بلوزة سهلة تتتعمل فى يومين بالكتير
لونها لبنى جميل اوى بس زعلت لما اتصورت
البلوزة تبدأ من فوق وتبئا بدون اى خياطات
الطريقة>>>>>>>>>>>>
1- ابدأى بعمل 102 غرزة سلسة + 4 + 2
2- نترك غرزتين ونشتغل من الثالثة كل السطر بغرزة الحشو
3،4 نعمل غرزة سلسة ثم نشتغل سطرين بغرزة الحشو
5- نشتغل 16 غرزة بريد وفى الغرزة ال17 نعمل فستون رقم (1) ثم نشتغل 18 غرزة بريد وفى ال 19 نعمل فستون رقم (2) ثم نشتغل 34 غرزة بريد وفى ال35 نشتغل فستون
رقم (3) ثم نشتغل 18 غرزة بريد وفى ال19 نعمل فستون رقم (4)
ثم نشتغل الغرز الباقية وهى 16 غرزة بريد
6- السطر الثانى نعمل 3 سلسلة ثم نشتغل عمود ، 2 سلسلة
ونكرر ذلك وكلما وصلنا لفرزة السلسلة التى فى كل فستون نعمل فيها فستون اخر لنهاية السطر
السطر التالى لنهاية طول الصدر والذى يتحكم فيها حردة الابط حسب الوسع المرغوب
وغاليا يبقى 12 سطور او حسب مقاس حردة الابط
نشتغل كالاتى : مكان العمودين نعمل سلسلتين ومكان السلسلتين نعمل عمودين وكلما وصلنا لغرزة السلسة التى فى كل فستون نشتغل فيها فستون
عند الانتهاء من الصدر نكمل كالاتى:
نشتغل بنفس الغرزة الى ان نصل لسلسلة اول فستون نقفلها مع سلسلة ثانى فستون ونكمل بنفس الغرزة الى ان نصل لثالث فستون نغلقه من السلسلة برابع فستون ونكمل لنهاية السطر
وبكدا يكون عندنا فتحات الكمية والصدر
ثم نلف الشغل ونشتغل بنفس الغرزة حتى نصل للطول المطلوب
لعمل الاكمام >>>>>>>>>>
نربط الخيط فى فتحة الابط ونشتغل الدايرة بنفس الغرزة المستعملة الى ان نصل للطول المطلوب وكذلك الكم الاخر
لو كانت فتحة الرقبة واسعة ممكن تربطى فيها خيط وتشتغلى بغرزة الحشو مع عمل تنقيص مناسب فى كل سطر حتى تصلى للوسع المطلوب
وبكدا تكون البلوزة خلصت
لو فى اى استفسار انا فى الخدمة دائما
والله الموفق مع تمنياتى بالتوفيق
انا لسه محتاسه في الشال مش راضي يخلص
بس جبتي بلوزه جميله وجننتيني بيها شكلي هااسيب الشال واعملها
بلوزه حلوه فعلا تسلم ايدك