enass72 :

طريقة البلوفر الأول: بدأت البليسية 79 غرزة ( طبعاً عدد الغرز بيكون حسب المقاس اللى إنت محتاجاه تزودى أو تنقصى براحتك) بغرزة البليسية الإنجليزى و هى كالتالى : على عدد مفرد من الغرز . السطر الأول : 2 غرزة عدل ثم 2 غرزة مقلوب.يكرر الى نهاية السطر و ينتهى 1 عدل أو 1 مقلوب. ثم يكرر السطر الأول. عملت 6 أسطر باللون الأزرق ثم 4أسطر باللون الرمادى ثم 4 باللون الأزرق ثم 4 باللون الأحمر و بذلك نكون انتهينا من البليسية الخاص بالجزء الأمامى. ثم نبدأ الشغل باللون الرمادى بغرزة الجرسية (سطر و سطر ) و هى كالآتى: السطر الأول : جميع الغرز بالعدل . السطر الثانى : جميع الغرز بالمقلوب. نعمل الجزء الأمامى الى أن نصل الى الطول المطلوب اللى عنده هنبدأ حردة الإبط طبعأ كل حسب طوله و مقاسه الطول اللى معى 30 سم من بعد البليسيه. ثم نبدأ حردة الإبط و هى كالتالى : يكون بتنقيص 4 غرز فى الصف الأول و اشتغلى الى نهاية السطر . و عند بداية الصف المقلوب اقفلى 4 غرز و اشتغلى الى النهاية .و السطر العدل التالى تقفل 3 غرز و اشتغلى باقى الصف و فى بداية الصف التالى اقفلى 3 غرز ثم أكملى باقى السطر ثم غرزتين ثم واحدة و بذلك تكون قد انتهت الحردة .( أنا عملت أول 8 سطور من بداية الحردة باللون الأحمر و الستة اللى بعدهم باللون الأصفر ثم اشتغلت باللون البترولى باقى الجزء الأمامى . ثم نأتى لفتحة الرقبة أنا قسمت الشغل فى هذا الجزء الى قسمين عدد الغرز الباقى / 2 يعنى احنا بحردة الإبط نكون قد اقفلنا 20 غرزة من الجهتين يكون الباقى معنا على الإبر عدد 59 غرزة نقسمهم الى قسمين قسم على ابرة و نتركه و نشتغل الآخر يعنى هنشتغل 27 غرزة من أول السطر و نتركه ثم نقفل غرزة (فى المنتصف و هى بداية القسم اللى هنشتغله ) ثم نكمل الجزء حتى الطول المطلوب عندى 9 سم ثم نأتى الى تقفيل الكتف و هنا نقسم عدد الغرز على الإبرة الى ثلاثة /3 يعنى 27/3 = 9 فيتم قفل 9 غرز كل بداية سطر يعنى على 3 سطور و بذلك يكون كل الغرز قد اقفلت على الإبرة اللى عليها الشغل . ثم نعمل القسم الثانى اللى تركناه بنفس الطريقة و نفس طريقة التنقيص و القفل .. و بذلك نكون أتممنا الجزء الأمامى . لو لسه عايزنى أكمل قولوا لى ..؟؟؟؟؟

طريقة البلوفر الأول: بدأت البليسية 79 غرزة ( طبعاً عدد الغرز بيكون حسب المقاس اللى إنت...