انا مو من محبين بلح الشام وهاذي تجربتي الاولى واعتمدت العجينة بقوووووووووووووة وما اعتقد احد يجربها ويسويها صح وراح يروح لطريقة ثانية لانها تهبببببببببببل
عجبتني وقعدت اكل منها
والله كأنها جاهزة مو بالشكل بس بالطعم ما اقدر اقول كيف انة لذيييييييذ
من داخل طري ومن برا مقرممممشششش
انصحكم فية بقوة بقوة بقوة
هادي مقاطع لنفس الوصفة بالفيديو
XXX
يمنع وضع روابط اخرى
الإشراف
المقادير كلها بالوزن بس انا عارفة اغلب البنات مايستخدموا الميزان فقسته بكاس الجبن الفاضية بعد ماوزنت المواد
المقادير
--الكمية كبيرة تعطي صحنين كبار وشوي فالافضل نسوي نصف الكمية للمرة الاولى
الاخضر للاوزان الدقيقة والاحمرحق الكاس ابو جبن
1-400 غ طحين ابيض---3 كاسات وربع الطحين اول نحركة بالكيس بملعقة حتى يتحرك ويصير مو متكتل وبعدين نحطة بالكاسة الجبن ونمسحة يعني نملية لين فوق ونمسحة
2-200 غرام كاس واحد زيت جبن مملي لفوق يعني لما نمسكة يتكتت مانبغى ولامساحة للهوا مليان فل
3- 500 مل يعني نص لتر كاسين جبن ماء فل يعني ولانسمة هوا فية ولافراغ
4-6حبة بيض
5-5 غرام لكلامن ملعقة صغيرة ممسوحة سكر وملعقة صغيرة ممسوحة ملح
6-شيرة ثقيلة وزيت غزير للقلي
الطريقة
1-نحط الزيت +الماء+الملح +السكر في قدر ونولع علية النار حتى يغلي
2- نحط الطحين دفعة وحدة ونحرك بملعقة الخشب وننزل النار على الهادى جدا ونحرك حتى يصير زي الكتلة الوحدة وقاع القدر يكون فية مثل اللي فية بالدائرة
3-نحطة بالة العجن بالاداة k او نحركة بالملعقة بعد مانشيلة من النار حتى تبرد
4-بعد برود الخليط نظيف للخليط بيضة بيضة يعني نحط بيضة ونحرك حتى العجين يشرب كل البيضة وبعدين البيضة اللي بعدها وكدا حتى
ينتهي البيض
5-نحط العجين بكيس الحلواني ونبلل يدنا بشوي زيت ونعصر العجين على يدنا قد صبعنا وننزلة بالزيت
نقطة مهمةجدا جدا الزيت يكون بارد او فقط دافئ حتى يطلع مقرمش من برا وطري ولذيذ من جوا ويعني لما نحط البلح بالزيت يكون بالقاع مويطفح فوق وبعدين نرفع علية النار شوي شوي ونقلب حتى نحصل على اللون المطلوب زي للي بالصورة كلهم كانوا بالقاع بس لما جيت اصور ارتفعت حرارة الزيت فبدوا يطفحوا(مانبغى لما نحط العجين بالزيت انة يطلع فقاعات معاها الزيت حار نبغى الزيت بارد وبعين نرفع حرارتة وبعدين نعطية فيفادول
6-ونشيلة من الزيت على طول على الشيرة وبعدين نصفهم بالصحن ونرش عليهم فستق ويقدم
ملاحظة
لاحد يقول 6 بيضات زفارة وريحة وما ادري ويش انا اسويها ولافيها ريحة بيض ولا بعد بالعجينة ما احط ولا شي لافانيلا ولاغيرها
بس الشيرة ماء وسكر وشوية ليمون ولما تبرد شوي احط فيها شوي فانيلا سايلة وبس
اذا حبيتوا تحطوا زعفران وهيل وكدا براحتكم بس لاتحطوها عشان الزفارة لانه مافيها زفارة
لاتنسوا تدعوا لي
