انزين علميني اشلون اطلعت العجينه معاج قبل اضافة البيض؟؟
المفروض ما تطلع قاسيه ولا تطلع لينه حيل
انا راح اعيد لج الخطوات كلها وان شاء الله تضبط معاج
المقادير :
2 قلاص طحين
القلاص اهني هو كاس جبن بوك او كاس الماء العادي
نص قلاص زيت او زبده (انا حطيت زيت )
نفس الكاس نحط فيه مقدار النص زيت
2 قلاص ماء
الماء بنفس الكاس بعد ويكون مليان
4 بيض
انا بيضاتي وسط يعني مو كبيره ولا صغيره وماعرف حجمها بالضبط
1 م ص فانيليا
القليل من الخل الابيض (لرائحة البيض)
زعفران وهيل
وباقي المقادير واضحه
الطريقه :
يوضع الماء والزيت على النار حتى يغلي الخليط ثم نرفعه من النار
هذى الخطوه واضحه
نضيف الطحين ونخلط جيدا (اهني انا خليت المقدار يبرد اشوي لان ماحبيت اضيف عليه البيض وهو ساخن )
نضيف الطحين دفعه وحده ونحرك بالخلاط او بخلاط اليد حتى يتجانس وتصير عجينه متماسكه ولاتخلينه حيل يبرد يعني بس يعني يقدر يتحمله البيض
نضيف بيضه بيضه مع الخل حتى يمتزج الخليط ثم نضيف الفانيليا والهيل والزعفران
نضيف بيضه بيضه ولازم البيضه الاولى تخلط جيدا حتى نضيف عليها الثانيه وهكذا مع باقي البيض وكله بالمضرب ونضيف باقي المقادير
يوضع الخليط في كيس الكريمه ويشكل في زيت غزير ساخن على نار هادئه ويقلب حتى يتحمر
الخليط راح يكون متجانس ماهو لين كثير ولا حيل قاسي يعني يطلع من قمع الكيس براحه
خليه في المصفاة حتى يبرد جيدااااااااا ( وهذي الخطوه مهمه اهم شي انه يبرد تماما حتى ما يلين بعدين) وبعدها اسقيه بالشيره البارده
وهذى اهم خطوه حتى مايطلع بلح الشام لين
وان شاء الله يا رب يضبط معاج
11صبا11 :
لا يمكنك مشاهدة هذا التعليق لانتهاكه شروط الاستخدام.
11 صبا 11
اهاااااا
يعني مو على نفس طريقتي؟؟
ما انتبهت لكلااااااااااااامك
:(
وليش ما سويتيها نفس الطريقه؟؟
ومادري يمكن نوع الطحين والخميره هو خلاها بهذى الصوره اللي اطلعت عندج
وان شاء الله تجربينها على طريقتي وان شاء الله تضبط معاج وتحبينها
:D
اهاااااا
يعني مو على نفس طريقتي؟؟
ما انتبهت لكلااااااااااااامك
:(
وليش ما سويتيها نفس الطريقه؟؟
ومادري يمكن نوع الطحين والخميره هو خلاها بهذى الصوره اللي اطلعت عندج
وان شاء الله تجربينها على طريقتي وان شاء الله تضبط معاج وتحبينها
:D
الصفحة الأخيرة
احاول اجربها باجر انا سويت مثل مقاديرك والله ما زدت شي من عندي لين طلعت العجينة رخوة وايد وزدتها طحين
انا بالسويد وطحينا ابيض حتى احسن من طحين دولنا بس مو لدرجة طحين صفر
بصراحة انا سويت فيه انواع الكيك والحلا حتى ان زوجي قال انه شم ريحة بلح الشام وقعد من النوم وقال يبي ياكلها :( بس قلت له ان الخلطة اختربت عندي وما سويتها فعوضتهم بحلا ثاني :icon33:
بالنسبة للبيض اربع ما ادري القياس اللي عندك كم صغير كبير لان انتي ما قلتي لنا مثلا القياس بالمضبوط حتى تصوري الماي والزيت انا حطيت زيت مثلك قلت ما احط زبدة لان كلامك ثقة ومضبوط خليته يكون دافي لا بارد ولا حار :angry: والاخوات يلي نجحت عندهم ياليت يقولون القصة من طق طق لسلام عليكم :)
اتمنى والله تنجح عندي بيفرح زوجي وايد بس انا ما يئست بكمل لين انجح فيها ان شاء الله دعواتكم