بلا خلطات وزيوت ووجع راس الحل الأكيد لتساقط الشعر

السلام عليكم خواتي
أنا وبكل صراحة نسيت شيء زيت لتساقط الشعر أو
خلطة وداعا للتساقط وخذ يادعايه
السبب الرئيسي لتساقط الشعرله دخل في المعدة
نعم في المعدة
وصدقوني يابنات والله أني كنت أشتكي من تساقط
شعري لدرجة أني أسحبه سحب وحدة ورى الثانية
ولاتركت شامبو ولا زيت ماجربته
ولاياعيني على الخلطات ياعيني
مايمر يومين إلا مجربه خلطة فوق رأسي
كأني عجوز مهذريه بالزواج:30:
أهم شيء ذاك اليوم قالت أمي
أنها بتروح للمداوية أم............
قلت يمه معك ترى معدتي مدري مرراتي زاد وجعها
ورحنا للمداويه يوم جاء دوري
وسوت الحرمه كشف على بطني قالت
أنتي معك جرثومة المعدة (القولون)
وعطتني العلاج
وقبل لاتروح ناديتها قلت لها تكفين
ماعندك علاج يوقف تساقط الشعر(وحده مانست همها)
قالت انتي تساقط شعرك من معدتك إذا طابت طاب شعرك
أنا ماصدقت هالكلام ونسيته
أستخدمت هالعلاج وهو عسل مخلط وكان مدتة شهر,
والله يالبنات
أن شعري بعدها صار بينه وبين التساقط خلاف مايطيقون بعض
وزين إذا نزل شعره أو ثنتين:32:
حكمه:
(عالجي داخلك بعدين فكرى في الي بره)
أسفه إذا طولت عليكم وآمل أن الفائدة وصلت