بلا مذيب عجيب بلا هم .. لقيت لكم المذيب العجيب الصدقي !!

مرحبا بنات
هذي اول مرة اشارك معكم بهالقسم ..
بس طبعاً متابعة دايماً لاني متزوجة حديثاً و استفيد من خبراتكم

المهم .. انا ماعندي خدامة .. و موظفة و اتعب من الشغل لاني ماتعودت عليه :eek:
و احياناً يتوسخ الفرن ولا يصير عندي وقت انظفه .. و زي ماتعرفون .. كل ما طول الوسخ على الفرن كل ماصعب تنظيفه ...
ماخليت شي ... من جيف ... لرغوة الافران الخاصة .. الى اخيراً المذيب العجيب ... حق فيري ..
جربته على الفرن ماحسيته سوى فرق .. برضو يبي له فرك ..
و عيبه .. مرة حطيته على قدر فيه دهون ثقيلة .. و تركته طول الليل .. نسيته .. و رجعت لقيت القدر صار اسود .. اضطريت ارميه لان مافيني افرك :( لانه يخرب المعدن لو طول عليه ..


امس رحت ابو ريالين و لقيت بخاخ اسمه Pril و بس بثمانية ريال ..
بخيته قبل مابدا اغسل الصحون .. على الفرن ... مامداني رجعت للفرن لقيت الدهون انتحرت :eek:
مايبي لها اصلاً لا فرك ولا يحزنون ..!!! بس اسفنجة و بيروح كل شي !! حتى عيون الفرن الكهرباء ..!!
يا سلام ...


اتمنى تجربونه و تدعولي اذا عجبكم بالشفاء العاجل .. و حتى لو ماعجبكم .. ادعولي :)


الصورة موجودة .. للاثنين .. و زي ماتلاحظون فيري مقهور و معصب من بريل ..




و السلام عليكم