السلام عليكم خواتي وصباح ومسااء الخيراات
كيفكم ياقماري
يابنوتات وياحريمااات ....راح اكتب لكم عن اهتمامي بشعري بطريقه مبسطه ومافيها حويس كثير
وناااافعه جدا بس يبيلكم صبر والنتيجه بعد شهر ان شاء الله ومع الاستمرار شوفي شعرك
بعد سته شهور طول وحيويه ومافيه فراغات ماراح اقول غزير لاكن مايكون في شعرك
فراغات اذا استمريتي عليها صح نبدأ بسم الله
هي عباره عن خلطة السدر وخلطة الزبادي وشامبو فقط
اول شهر استخدمي خلطة السدر مرتين بالاسبوع وخلطة الزبادي مره بالاسبوع والشامبو ثلاث مرات
بالاسبوع
ملاحظه _ اللي تعاني من تساقط بكميه كبيره لازم تستخدم حبوب زنك او فيتامين خاص
للشعر انا استخدمت حبوب هيردال
خلطة السدر
موية مغلي البصل والثوم او تفرميهم وتاخذي مويتهم الاسهل عندك سويه
ملعقتين او ثلاث ملاعق سدر وملعقه زيت السمسم الاصلي من المعصره
نصف ملعقه صغيره عويدي مطحون
اعجنيهم وتكون خفيفه ووزعيها على شعرك وركزي على الجذور وسوي مساج ولفي شعرك وخليه ساعتين فقط
اغسليه بشامبو عادي وبلسم للشعر لانه السدر ينشف الشعر فلابد من البلسم
تكرريها مرتين بالاسبوع فقط
نجي لخلطة الزبادي
ثلاث ملاعق زبادي وصفار بيضه وحبه ليمونه وملعقه مايونيز وشوي زيت زيتون لاتكثري منه
ووزعيه من الجذور الى الاطراف مع عمل مساج لمدة عشر دقااائق
وخليه على شعرك من نصف ساعه الى ساعه واغسليه بشامبو عادي
نجي اللحين للشامبو الشامبو تستخدميه في اوقات ماتستخدمي فيها ولا خلطه على راسك وهي عباره عن
شوي شامبو وشوي سدر اخلطيهم واغسلي شعرك فيه وبعده بلسم
واذا نشفتي شعرك وهو رطب حطي عليه كريم بعد الاستحمام اللي يناسبك استخدميه
انااستخدم كريم لوريال(ELvivE )للشعر المجعد والجاف
قبل هالبرنامج شعر جاف قصير استشورته او ماستشورته كله واحد مافيه حيويه من غير التساقط
والصلعه من عند الغره
بعد هالبرنامج ماشاء الله تبارك الله تغير شعري كثييييير طول وحيويه وقل التساقط بنسبه كبيره
ملاحظه في بداية البرنامج اول شهر زي ماقلت بالاول عدد مرات الاستخدام واذا الحاله مستعصيه شهرين
وبعدها قللي مرات الاستخدام الخلطه مره بالاسبوع والزبادي كل اسبوعين مره
والشامبو مافيه مشكله خليه زي ماهو وشوفو النتيجه بعيونكم اهم شي الاستمرار والعزيمه
عال العال وفيتامين الشعر لحاله ماينفع لازم الاهتمام
واخيرا ابغى كل وحده يعجبها الموضوع بدعوة صادقه تدعي ربي يشفي ولدي
ويحفظه ويصلح عيالي
:27::27::27:
حياتي منوووووري @hyaty_mnooooory
محررة برونزية
يلزم عليك تسجيل الدخول أولًا لكتابة تعليق.
حواء راقية
•
اسال الله العظيم ان يشفي ولدك وجميع مرضى المسلمين ...برنامج حلو وسهل الله يعطيك العافية
الصفحة الأخيرة