بلشة ابتشلت في هالعمة ..الظاهر تموتني وترتاح

السلام عليكم ..شلونكم خواتي

انا كل مره اكتب لكم موضوع بسبب هالعمه الي مامخليتني مرتاحه
ياربي ابتلشت فيها ..تدخل في شغلي ..تجي تصارخ علي الي يقول خدامه عندها

اليوم اجت تصرخ تقول سبحي بنتج ..طبعا انا ماابغي اسبحها لانها نظيفه والجو بارد واخاف تمرض ..وكل شوي رايحه جايه تقول سبحيها اخر شي قلت لها هاذي بنتي وكيفي متى مااسبحها اسبحها تقول لي مو على كيفك..بعدين راحت لزوجي وكان مع اصدقاءه واقف برا تقول له زوجتك خلي تسبح بنتك وتصارخ وفضحتنا قدام الناس ..وصارت هوشه مع زوجي بسببها قلت له بنتي بكيفي ماابغيها تدخل في هالشي

تروح تعطي لبنتي اكل يابس ماتقدر تبلعه وهي بعدها صغيره بالاشهر لازم دائما اراقاااااابها ..وفوق كل هذا توسخ ثيابها من الاكل وماتحافظ على نظافتها

من يرجع زوجي من برا سيدة تجي وراه وتفتح الاكياس وتشوف شنو جايب:(

ةبعدها على ازعاجها تكسر الباب من الضرب الا افتحه لها

اذا اطبخ شي تقعد تتكلم ليش الاكل كل دهن ولا تطبخين هالاكله ...الصراحه انا حره ومو خدامه عندها واطبخ الي يعجبني ويعجب زوجي

ادعوا بنات تروح تقعد في بيت واحد من اولادها وافتك منها لان تعبانه منها كللللللللش ورافعه ضغطي واخاف امرض بسببها ومسويه لي مشاكل مع زوجي

لا تقولين تحملي ولك الاجر ومن هالكلام ...انا من حقي شرعا يكون لي بيت مستقل واسوي الي ابغيه بدون تدخل احد ..قاعده اتحمل شي فوق طاقتي ..وتحملت وااااااااااااااااايد وحاسة بنفسي بنفجر

ورجاء علموني طريقة اخليها ماتدخل في حياتي واخلي زوجي يوقف بجانبي من هالناحية