بليزززززززززززززززززززززز

ياستي طريقتي
شفتي الكيس الاحمر الي ينباع فيه البصل؟
تراه احسن من الاسفنجات وعمره يطول ويستحمل الكلوركس ولا يذبل منه ويفرك زين

شوفي جيبي تايد وكلوركس ومويه عادي والبسي قفاز لان الكلوركس بياكل اليدين بس ينظف تنظيف كويس
انا عني امسك ربع الجدار واغسله وخاصة الجدار الي عند كرسي الحمام العربي اكرمك الله لان غالبا تتعلق فيه الوساخات
وكمان اغسل باقي ربع الجدران زي ما قلت لك واركز ف الجدار الي عند المغسلة الي بين المغسلة والمراية لان الجميع يغسل ويفرشي وممكن تتعلق فيه برضو وساخات
الكرسي الافرنجي وحتى العربي تغسلينهم بالليفة كويس لكن دااخل الكرسي تصبين من الخليط وتغسلينها بالفرشة المدورة الي تتدخل جوه
وافركي كويس وخاصة الافرنجي كثيرين مايعرفون يغسلون الي جوه يغسلون من برا والي جوه تلقينه مصفر ولا لونه مش زي باقي الكرسي
عادي لا تقرفي لان هالفرشة بس هي الي لوحدها تدخل جوه الكرسي ولا تستخدمينها ف غيره واغسليها كويس بالموية ورجعيها مكانها
انا حتى الكرسي الافرنجي اغسله من برا وحتى من تحت يعني قعادته من برا لان البعض مايعرف يستخدمه وبرضو ممكن ينقط عليه شي

وحتى لما تفركين البانيو وجدرانه وكمان الجدران الي حوليه لان لما الواحد يستحم ممكن تعلق الرواسب بالجدار الي عند مكان المروش
ولما تنظفينه تحسين بعدين ان كل شي يزلق من النظافة ولا يتكون الجير ابدا
ولما تخلصي حطي ف صرة شاش زي مايسوون بعض البنات ف المنتدى وحطي كم ملعقة من العجيب او العملاق وحطيها ف السيفون عشان كل ما احد استخدم السيفون يتعطر المكان
وكمان لو الروائح تطلع لك من البالوعة صبي فيها كم ملعقة من بيكربونات الصوديوم
ونسيت اقول شي مهم
لو انتِ اول مره تنظفي الحمام بهالطريقة الجير ممكن يتعبك ف البداية لانه متراكم فأستخدمي منظف ميه واحد مع التايد وانتبهي تحطي معاه كلوركس لانه بيعميك مره قوي هو يكفي صبيه ع المغطس والجدار الي جنبه وبالارضية والكرسي والمغسلة وبعدين افركي

والله يوفقك
اتمنى اكون افدتك

زي ما قالت لك الاخت ماشاء الله كفت ووفت

هذا موضوع لأحد الاخوات ممكن يفيدك كمان

الهاربيك حلوو للأفرنجي ينظفه صح حطيه وخليه شوي وبعدين ادعكي ويرووح

كمان التايد مع الكلوركس مرره حلووو

واذا فيه ريحه مو حلوه حتى بعد التنظيف
فيه روائح تنباع شفتها بكارفور للحمامات تلاقينها عند قسم المنظفات

وكثير من الأخوات بالمنتدى اشوفهم يمدحون منظق ايمه ستريس

ما شاء الله الاخوات كفوا و وفوا

واكرر ما قلنه
اذا كانت هذي المرة الاولى فلا تتوقعي نتيجة سريعة
لكن مع كل مرة تنظيف ستجدين الفرق

انا ما عندي خبرة بالتواليت الشرقي
بس للغربي :
دائما استخدمي كلور
كل ليلة افرغي كلور داخل التواليت قبل النوم ليبقى اثره طول الليل
- هناك علب كلور خاصة للتواليت تحطم الكلس ايضا -
او ممكن استخدام كلور عادي

للمغاسل استخدمي بخاخات خاصة للحمام و المغاسل
الكلور وحده ما ينفع
افضل شي استخدمته لحد الان / اياكس
و الباقيات لا بأس بهن
بس الاياكس كان الافضل برأيي

حاولي دائما مسح كل الزجاجيات و البلور و البورسلان
ليلمع

اذا كان عندكم شاور زجاج فبعد كل استحمام استخدمي بخاخ زجاج و امسحيه ليبقى لامعا بدون اثار قطرات المياه و لترسبات

و طبعا العطور مهمة جدا
ان كانت ورود جافة او شموع معططره او زيوت او حتى بخاخات

و سيكون كل شئ اسهل لو كان حمامكم فيه شباك

دمت بخير