهر مااكل زين والحين شهيتي مخبطه مره يمر علي اسبوع شغاله اكل ومره نووم
على فكره ترى لازم تعدلين نظامك انا مالخبط نظامي غير النوم ماعندي وقت معين كلش ملخبط..والله يابنات قبل كل شي اسويه ماازيد لو نص والحمدلله بعد مااستخدمت اللي ذكرت لكم زاد وزني وحسيت اني أنثى مو قبل حتى اللبس بايخ علي ..انا الحمدلله حاليا" مو محتاجه اكل الحبوب لاني معدتي توسعت بقوه بس بعدل نومي وباكل كثير وبرجع للفيتامين لأنه اساسيه للجسم..

وبس..صلى الله وبارك ماابي غير الدعاء منكم .. والله يسمنكم على خير..
33
14K

يلزم عليك تسجيل الدخول أولًا لكتابة تعليق.

تسجيل دخول

وهج الحائرة
وهج الحائرة
الله يعطيك العافيه
ŞŵεεŢ ŋŐŋŶ
ŞŵεεŢ ŋŐŋŶ
تسلمييييييييين يارووح ماقصررتي وبالعافيه عليك ماشاء الله تبارك الرحمن ..
تصدقين انا مافيه اخصائيه تغذيه تذكر الا واروح لها ونفس الشي يعطوني نظام غذائي بس مشكلتي النووووووووووووووووووووووووووم ومرررره مااستمر ع النظام :( وغير كذا النووم مايخليني اكل عارفه يعني اذا زدت وجباتي تكون فطور وعشاء ووبس عاد بعد العشاء اكل اي شي تساللي <<خخخخ اتسلى عليهم ووبس ,, ونظام نومي ماتوقع يتعدل لانه احس صار يمشي بدمي هالنظام من سنه وانا كذا ووزني الحين مثلك قبل 37 ولا نزل كيلوين هههههههههههه من النفسيه الحلوه ,, بس شجعتيني بااحاول <<كل يوم تقول هالكلمه ,,,الله يعين ويهون علي ويفرجها يارب ..
تحياتي لك :)
فراشه هادئه
فراشه هادئه
ماشاء الله
والله يتمم عليك السمنه بصحه وعافيه
عـروبه
عـروبه
ماشاء الله والله يتمم عليك السمنه بصحه وعافيه
ماشاء الله والله يتمم عليك السمنه بصحه وعافيه
والله حمستيني حييييل ياروح الأنوثه ..


ودي اسوي نظامك بس اخاف مايناسبني ..:(

ومالي خلق اروح مستشفيات ..مره رحت وتحسفت عطتني فاتح شهيه ..سدها الى الأبد بعد ولا عطتني نصايح ولا قالت لي شي ابد ابد
طيب حبيبتي انتِ شنو قلتِ للأخصائيه بالضبط ؟




.



.
أمل حياتي أنت
أمل حياتي أنت
من جد الله يعطيك آآلف عآآفية ويتمم سمنتك لللآبد وعقبالي يارب