بلا رجيم بلا تجويع> تجمع> للراغبات فالوزن المثالي والجسم الخيال بالتخفيف والغذا الصحي

بسم الله الرحمن الرحيم
يالله الغاليات الي ودها تخفف فالاكل وتضعف بطريقه صحية بدون ريجيم صاروخي ولارجيم كيميائي ولاحبوب ولا اعشاب تخسيس.....

تسمي بسم الله وتتوكل على الله وتبدأ مع بداية شهر مارس رجيم التخفيف...:26:

الهدف من التخفيف :
- بنصغر المعدة وبناكل أقل من الكمية الي ناكلها حاليا
- بنبتعد بالتدريج عن الاكلات الي نحبها ومانستغنى عنها (مب حرمان على طول )
- طبعا كلنا انعرف انه( قمة التعذيب) نسوي رجيم قاسي ونعاني والي حوالينا يضربون بالخمس وياكلون كل مالذ وطاب ونحن حارمين نفسنا وناكل خيار وطماط بس:hahaha:
- بعد مانوصل للوزن المطلوب صعب الوزن يزيد ...
- مابنضر نفسنا ولابيتساقط شعرنا....
- بنملك الجسم الخيالي واللياقة والصحة البدنية وهذا كله بيأثر على النفسية....

النتائج :
مجربة ومضمونة واعرف وايد اتبعن رجيم التخفيف
وشفت بعيني النتايج الباهرة ...سواء من بنات ماعرسن
او من معرسات ووالدات ...



الأساسيات :
شرب لترين ماي ( الي مب متعودة تشرب بالتدريج )
أكل بين الوجبات تفاحتين أو تفاحة وحدة فاليوم أو سلطة فواكة
أو عصير برتقال أو علبة زبادي ... قطعتين شابورة ...
شرب شاي اخضر او قهوة بدون سكر أو كوب حليب قليل الدسم

مثلا انا اليوم بديت رجيم التخفيف
كلت الصبح ساندويج بيض مكون من شرائح جبن كرافت قلبل الدسم
تاكلين الوجبات الثلاث وماتستغنين عنهن ....
خس فلفل اسود+ بيضة مسلوقة مقطعة عليها فلفل اسود شويه شطة ...
...كوب حليب قليل الدسم + تفاحة ....
طبعا ...كلي وانتي تمضغين الاكل ببطئ عشان المخ يعطيج شعور بالشبع

اذا اتحسين بعدج ماشبعتي اشرب كاس ماي (معلومة الماي اذا شربتيه بعد او قبل اوبين الاكل ماله مضار ولايسوي كرشة ولاشي طبيعي اذا البطن امتلاء ينتفخ حتى العصقوله ينتفخ بطنها حتى الطفل الصغير هذا شي طبيعي )

وممكن قبل الغداء تاكلين شابورة وتشربين شاي اخضر

الغداء ...
كلت مغرفتين عيش وخذت من صالونة الدياي الخضرة الموجودة
وكلت علبة روب وسلطة وشربت ماي ....

العصر...
شربت عصير برتقال وكلت تفاحة

العشاء...
كوب كبير جاي حليب
3 قطع شابورة
بعد ساعة ونص كلت علبة زبادي انا اخذ المرموم وايد حلوووطعمه مثل اللبنة
وبعد نص ساعة شربت شاهي اخضر
وطبعا اذا حسيت بيوع خفيف اشرب ماي
.........
بهالطريقة بنقدر انسيطر على نفسنا وناكل من اكل البيت
مثال لوعشاكم فالبيت معكرونة اولزانيا اواي شي
كلي بس اقل من الكمية المعتادة
البارحة عشانا عدس بالخضرة وخبز جباتي
انا شوسويت كلت سلطة وملة صغيرة عدس وخبز شابورة وعلبة زبادي المرموم .... وشربت ماي ....وبعد ربع ساعة شاي اخضر ...


المطلوب :
*عضوات يلتزمن برجيم التخفيف وكتابة كل شي كلتي طول اليوم عشان تلتزمين ونشجع بعض..
*وضع الوزن لحالي والوزن الي ترغبن الوصول اليه
عن نفسي وزني 67 وارغب اوصل 60
* قياس الوزن فالاسبوع مرة
* القيام بالتمارين الخفية او المشي مدة نص ساعة تقدرين اتزيدين التمارين والوقت المهم ماتستغنين عن الحركة ....عشان تحرقين السعرات الحرارية .....
* في يوم مفتوح ناكل مثلا اسكريم او دونت واحد او اي برجر او اي شي في خاطرج بس بدون ماتكثرين
وحي الله المشتركات اليداد وعقبال مانوصل للوزن المثالي
:26: