reemaa @reemaa_1

عضوة

<<<<بلا عنوسه بلا خرابيط.>>>>

السلام عليكم ورحمة الله وبركاته

هلا بنات وش اخباركم انشاء الله مرتاحين اذا مرتاحين الحمدالله واذا مو مرتاحين بعد الحمدالله وانشاء الله ترتاحون

هذا الموضوع لكل وحده ما تبي تتزوج يعني مثلي انا مابي اتزوج
<-----ا بد ما تحب الكذب :02:

بنات ليه نخلي العنوسه سبب في التعاسه والدمار وضيقه الصدر كأنه شي كبير او كانه نهاية العالم للبنت ..وإذا ما تزوجنا وش صار يعني
واذا ربي ما رزقنا الشخص الي نتمناه وبعدين وش صار ما نقص مننا شي ابد الحمدالله كلنا بكامل قوانا العقليه مع اني بديت اشك بذالك هلايام
لاني بديت اعيش قصص غريبه انا البطله فيها واحيانا اكون انا البطل شاب حليوه واحيانا اكون انا المخرج ماعلينا
والحمدالله ما نقص من جسمنا ولا شي لا يد ولا رجل ..(بالله كل وحده تتاكد علشان بس تصدقون انه نظريتي صح)

<-----ايه يا انشتاين يا ريما

فا ليه موضوع العنوسه والزواج يكون كئيب وحزين تصدقون من اول ما اشوف عنوان الموضوع العنوسه قبل ما افتحه اروح اجيب كرتون كلينكس
علشان ابدا موال كل مره من بكاء والم ..... هاه شكلي ببدا من الحين

الحين يا بنات وش رايكم نقلب الموضوع ضحك من جد وكل وحده تقول لنا عن المواقف الي من تحت التحت تسويها بسبب تاخر الزواج وكم عمرها?
ادري سؤال محرج من ناحيه العمر بس عادي بنات محد بيعرفنا يعني خلونا نخربها
انا ببدا
انا عمري 16 سنه

<----- وش رايكم بس بالصراحه الي مثل كذا خلاص امزح مو 16 :44:

اوكي الحين الجد انا عمري 26
وكل ما اشوف نفسي بالمرايه اقول حسافتي ..ومضى عمري مضى
واذا لبست وتكشخت خرب المكياج من البكاء على شكلي وكشختي واروح العزيمه وانا في حاله من الشين واقول ليه ما تزوجت بعد
وياسلام اذا في العزيمه الي رحت لها عجوز او وحده عندها شباب على وجه زواج
عاد تطلع فيني انواع الذرابه والادب والخجل وما كان في المجلس الي هي ..اقوم اصبلها شاي وقهوه وحلى
ولو قالت لي روحي البقاله جيبيلي مكسرات رحت لو على سيكل
وفي الاخير ما اطلع بنتيجه وقبل ما تطلع من الباب ودي اني احط رجلي علشان تطيح وابرد حرتي الي كل شوي ناقزه لترمس الشاهي والقهوه والصبب لها

ومافيه زواج الا واروح له في الاخير قررت اني اشتغل طقاقه اريح لي
واذا رحت زواج (عرس) كاني ام العروس بس اترزز وارقص مصري خليجي ولو هندي عادي مافيه مشاكل
بس مافيه فايده بس اكون استفدت رياضه اكون نزلت كم كيلو في العرس من كثر الروحه والجيه

واذا احد اتصل على البيت في التلفون وقالو لي وين ابو فلان نبيه بسالفه يبون ابووي الله يطولي بعمره قلت بس هذا هو العريس المتظر وهذا ابوه مكلم ابوي يطلبني للزواج من ولده وابدا انواع الادب
ايه ابشر طال عمرك يا عمووو (ايه هين تقولين عمو)
واروح اركض على الكمبيوتر وعلى هلمنتديات ابد اجهز من الساعه الي دق فيها التلفون
واخر شي يبون سلف او يبون اشغال

واذا قعدت مع صديقات امي ويسولفون يقولون متى يا ريما تتزوجين اقولهم جيبولي عريس وانا اتزوج يقعدون يضحكون
يحسبوني امزح وانا اتكلم جد
يعني وشو انزل نداء والا طلب زواج علشان يقتنعون اني احكي جد

وألا وفي الاخير قررت انا الي بروح اخطب وش بيكون ردت فعل الشخص اذا قلت له ابي اتزوجك ليه ما تتزوجني اقل شي بينحرج وبقول له ايه السكوت علامه الرضا ويصير وقع الفاس بالراس

تصدقون عاد بنات فكرت اني اروح لخطابه بدون ما يعرفون اهلي واذا جاء خطاب بقعد ارفض
خلاص الحين مابي اتزوج ليه يتاخر
خلاص بطلت
<------- ايه قاعده تلعبين غميمه انتي ..بطلتي :55:
الحين ودي انخطب علشان بس ارفض وإلا اوافق علشان اروح شهر عسل بس

وفي الاخير بنات اقولكم لا تاخذون موضوع تاخر الزواج باكبر من حجمه الحمدالله على الي اختاره الله لنا:21:
والله يعوضنا افضل ان لم يكن بالدنيا فا بالاخره
والله يوفق كل متزوجه او مخطوبه
ويرزق كل وحده ما تزوجت

بناااات همتكم معانا ياليت الكل يشارك في الموضوع ولا تطنشووووووني تكفووون كل وحده تقول الي عندها خلونا نبتسم :time:
وحتى لو كان على موضوع مبكي

معليه يا جماعه اعذروني بس حبيت اغير جو المكان ما يصير كله ضيقت صدر:41:

ولحد يقول انه قد قرا الموضوع في موقع ثاني .. ترا انا الي كاتبته
يعني انا ونفس الاسم الي هناك سيم سيم:27:

10K

يلزم عليك تسجيل الدخول أولًا لكتابة تعليق.

تسجيل دخول

الـــ عديل ـــــروح • 20 سنة

كلامك زي العسل
ورايك هو الصح وفتحت المنتدى وقريت كلاممك خليتني مبتسمه على هصبح

صمت الجروح • 20 سنة

ههههههههههههههه الله يسعدك ياريموووووووووو ضحكتيني على قول المثل(هم يضحك وهم يبكي)
انا معك 100% كلام سليم.. وبعدين محد بياخذ غير نصيبة وأكثر من الي مكتوب له:26:

قلبٌ أدمته الجراح • 20 سنة

ههههههههههههههههههه

الله يسعدك ياشيخه على هالسوالف الحلووووووووووه << جازت لها هع هع

والله يرزقك بالزوج الصالح ويسخره لك...

أنا متزوجه منذو مبطي << ياحظك هع هع

وإن شاء الله يشاركون البنات بقصصهم الحلووووه ومشاعرهم

ماعندي شيئ أضيفه أكثر من كذا <<<أجل لو مادخلتي أحسن هع هع

نسائم الإيمان • 20 سنة

الله يسعدك ياريما .. ماشاء الله كل هالسوالف ومايهمك العرس .. اجل لو يهمك ومتقطعه عليه وش بتسويين :17:
امزح معاك لاتزعلين :23:

والله انا مرات تجيني حالتك اللي هي وش بيصير اذا ماتزوجت ؟؟ بموت يعني ؟؟
وبعدها والله والله تتغير نفسيتي 180 درجه ..

ولما اتذكر زميلاتي وقريباتي اذا انخطبوا وانا لسا أقفل علي غرفتي وهاااااااااااك ياصياح وبكى .. بس والله اني افرح لقريباتي كثيييييييير واتصل عليهم وابارك لهم كأنها فرحتي انا ..
مع ملاحظة ان كل قريباتي اكبر مني اللي انخطبوا <= اجل لو اصغر منك وش بتسويين :o

بس والله انك صادقة يمكن رب العالمين يدخر لنا هالأزواج في الجنه .. يالله ياكريم من فضلك :27:

بنت الحمولة 1425 • 20 سنة

ضحكتيني وانا مالي نفس اضحك والله
من هموم كلش زواج على وظيفة على خوف من زواج الاصغر مني
والله احيانا تجيني هالحالة لامبالاة على شوية احساس بلاده على شوية فرحة
احيانا تجيني حالة مستعصية اتصدقين احيانا افرح اني مابعد تزوجت:29:
واحيانا اخافمن العرس (هبله)

مع اني ادعي اتزوج قبل اخواتي
وحدة منهم تزوجت قبلي
يارببيييييييييييييييييييييييييييييييييييي متى اعرس
ياربي متى يزين حظي ذا
ياربي يسر امري وش هالحظ المقرود
ياخسارتي عمري 28
واذا جا خطيب اقول لالا لالالالالالا مابي:29:
واله هذي الحالة مدري ليه:29:
يمكن على بالي ضمنته ابي احس اني اتدلع :29:
الله يخلف على امي
والمشلكة مايمديني افرح الا وهو طاااااير
ذهب مع الريح
( ليه يادنيا كلم افرح تبكيني(
مرة قالتلي بنت خالتو ان شاء نفرح فيك ونحضرك زواجك عاد ياللهقلت ياليت زوجووووووووني مليت
والله طلعت من حر ماونس
ضحكت علي ضحك الله يفشل العدو

والله كن الرزق بيدي والله موبيدنا حتى الي اعرست رزق من الله موب هي الي رزقت نفسها يالله الحمدللهلله الحمدلله ماندري وش الخيرة فيه
قولو امين
يارب الحين يتمم لي ولكم ولايعسر امورنا ونتزوج بأه ويقي العدل ونلبس الطرحة ويزفونا ياااااااي بجنب الي يستاهلنا
خلوني احلم شوي ودي اروح انام:06: