كيفكم وكيف أخباركم
شوفوا هالبلوزة السهلة البسيطة
100% من أختراعي
والقصة وما فيها هالخيوط عندي من زمان ( الدانتيل أو ما يشبه الدانتيل قصدي ) وماني عارفة شو أعمل بيهم
وكمان الخيطان الزرق اشتريتهم على أساس أعمل بلوزة بس بصراحة ضيق الوقت والكسل خلاني أبدى بأكثر من موديل وأفك أحسها بتطول معي
إلى أن وصلت لهالاكتشاف شو رأيكم لاحظو أنه بتنلبس على الوجحهين :)
والطريقة أظنها كثير سهلة
قصي الدانتيل بحسب المقاس المناسب ثم أشتغلي أعمدة عليه وأشتغلي باترون الفيليه فوقه
بس توصلي لفتحة الكم والرقبة أبدي نقصي يعني أتركي مربع فاضب (اشتغلي فوقه منزلقة ) وبعدها استمري عادي لعند القبة
بعدين نفس الشي الدور البعده نقصي وحدة من جهة الكم ووحدة من جهة القبة إلى أن تلاحظي تشكل شكل مثلث عندك بعدها أبدي بعمل الشيال
طبعا رح تكوني ماسكة جهة وحدة بالشغل لو فرضنا الطرف اليميني
بعد ما تخلصي أقطعي الخيط وأربطيه في الجهة الثانية ( رح تكوني واصلة بهالجهة إلى فتحة الكم والرقبة ) عيدي نفس الطريقة اللي فوق ورح تطلع معك أحلى وأسهل بلوزة بناتي
كرري الظهر بنفس الطريقة
ويعطيك ألف عافية على البلوزة الحلوة
ورح أحط باترون رسمة الفيلية
لاحظتو أني مكترة من موديل القلوب هالفترة :27:
أنتظر أرائكم الحلوة