كيفكم بنات ؟ ان شاء الله بخير :27: ..
أنا عندي عرس وحده عزيزه علي بعد كم أسبوع .. وببدا أجهز من اللحين ..
بس حابه أحط الميك أب بنفسي ..
لبسي بيكون قصير إلى الركبه .. وقماشه حرير طبيعي ذهبي .. الذهبي المطفي مو اللي على أصفر مع شوية شيفونات .. يعني اللبس كله من نفس الدرجه ومره ناعم ..
المهم .. انا لوني حنطي مايل للأبيض .. وبسوي الميك اب برونزاج ان شاء الله
فـ أبيكم تساعدوني بليز .. لأني ميح :D
اول شي الجسم .. أبي لمعه برونزاج .. مو غامقه مره .. ولو تكون جايه على ذهبي أحسن .. يعني ما ودي انها تكون باهته ..
أنا شفت في ماركة بينفيت لمعه برونزاج للجسم .. بس مدري أبي تجاربكم أحسن ..
ثانياً .. انا ابد ما احب احط فاونديشن او بدوره سائبه او كل شي له علاقه بالأساس ..
دائماً أكتفي بـ كونسيلر خفيف اللي من MAC وبس .. لان بشرتي مو مره تحتاج
وفيه اخت كتبت هنا عن ماركة بينفيت وكتبت عن لمعتين .. وحده جايه على وردي
وبعدين تحط فوقها اللي على برونز .. ( يعني أحط اللمعه الوردي على كل الوجه لانها خفيفه .. والبرونز أحط نقطه ع الجبهه والخدود والذقن وعند الخشم .. هي كذا علمتني :D ) .. شرايكم ؟
انا حبيت هالطريقه وبسويها ان شاء الله .. بس السؤال لازم فاونديشن او ممكن اكتفي بهالطريقه ؟؟
ثالثاً .. الآي شدو .. انا مررررررررره ما اعرف أرسم بالاي شدو أبد أبد ..
ولكني أحب النوعيه اللي مثل كذا
ما اعرف ايش اسم الشادو اللي مثل كذا .. بس أحسه سهل بالرسم .. وأحلى
يعني ما احب اللي ما فيه لمعه لان أحسه باهت .. ممكن تدلوني وين ممكن ألقى مثل كذا .. بالألوان اللي تناسب فستاني ؟
رابعاً .. رسمة العين .. انا عيني بنيه ومايله للوسع .. شكلها عادي مو طويله ولا دائريه
ولكني مرررررررره أحب هالرسمه وأحسها مره رايقه وذوق
×××××××××××
شرايكم ؟ .. أبيكم تساعدوني .. وهل هي مناسبه او لا ؟
وبليز بعد تعلموني بالتفصيل الممل الممل كيف ممكن أسويها ..
خامساً .. الكحل .. بنات انا دايم أرسم عيني واحيانا يطلع حلو .. بس لما أجي ارسمها كلها يطلع مره جامد واحس كأني حاطته بمسطره .. ابي اعرف كيف ممكن اني احط كحل بس يكون شوي متدرج يعني مثل كذا ..
×××××××
عذرا الصور مخالفة لقوانين المنتدى
عرفتوها حقة دعاية عطر قوتشي ؟ صراحه كحلها روعه .. ودي أعرف ماركة كحل شبيهه بهذه .. وتعلموني بعد طريقة رسم العين بالكحل .. انا مره أحب النظره الشيطانيه :D ههههههههه أحسه حلو بالمكياج .. فـ بليز اللي تعرف الطريقه تقولي بالتفصيل الممل وان شاء الله يكون وصل قصدي وفهمتوه ..
كثير بنات بعد يقولون لي أحلى أرسم عيني بالآي لينر أحلى من الكحل القلم ..
ممكن تقولون لي عن ماركه حلوه وسهله الاستخدام وطريقة الاستخدام بعد ..
وايش رايكم بالنسبه للبسي أحلى آخذ آي لينر اسود ولا بني غامق ؟
وهل احتاجه في مكياجي البرونز ولا استخدم القلم أحسن ؟
يعني بالنسبه للعين أبيكم تدلوين من إلى .. الشدوهات والاضاءه تحت الحاجب والكحل والاي لينر .. وبعد أبي رايكم بالرموش الصناعيه اللي تتركب وحده وحده
مو اللي تجي كامله .. تطلع طبيعيه ولا ؟ .. ومن وين نشتريها وكيف طريقة التركيب ؟
انا ادري اني غثه :( .. بس معليه استحملوني ..
اللحين البلاشر .. انا احب ديور وبروجوا .. اللي أبي استخدمه من بورجوا ..
لونه كذا على مشمشي بس مو مشمشي ما اعرف اشرحه بس انه مره حلو ومناسبني
ممكن يناسب يا بنات ؟ .. اذا لا دلوني على بلاشر برونز ويطلع حلو وواضح
يعني أبيه زي كذا يكون
××××××××××××
شوفوا بنات من عند خدودها مره مره عاجبني .. علموني بليز .. بس ما ودي انه يكون جاي على أحمر مثلها .. يعني لو على ذهبي أحلى ..
اللحين الروج والقلوس .. أبي لون مناسب .. وما أبيه غامق أو ذهبي صارخ ..
يعني بيج على ذهبي .. بس مو بيج كأنه كونسيلر .. ان شاء الله تكون الفكره وصلت ..
والتسريحه بسويها مثل التسريحه اللي طايحه فيها هيفا اللي مرفوعه من قدام ومنفوخه من ورا والباقي فير .. او تسريحة شانيل بس على أعقل وأهدى شوي ..
واخيراً .. كتاب أحمد القبيسي .. مفيد ؟
بنات علموني طريقة المكياج كااااااااامله لأني والله مدري وش اسوي .. وطريقة توزيع الاضاءه وكل شي
ويا ليت مع الشرح تكتبون ايش بالضبط انواع المكياج اللي مستخدمينها ..
والله يجزي اللي تساعدني ألف ألف خير .. ومعليه تعبتكم بس استحملوني :)
المشكله ما صار لي ثانيه حاطه الموضوع ..
بنات لقيت هذا بموضوع وحده جزاها الله خير شرايكم ..
علبة الشادو هذه تناسب ؟ ومن أي ماركه اذا تعرفون .. مع انه شكلها بعد مو شادو
بنات هذه شكلها حلو.. بس مو شكلها بلاشر ومو مبين أي ماركه بالضبط .. اللي تعرف تقولي جزاها الله خير